رد: رحلة الأدغال مع أعضاء تيرا الحب
 

ههههههههه
على قد ما اتبهدلنا بهالرحلة على قد ما استمتعنا
ما شاءالله عليك لورد خليتنا نندمج معك و نتخيل الأحداث
متابعينك بشوق

رد: رحلة الأدغال مع أعضاء تيرا الحب
 

هلا والله هلا والله

نورتي دريم روز

دنتو لسة ماشفتوش حاجة يا باشا

.......


تاخرت عليكن بالمقطع القبل الاخير بسبب قلة الوقت

رد: رحلة الأدغال مع أعضاء تيرا الحب
 

الله يستر ههههه
يلا نااااااااطرين
وع فكرة الغنية يلي بتوقيعك كتير بحبها والتوقيع بيجنن سووو مزوء ^^

رد: رحلة الأدغال مع أعضاء تيرا الحب
 

بنات انتبهوا شباب تيرا مالهم امان
وممكن يرجعوكم من البحر عطشانين
ترى ياما علقنا معاهم
بس بشويه من كيدكم فيكم تغلبوهم وترجعوهم جثث هامده ولو حتدفنوهم بطريقكم ما عندي مانع
وراح اوكل لكم محاميه

رد: رحلة الأدغال مع أعضاء تيرا الحب
 

اه الموضوع حلو كثير ونسيت اشكرك عليه

رد: رحلة الأدغال مع أعضاء تيرا الحب
 

نتابع....

بعدا القرار الي نفذو قسمو حالن الاصدقاء

نضال وحسام ولورد ينطرو برة ويراقبو الوضع

والصبايا يدخلو متنكرين بزي البدو لعند الشيخ
وقررو يكون الناطق باسمن سحابة صيف وانين

كوايت روز و دريم روز جابو قلم كحلة
وصارو يرسمو دقن وشوارب لسحاب وانين
والباقي تلتمو وغطو وجهن

و امير الاحساس و عاشق الياسمين و خيوط الوهم
رح يتلتمو ويوقف وراهن حتى يدافعو عنن اذا انكشف امرن

واتجه الشباب التائهين باتجاه القبيلة ودخلو واستجارو
واتجهو لخيمة الشيخ


الشيخ : يا هلا يا هلا ورحب بالظيوف هلا وغلا ارحبو ارحبو

الشيخ سحاب :: هلا بيك يالنشمي عز الله ديارك

الشيخ :: يا هلا بالاجاويد تفظلو اقلطو ..... من اي عرب يا الربع

الشيخ انين :: حنا من عرب تيرا عرب الشعر والقصيد

الشيخ :: هلاااااااااااا وغلااااا يازين العربان .. جيب الربابة يا عويد

كوايت روز قاعدة جنب دريم روز وانين :: يبعتلو حمة ربابة شو

دريم روز :: سسسس سكتي شو يجبلك غيتار يعني
بعدين خشني صوتك لاتفضحينا

وبلشو شيوخنا يقولو شعر وقصيد ومدح ومدح بالشيخ
لحتى انتفخ من كتر ما نفش حالو

وماعاد سدق حالو وعرم متل الديك

الشيخ سحاب ::

ماضاقت الدنيا ولا ضاق بالي
حتى ولوو مالي مع الناس خلان

اهون اعيش بحلم لو هو خيالي
ونطلب وتلبي طلبنا يا شيخ فلان

الشيخ :: بعد نفشة حال مو طبيعية ابشروووو بطلبكن يا الربع
بس نبي تسمعونا شعر اكثر صح لسانكم

ومن كتر ما نفش ريشو شلف عبايتو عاساس عم يشخص واجى طرفها بالنار

الشيخ انين :: ياشيخ عبايتك بالنار قايدة
الشيخ يررد ولا هوة بحول الدنية ومطروب آخر طرب

تابعت انين ::يا شيخ ترى عبايتك تحترق بالناااااار

الشيخ :: بالناااار... بالناااار

انين :: يا شييخ تراه جد ماهو بهزااار

الشيخ :: هزااار .... هزاااار

انين :: ياشيخ انت ثووور ولا حماااار

الشيخ :: حماار ..حمااار

.............

وولعت النار بهالشيخ

ونطو الشباب وصارو يطفوه ويكبو مي عالشيخ
واجت المي عوجه سحاب وانين وطارت الدقن والشوارب

وشاف الشيخ هالشوفة واكتشف الامر وصار بدو ينادي لقبيلتو وماعاد استوعبو راسو

الشيخ :: تعملون في كذا وانا الشيخ ابو دعاس
والله لافظحكن ووصل الشغلة لسيادة الرئيس بشار

الشباب :: شوووووو ... طلعت شبيح يا ابن الكلب

امير الاحساس ماتحمل حالو بعد ماسمع وكشف عن وجهو وحمل دلة القهوة

وهجم عالشيخ :: تكبييييييييييييير .. وخبطو بنص راسو

قامو الشباب ربطو للشيخ بنص الخيمة وسكروا حتى ماحدى يشوفن

ونزلو قتل وخبيط بهالشيخ وهرولو جلدو هري

امير الاحساس :: ااااخ كان لازم نسرقلك كل الغنمات مو بس تنتين يا واطي

من بعيد حسام ونضال ولورد شافو واجو راكدين ووصلو للخيمة وماحدى قرب علين
وفاتو لعند الشباب ولا حدى قرب

