|
بتمنى تسامحوني ،،،
السلام عليكم ورحمة الله وبركاته يسعد مساكم وأيامكم كلها ما بعرف كيف ابدأ وشو احكي وبعرف الموقف بايخ بعد غيابي الطويل ورجوعي وترحيب الادارة وكل الغاليين على قلبي بي لكن مضطرة أقول لكم إني راحلة من غير رجعة ووجب عليَ توديعكم وشكري لكم بتمنى من الكل يسامحني سابقا واليوم بعترف بتقصيري معكم كل هالفترة وغيابي من دون سبب وبعترف أن فرحتكم برجوعي وترحيبكم لن انساه طول عمري عذبتكم معي كتير ، بس كلو خير عرفت معزتي بقلوبكم وانو الايام اللي قضيناها بالمنتدى والمشاركات ما كانت هيك على الفاضي أصدقاء واخوة واخوات اعتز بهم كلهم واحترمهم وادعو الله أن يوفقكم دائما ويسعدكم وبتمنى اشوف تيرا الحب من أكبر المواقع وأجملها بتمنى من عبير تسامحني وبعرف قلبها كبير وطيوبة وتتفهمني وصديقة غالية جدا على قلبي ،، بعتذر منك عبورة وبعتذر من جديد لكل شخص أخطأت بحقه من دون قصد وبتشكركم على كل ما قدمتوه لي من محبة واحترام وترحيب هي إجازة من النت نهائيا لفترة غير محدودة لا ينشغل بالكم وسأبقى على اتصال مع عبير لأطمئن عنكم وإن شاء الله دائما أشوفكم بخير وأسمع عنكم الأخبار الطيبة وكل سنة وأنتو سالمين بمناسبة قرب رمضان والله يعيده عليكم بالصحة والسعادة سلااااامي لكم جميعااااا واتمنى من الأدارة أن تغلق هذا الموضوع ودمتم في حفظ الرحمن أختكم بسمة |
بسمة حبيبتي صحيح أنا لسا ما تعرفت عليكي وما بعرفك بس انتي بنت طيوبة وهالشي مبين من كلامك ومن معاملتك مع رفئاتك هون انا حبيتك بدون ماعرفك
بس على كل حال الله يوفئك انتي كمان وتكوني عطول منيحة ومبسوطة |
بسوم (((((( يافرحة ماتمت ))))))))
بعد مارجعتيلنا بالسلامة بدك تروحي والله المنتدى نور برجوعك ياستي على اي حال اكيد كل انسان الو ظروفو ويارب الله يوفقك ويكون معك بس حاولي تطلي علينا ونطمن عليكي بخير وعافية (( ولاتنسي الك اخوات هون كمان )) اخوكي عماد |
انشا الله يكون غياابك خير يا رب
ولسه ما لحئنا نفرح برجووعك يلا انشا الله خيرر وبتضلي بالف خيرر واتزكرينا دااااائما اوعي تنسينا ونحنا لح نتزكررك كتيرررر ونشتئلك دمتي بود وخيررررر ودمتي بحفظ الرحمن |
:152: أختي بسمة! :152: :142: المنتدى فقد لمواضيع ومشاركاتك :142: :cry: ورح يفتد لأبداعك :cry: :134: عشنا أيامً رائعة في تواجدك معنا :134: :111: أتمنا أن تعيشي حياتك في أتم الصحة والسعادة :111: :cry: أنتي مثل أختي وأعز :cry: :111: والله شاهد على كلامي :111: :142: شتقنالك في غيابك :142: :148: وفرحنا في رجعتك :148: :7f5341cc: ورجعنا حزنا على فراقك <<<<<< بكره هل كلمة :7f5341cc: :130: أتمنا أن تطلي علينا كل أسبوع مرة أو كل شهر مرة :130: :142: أتمنا لكي كل التوفيك والسعادة والهناك :111: أخوكي ملك الغرام :7f5341cc: |
لا عاد ترجعي ابدا
|
???????????
|
وليييييييييي انصدمت
لسة والله ماتهنيت برجعتك يالله كتير زعلت بس متل ما ارجعتي هالمرة متاكدة رح ترجعيلنا المره الجاي ورح ضل قلك اني رح استناك لانو رح ترجعي باذن الله وبتمنالك التوفيق بحياتك واهم شيئ تكون بالف خير والظروف الا ما تمرء وقته ارجعي لانو عم نستناكي دائما ونحنا بنحبك كتير ومارح نستغنا عنك ابدا لانك غالي وبالله يابسومه لو تعرفي انتي شو عنا لتحديتي كل الظروف وئد من كانت قاسي وبقيتي معنا وانا متذكره كل حرف قلتيلي اياه وقت كنت بدي اترك واقتنعت بكلامك وبقيت مع الناس اللي بحبن ومارح اتركن لو شو من صار ومافي حدا مابتمرء علية ظروف صعبة وانا هلاء بدي قلك اياه لاتبعدي عن الناس اللي بحبوكي وبالله انزعجت كتير وماقدر كون بالمنتدى وقت كنت موجوده ولاحتى سلمت عليك |
اختي الله يسر امرك
وموفقة بحياتك |
ما هكذا تورد الابل يا امام
وا أسفاه |
اووووووووووف شو صايررررر ؟؟؟؟
وبسوم انتي قمر منتدانا ليش هالقرار تخزتيه واي قصة صايرة بينك وبين عبير بظنها بتتصلح وما بتنحل الامور بالغياب ارجو منكي اختي العزيزة ان ترتبي اوراقك وتعملي حسباتك وتعرفي انو هون في ناس بتحبك وبتريدك وبتصعب عليهن فراقك لاسباب بسيطة وممكن انها تنحل بالنقاش اما ان كان رحيلك لظروف عائلية او اجتماعية فربي من فوق يسرلك امرك ويسعدك بحياتك وينولك مرادك اخوكي ورد الشام |
عن جد انصدمت ليش هيك صار
بسمة الله يسامحك مارح قول اكتر من هيك |
يسعد صباحكم أول شي بتشكركم كتير لعتابكم وكلماتكم بحقي وعتابكم الي بيدل على محبتكم واخلاصكم بس وربي حسستوني كأني عاملة جريمة :confused: الشغلة ما بدها علامات استفهام ولا كلمة وأسفاه ولا عاد ترجعي ! وشغلة تانية بيني وبين عبير مافي مشاكل بنوب وبعمرنا ما اتخانقنا وعبير انتي بتعرفي أكتر وحده الظروف اللي مريت فيها ومن فترة كنا منحكي انو الانسان بصير عندو ظروف أيام ما بيقدر يتحملها أنا حكيت أنو بدي اخد اجازة من النت لفترة يعني ما رح كون هون وما اشارك بمنتداكم بالذات ومعكم ! صار عندي ظروف جديدة ما فيني اشارك ولا بأي منتدى وانا من النوع اللي ما بمرق على موضوع مرور الكرام اذا الواحد مو مرتاح صعب أنو يشارك ويعطي ومتل ما قلتي عبير مصير القمر ينطفي ومو أول وحده أنا باخد اجازة كل انسان بيمر بظروف بتخليه يبعد شوي والله لا يحرمكم من بعض نزلت موضوع اعتذار منكم مو لحتى تزعلوا مني :111: وآخر كلامي ( التمس لأخيك سبعين عذرا ) وبتمنالكم التوفيق والنجاح وبحترمكم كلكم لا اله إلا الله سلاااااااام |
ايوه بسمه عامله جريمه
فيكي كنتي تغيبي ونسال عنك ونقول عندك عذر لكن تقولي ما حتدخلي هذا الشئ الي ما نقبله منك القمر بيغيب بس بيرجع يظهر لكن انتي قلتي ما عاد تدخلي خبريني كيف اعطيك عذر |
حقك على راسي يا غالية
خلص لا تعطيني عذر وبعرف قلبك كبير وطيوبة |
تمشيني ع قد عقلي
ترى بسمه والله معصبه منك نصيحه ترجعي وترجعي عن قرارك هذا |
صباح الخير بسومة وعبير
انا بأيد عبوره بكل حرف وما بلومة لانو اخد على خاطرة منك لانو مافي زعل الحمدالله نحنا معك ورح نقدر ظروفك بس ارجعي ولاتقولي انو مارح ترجعي هاد اللي زعلنا ودايئنا كتير انو هيك قررت طيب ونحنا شوووووووووو |
صباح الخير ياسو
خبريها والله جننتني ورايحه تجلطني |
اي اي اي وست مية اسفاه يا خانم
اقل شي يكون في حكي بين المعترين ونشوف شو ممكن نساعدك متل ما انتي كنتي دائما سباقة للمساعدة ولاخر العمر ما بنكرلك الي عملتي كرمالنا الاوضاع الصعبة بالبلد عندكن ابعد شي عن الصعوبة وجمعاتكن نايمين بالعسل ومالن بكل هالطبخة ومابتوقع هي هية القصة والك مليون عذر غير هيك بس بعرف الواحد بيتجه للافضل وبيعتزل الشي الي مابحبو او يلاقي افضل منو وقصدي عن شي شخصي مو نت او غيرو فاذا كان غيابك لشي احسن وافضل من الي كونتي هون بتمنالك كل خير وسعادة لانو كل همنا تكوني بخير وصحة وعافية ولو ما الك معزة كبيرة ما كنتي شفتي كل هالزعل منك اي خالتو في زعل سلااام |
انا ما بدي رد على الموضوع
|
اقتباس:
بس اذا نحنا غالين عنده مابتتركنا هيك وبتبقى معنا وبتتحدى الدنيا كله كرمال اللي بتحبن وبحبوه واكيد نحنا مقدرين ظروفة بسومة نحنا بأخر هالزمن صعب تلاقي هيك ناس بحبو وبيخافو عبعض متل هلاء بدك ترتاحي اشوي ارتاحي بس لازم ترجعي كرمالنا كرمال اخواتك اللي بحبوكي لنرجع ايام زمان واحلى منه كمان لنبقى مع بعض انداري بعض ونوقف جنب بعض وبالله لحتى تنسي كل شيئ اسمو ظروف صعبة لانو مو لحالك في حدا جنبك بيسليكي وبحبك كتير ولك حتى بعمرو بيفديك بدنا نعرف اديش معزتنا بقلبك..:a018[1]:..؟؟؟ :bye2: :bye2: |
اقتباس:
ال على قد عقلي ال بتعرفي هلأ بشوفك أيامك معصبة على الكل بس بعمري ماشفتك هيك معصبة مني سلامتك من الجلطة يا قمر يبعتلي حمى أنا لك وربي فكري منيح هتلاقي انك خلصتي مني ومن همي :107: |
اقتباس:
لك انتو اخواتي وبحترمكم كتير وعلى اد ما فيني بدي ساعدكم اذا شفتكم بمشكلة وهاد واجبي اللي عملتو ولا شي ادام اخلاصكم الموهييييم ردك استفزني أخي لورد هي نايمين بالعسل هي فيها مجازر رح تصير بنا فالله يرضى عليك لا تحكي هيك ايووة وشكلين ما بحكي هههههههههههه شووو نسيت مدينتي وشو عملت بزمانها !! ياحسرتي عليها وعلى ناسها أخ بس على كل حال لا تنسى نحنا ترباية ابو الغالي :closedeyes: والله ربانا لولد ولدنا :fart: وفهمك كفايه أخي الطيب ياريتني فيني احكي اكتر واقلك كيف لحد هلأ اهالينا بيحكو وبتحسرو الله بيعين ويااارب تفرجها علينا وعليكم يارب العالمين وبلاها هي أسفاه |
اقتباس:
طيييييب لا ترد حمود فوتك لموضوعي بتكفي وربي يسعدك ويوفقك بحياتك أخي الغالي |
اقتباس:
يسعدلي مساكي وأيامك كلها يآسو والله وانتي غالية وكتير كمان وكلامك على راسي من أول رد لآخر رد منك قريتو حرف حرف وحنيت لأيامنا وقصصنا ومعزتكم بقلبي ما بدها اختبار ياسو وانتي والكل فعلا وقفتوا جنبي هاليومين ربي يسعدكم جميييع ويارب تتحقق كل احلامك |
اهلين ابو شهاااب
اي نرفزي مو مشكلة وعصبي وزعلي وانقهري كمان اد من صار فيكي مو اد الليصار فينا وقت شفنا هالموضوع بعد ما فرحنا برجعتك هيك يا منظومة وبدي قول واسفاه وياحسرتاه ويا معتصماه ههههه هلاء بالنسبة لمدينتك شو عملت بزمانا ايييييي اختي كااااانت ستك صبية وماحدا قصر بزمانو بس هلاء شو؟؟؟؟؟؟؟ هي بدا حكي ونقاش مو هون حتى فرجيكي انو الكبة تبعكن ماعم تسوتي وعشان موضوعنا خيتو مالك عذر شو من كان وعم تردي عالكل انو اي خلص بس رايحة بسمة يمكن نرجع ونحكي هون مرة وتنين وعشرين واكتر لانك اخت وغالية ومافينا مانساعدك ونكون جنبك غصب عن مخك فلذلك يا بنتي صفني شوي بردود هالموضوع وشوفي مع نفسك هدول ناس ممكن ينسوكي او انتي فيكي تتخلي عنن روحي فكري منيح وقلبي الكبة بركي بصير وقتا باخر هالعمر نرفزي خرجك هع |
بسوم العتاب بدل عالمحبة
ولو مابنحبك مابنزعل من قرارك الي لهلئ ماموافئين عليه ورح يزعلنا كتير كتير لو صار انتي بتعرفي منيح معزتك عنا وبتعرفي شو فرحنا برجعتك بس للاسف رجعتك كانت صدمة وقرارك كمان كان صدمة بس الاختلاف بينهم انو الاولى صدمتنا من الفرحة والتانية صدمتنا من الزعل وكأنك رجعتي بس لتئهرينا وكمان بيعدها مرة تانية الله يسامحك |
بسومه مفيني ئلك ئديش نصدمت وئت شفت موضوعك
هلأ إنتي بتعرفي اديه غاليه ع ئلوبنا كلنا ولولا هيك ما كان صار هالزعل والعتب الئوي وغاليه ع ئلبي أنا كتيرررر يعني الإنسان بمر بضروف ومن حئك تحتفظي فيها فيكي تغيبي عنا شوي وترجعيلنا بس يلي زعلنا كتير هوي وئت حكيتي بلا رجعه نهائي هيك قرار هوي يلي بزعلنا خصوصا إنو من يومين بس فرحتينآ كتير وحياه الله حسيت المنتدى رجع متل ما فتو أول مره وإنتي شفتي الفرحه بعيونك اديه كانت بئى رجعتي خليتيها بنفسنا وزعلنا أكتر من أبل بسسسوم ياغاليه نحنا بتمنالك كل شي خير بالأول وبالأخير وئت غبتي عنا من أبل ورجعتي ضل مكانك بئلبنا وفادئينك وازا رح تغيبي لوئت معين وترجعيلنا أكيد نحنا عم نستناكي بس إنو تغيبي بشكل نهائي هالشي صعب علينا بحكم إخوتنا محبتنا وصداقتنا وما تنسي تعتيرنا يعني يلي بدنا ياه هلأ وما فئدنا الأمل فيوو هوي رجوعك ومتل ما حكت ياسو والله صعب هالإيام نتلائى بناس بيحبو بعض وبيخافو ع بعض متلنا ولورد حكى كمان شغلي إنو ازا انتي خترتي الأحسن وشي شخصي لانت ولا غيرو هوني مفينا نحكي شي غير إنو بنتمنالك التوفيئ ونحنا عطول بنتمنالك ياه بس كمان بدنا ياكي ضلي معنا .. وازا ما ئدرتي هلأ بدنا ترجعي تكوني معنا وئصه بلا رجعه هالحكي ابدا ابدا مش مئبووول فكري منيح بسوووم وردي خبرينا الخبر يلي بدنا ياه |
| الساعة الآن 08:00 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