نضال :: لعمى في قلب هالقبيلة شو هاد

طلع حسام عباب الخيمة وصاح :: انقلااااب
كمان ماحدى عبرن

لورد:: شكلو قبيلة كل من ايدو الو لذلك رح نجمعن
ونقلن تم دبح الشيخ الشبيح

جمعو الشباب لاهل هالقبيلة وخبرون انو شبيح وانو تصرفنا معو وكمان مافرق معن

نضال :: يا اهل القبيلة الكرام بعد ما انقذناكن من هالشيخ اللعين
مابصير نتركن بلا شيخ

لورد:: لذلك شيخكن الجديد هوة الشيخ ايمن امير الاحساس

امير الاحساس :: بالله شو

حسام ::سكوت يا دب خلينا ننفد اول شي من هالضيعان بسببك

وبعد المراسم بتعيين الشيخ امير الاحساس

صرف الشيخ مركبات توصل الاعضاء لوجهتن المنشودة
ومع التمنيات بالخير والسلامة

وقبل ما تنطلق القافلة الى تيرا الحب
قرب عاشق الياسمين لعند الشيخ

عاشق الياسمين :: شيخ ايمن.. لاتنسى تسرق باقي الغنمات
وناطرك عباب تيرا

الشيخ امير الاحساس : اي ولايهمك هوة هيك

وانطلق الشباب باتجاه تيرا من الصحراء
ولا شافو لا ادغال ولا سخام

وعادو الى مضارب بني تيرا فرحين مسرورين

ولم يعد لا امير ولا الغنمات الى حد الآن


انتهى ........

رد: رحلة الأدغال مع أعضاء تيرا الحب
 

ههههههههههه
اقسم بالله فرطت هههههه
ياشيخ انت ثور ولا حمار هههههههههه
صحيح ماشفنا ادغال بس تحقق حلمنا انا ورفئاتي بشوفة الشيخ وانحرقت عبايتو اخيرا ههههه
مخيخ ولا اروع ماشاءالله خزيت العين
ربي يسعدك يالورد عن جد اندمجت وبقووووة هههه

رد: رحلة الأدغال مع أعضاء تيرا الحب
 

ههههههههههه
ههههههههههههه
و الله طلعت داهية يا شيخ لورد
عنجد رحلة كتيييير حلوة
و الحمد لله اننا رجعنا سالمين لتيرا
يسلم هالمخيخ اللي عندك ما شاء الله عليك

رد: رحلة الأدغال مع أعضاء تيرا الحب
 

يعطيك العافية لورد ع هالجمجمة الرائعة
وانتظرونا مع مرشد جديييييد

رد: رحلة الأدغال مع أعضاء تيرا الحب
 

رد: رحلة الأدغال مع أعضاء تيرا الحب
 

هههههههه تشكرات افندم

بس من وين جايبين هي جمجمة حسيت حالي هيكل عظمي

ولاتنسي شهد انو هي دراسة يعني سهلة شغلة الحكايا ههههه

واهم بند بالحكاية نفس الجملة الي بتتكرر بكل مواضيع التعبير والانشاء

من ايام الابتدائي للاعدادي وبتنكتب بنهاية كل رحلة او قصة منكتبا موضوع تعبير

(وعدنا الى البيت فرحين مسرورين )

ههههه يحرء اخت هالجملة كل البلد كان يكتبها بنهاية القصة

يعني كل الناس بترجع فرحين مسرورين هههه ماحدى بيرجع ممؤوت

مرة كتبت موضوع بصف سادس على ما اذكر

وقلبتو هيك دراما وتبهدلنا بالرحلة والوالد عيط علينا ووسخنا تيابنا

والوالدة بهدلتنا وعدنا الى البيت زعلانين وعم نبكي وغير مسرورين

ودخلت فيا شرطة كذابين ماساعدونا

(لم يساعدنا عمو الشرطي الي علمونا بالمدرسة سيساعدكم طلع كذاب)

فاخدتني الانسة عالمدير وقالتو هاد الطالب بدو يخرب بيتنا بالمستقبل ههههه

ويحرء روحك يا حافظ طلع الحكي مزبوط

رد: رحلة الأدغال مع أعضاء تيرا الحب
 

أعضائنا الحلوين
بعد ما اتبهدلنا بالرحلة مع الأستاذ لورد
و بعد ما اخذتوا قسط من الراحة
قررنا نرجع لرحلتنا لانو عم لاحظ انو نفسيتكم تعبانة شوي فلازم نعمل تغيير
و هالمرة راح تكون مرشدتنا المتألقة Innocence Rose
يلا حبيبتي طلعي كل يلي بجعبتك
و ما في إعتراض بتعرفيني لما بقرر شي لازم يتنفذ و إلا :175: