|
رد: كل الصراحه مع ليش لاء ..
عن نفسي ماتابعتو للمسلسل ولا تابعت اي شي
بس رح حاول اعرف عنو ان شاءالله واعود ..~ |
رد: كل الصراحه مع ليش لاء ..
انا تابعت المسلسل ومن الحلقة الاولى كنا على خلاف لورد انو مسلسل لا يستحق المتابعة هذه اول نقطة تاني نقطة ليس المهم من داعش ولكن الاهم هو كيف تم غسل عقول الكثير من الشباب بوقت زمني قصير وجعلهم ينبذون كل المبادئ الدينية والثقافية وووو بوقت قصير وجعل ( القتل والارهاب ) اول واقوى اهدافهم بحجة رفع راية الاسلام .... المسلسل لم يكن هدفه ان ينصف احد وهدفه الاساسي ومن وجهة نظر القائمين عليه ( محايدة ) هو تشويه الدين الاسلامي سأعود ان شاء الله واتابع الاجابة عن الاسئلة التي طرحتها لورد وبتوسع ولعله يكون باب جديد يفتح للنقاش لربما اراءنا لاتغير شئ ولكن هي مفتاح لوصول قريب للحقيقة لان حقيقة مايجري وان لم تخفى على احد لكن في طياتها الكثير من الخبايا كل الشكر الك لورد ورح تابع باذن الله |
رد: كل الصراحه مع ليش لاء ..
مابعرفو للمسلسل لقول رائي
يعطيكن العافيه |
رد: كل الصراحه مع ليش لاء ..
انا شفت كام حلقة من المسلسل حسيتو بيخوف كله قتل وشغلات مانا متعودين عليا قلت يامراة باب الحارة احلالي |
رد: كل الصراحه مع ليش لاء ..
لورد .... هاتلنا ليش لا .... ليطرحلنا شي نقاش
|
رد: كل الصراحه مع ليش لاء ..
منرجع لغرابيب سود واسفين عالتأخير المسلسل لاحظنا اسمه مستمد من آية قرآنية بيحكي حكاية مجموعة من النساء و الشباب انضموا إلى تنظيم داعش لأسباب مختلفة و يحكي الواقع (الأليم )الي فرضه عناصر هذا التنظيم على الواقع العربي ككل .... من بداية العرض للمسلسل والجدل والنقاش كان حول عمق هي الشخصيات و طبيعة دوافعها لحتى انضمت للتنظيم اممم اكيد انا ماني محلله ومعلوماتي على ئدا بس الي شفته والي استفزني بعض النقاط اول نقطة تركيزه على اهل السنة ووصفهم بالارهاب هلاء بغض النظر عن التنظيم ودوافعه ومين وراه ومين دعمه لكن النقطة الاهم كانت انو جميع المنضمين من اهل السنة وبهيك حصر( الارهاب بهي الفئة ) بالمقابل في تنظيمات إرهابيةاكتر بكتير في المنطقة واعمالها اشد وحشية فبراي انه هالمسلسل كان مجرد تغطية لالها وتركيز الضوء على داعش وكأنو هو الوحش الوحيد تاني شي روج المسلسل وبشكل قوي كتير لقصة جهاد النكاح واوهم الكثيرين انه علماء مسلمين افتوا بهذه الفتوة تالت شي ركز على قصة تجنيد النساء والاطفال وصور النساء بشكل مستفز وكأنن لاهثات وراء الزواج وو.. شفنا هيك نماذج بالمسلسل وهون منسأل ياترى هل نساء غرابيب سود هما نساءنا ؟؟؟ وبالاخير المسلسل ماحل شي ولا اعطى حلول لاي شئ ومن وجهة نظري كان غير محايد ابد والهدف واضح وهو تشويه صورة الدين الاسلامي المرتبط بجماعة السنة فقط لربما الاحداث فيها شئ من الواقع ولكن اجزم انها تشوهت بقدرت كبير جدا وبالاخير يضرب المخرج والمؤلف والممثلين والمنتجين لاننن كلن جزء من المؤامراة |
رد: كل الصراحه مع ليش لاء ..
شكرا لكل من شارك وتابع
احسنتي سحابة صيف حكيتي النقاط الاساسية بالمسلسل الي هدفو تشويه الدين الاسلامي (السني) لذلك رح احكي عن جانب تاني من هالمسلسل المنحط دائما منعرف انو الانتاج (الفلوس) كل ماكان ضخم كان الاخراج بيعمل النص على اعلى مستوى هالمسلسل هاد ضرب أي قاعدة واي شي اخلاقي وكان انتاجو ضخم جدا جدا (10 ملايين دولار امريكي ) هالمسلس (المحارب للاسلام) اشترك فيه ثمان دول عربية (سوريا، ولبنان و مصر و السعودية و الكويت و العراق وتونس و المغرب) وله مؤلفين وثلاث مخرجين واضخم شركة انتاج اماراتية (O3 Productions) وبالنهاية نص مهترء واخراج كيدي ترقيعي واداء تمثيلي ركيك حاول كل هؤلاء الحمقى تقليب الراي العام بطريقة خبيثة على الاسلام بحجة داعش لكنها عادت عليهم بشكل سلبي ونسبة رفض هكذا (استحمار للناس) كبيرة فعلا انه استحمار للمتابعين ومن تابعهم واقتنع فهو فعلا كما ارادو استحمروه ومشان ماحدى يفكر دفاع عن داعش فلا يا سيدي ابوكن لابو داعش لابو هيك مسلسل الرد على هيك مسلسل لازم يكون شوارعي لانن ما بيفهمو الا بهي الطريقة المنحطة متل اشكالن واخيرا انتهينا من هالسؤال وبانتظار سؤال اخر ومن هلاء رح يصير في ترشيح لشخص يحط السؤال من قبل اخر محاور وانا برشح المحاور القادم الي يحط السؤال (قيصر الاحساس) تفضل حمودة افندي طج شي سؤال مدوزن |
رد: كل الصراحه مع ليش لاء ..
سؤآلي هو ....
ليش صرنا بزمن الدين الاسلامي والاخلاق اخر اهتمامات البشر ؟ ليش لما بدنا نروح نطلب ايد بنت بسئلو ع الشهاده والمصاري قبل الدين والاخلاق .... انا مع انو لازم تكون انت عارف تعيش حالك وتعيش البنت معك بس ليش لو معو مصاري واخلاقو بالمرا عادي عند الاغلبيه وليس الجميع اكيد ..... ؟ ليش صار الدين الاسلامي ارهاب ؟ ليش الاعلام العربي ما بوقف ضد هي الحمله وواقف معها ؟ ليش العرب بس بطلعو برا بلادهم وبروحو لاوربا بالتحديد بصيرو يشوفو الاسلام ارهاب او بصيرو ع قولتهم ينفتحو اكتر ؟ ليش وليش وليش وليش ؟ مثلاً الاعلام العربي بالوقت الحالي صار يفرجينا انو الدين الاسلامي بحكي فلسطين لليهود او التاريخ بحكي هالحكي .... ليش بهالوقت ؟ ليش صار العرب نفسهم او المسلمين نفسهم هم نفسهم الي ضد الاسلام ؟ في اسئله كتيره بهالخصوص وانتو اكيد عندكم اسئله كتير ويمكن عندكم اجوبه ويمكن عندكم اجوبه لغير اسئله ... بس كلشي بخصوص هالماده احكولياها الله يرضى عليكم ... اسئله يمكن بنظركم متعدده بمواضيع متعدده بس الماده وحده.... الاسلام ! انا بشوفها مرتبطه جداً .... زي هرم وفي من اشي صغير للكبير حتى نوصل لقمه الهرم |
رد: كل الصراحه مع ليش لاء ..
لامست وجع الامة العربية باسئلك حمودة :) اسئلتك بدها بكرج قهوة مو فنجان لصحصح وراجعتلك لجاوبك :bye2: |
رد: كل الصراحه مع ليش لاء ..
اقتباس:
هإ انا انتظر اجابتك واجابت باقي الاعضاء ... وازا في اسئله بخصوص نفس الموضوع حابين تطرحوها اطرحوها |
رد: كل الصراحه مع ليش لاء ..
اقتباس:
اذا كان شخص مسلم سيئ (شيخ او داعية او مواطن عادي مسلم) هذا لايعني ان نقول بان الاسلام هوة السيئ هذا الشيخ المسلم هوة السيئ واخلاق الاسلام براء منه والكل كان يفرق ذلك الى وقت قريب الى ان..... اقتباس:
للتطبيع مع الكيان الصهيوني ونكران القضية الفلسطينية وهؤلاء من يطلق عليهم الصهاينة العرب وهم عابرة عن اقلام لا مبدا لها ولا اخلاق ولايحكمها دين او مجتمع فهم ماجورون يرقعون للحاكم ويهتفون باسمه في احضان زوجاتهم هؤلاء ياسيدي قمة وخلاصة قذارة الليبرالية العربية ستسمع في فترة قريبة واذكر كلامي اعلاميون عرب سيقولون بان اسرائيل احق بالارض من الفلسطينين واهلا بالإسرائيلي بيننا وستسمع من يقول بان الديانة اليهودية افضل من الاسلام لأنها قبلها واقدم منها الشيء المضيء هنا انهم قلة قليلة لكن الاعلام بيدهم والسواد الاعظم ضد هذا الكلام وستنقلب الطاولة عليهم قريبا ويعود الحق والقول الحق لنصابه لا تيأس فقد بُشرنا بالرويبضة فهاهم امامك باقي الاسئلة بجاوبك عليها لاسمع منك اول مفوت عدة مواضيع ببعض دوختني ريتك تفوت ببعضك |
رد: كل الصراحه مع ليش لاء ..
المنتدى مخرفن عند الصبح كتبت مشاركة بتطلع جريدة وكل ما اخلص يئلي مشاركتك قصيرة :bur2: برجع بس ليصحصح المنتدى :) |
رد: كل الصراحه مع ليش لاء ..
اقتباس:
ههههههه والله حاسس الاداره ما بدها مشاركاتك او خايفه من جوابك ليش هالاشي بصير معك !! هالسؤال موجه للاداره اكيد !! كثره مشاكلكم اداره !! شو وضعكم ؟ بعدين صحيح انتي لونك من ظمن الاداره !! انتي معهم ولا شو ؟ |
رد: كل الصراحه مع ليش لاء ..
شو وضعكم يا قوم ما حدا بدو يرد علي :115:
|
رد: كل الصراحه مع ليش لاء ..
اكيد رح نرد خيو مين قال ماحدا بدو يرد عليك ههه :hul:
|
رد: كل الصراحه مع ليش لاء ..
اقتباس:
هههه مني انا وعلي كتير دخلت ع الموضوع وسبحان الله كل مرة يصير شي احلا مواضيع هي مواضيع النقاش راجعة لهون يلا استنو شوي وشويتين |
رد: كل الصراحه مع ليش لاء ..
اقتباس:
ما رح احكي شي غير انو قول شئد الافكار النظرية بتختلف عن العملية سؤال انطرح عالجميع ويمكن ماكنت غير انا بهديك الفترة مريت بهاد الشي بشكل عملي وعشتو واقع شموس الافكار دايما بتتغير وحسب الظروف شو مشان الي حكيتي هون ؟؟؟؟ ههههه ياسيدي مافي العن من النسوان لو يصحلا جوزا يحملا او يحطا بهي الحمالة ويمشي بالطريق مابتقول لاء بيباي شمس :bye2: |
رد: كل الصراحه مع ليش لاء ..
الي انطرح مهم كتير ولكن الي تعقيب صغير قبل لا بلش جاوبك صح كل الاسئلة بتتعلق بالاسلام لكن هي متشعبة كتير وباكتر من محور يمكن لهيك الكل تاخر بالرد انا كتبت مشاركات اكتر من مرة وتوسعت بالموضوع جدا لكن متل ماقلت يفصل المنتدى دايما معي رح بلش باختصار حاليا وحط الافكار الاساسية وان حبيتو بنتوسع بالنقاط ممكن بمكان تاني بسم الله ابدء اقتباس:
الاجابات كلها مرتبطة ببعضها ممكن الطريق الاسلم صار الكل يقول مابحسن اعمل شي مع انو الكل فيو يعمل كتير هاد زمن الفسق والفجور وزمن التخبط ولكن لابد وان ياتي زمن بشرنا به رح ترجع تعلو في راية الاسلام الحق ولا يصح الا الصحيح يعطيك العافي حمودة وعذرا على تقصيرنا بحق موضوعك وتساؤلاتك |
رد: كل الصراحه مع ليش لاء ..
كل الشكر للجميع
هاد الموضوع للتجديد وتغيرت قوانينو على حسب الوقت والمتواجدين مدة طرح السؤال والاجابات اسبوع خلال هالاسبوع لازم الي طرح السؤال يناقش الي جاوب والي جاوب يرجع يناقش بالسؤال ويتعمق ورح نخلي كل اسبوع واضع السؤال يرشح اعضو يحطلنا سؤال جديد باي مجال كان هلاء حمودة لازم يرشح عضو يحطلنا سؤال جديد رح نبلش بهالقوانين الجديدة للموضوع افضل مايكون بايد شخص واحد لان صاحب الموضوع انقرض |
رد: كل الصراحه مع ليش لاء ..
اقتباس:
هناك عدة عوامل اجتمعت وتضافرت لتقوّض بنيان الاسلام الشامخ وتشوه الصورة الحقيقية للدين الاسلامي السمح .. منها عوامل اجتماعية .. فكرية .. سياسية .. الخ .......... وقد تكاتف اعداء الاسلام من كل حدب و صوب لانجاز هذه المهمة ( تشويه الاسلام ) فظهر مايُعرف بالجماعات المتطرفة الذين يدّعون الاسلام والاسلام منهم براء .. وبسبب افعال هؤلاء ( المتأسلمين ) وُصف الاسلام بالارهاب والمسلمون بالارهابيين . ولم يألو اعداء الاسلام جهدا في الترويج لهذه الفكرة ( ان المسلمين ارهابيين ) حيث وجدو في هذه الفكرة ضالتهم المنشودة لــ بث حقدهم الدفين تجاه الاسلام والمسلمين . سوري ع التأخير بالرد حمودة ويعطيك العافية وبعتذر يا ادارة رغم ان المدة انتهت بس حبيت اني رد :) |
رد: كل الصراحه مع ليش لاء ..
شكراً ع اجابتكم ....
فكره حلوه لورد وعنجد هو الحجي انقرض ليش ؟ هو في سبات ولا انقرض ؟ لازم تجبلنا المعلومات الصحيحه ههههه انين انطلقي المايك معك |
رد: كل الصراحه مع ليش لاء ..
اقتباس:
قوانين قوانين وبعدين مع القوانين :) هالمرة عجبتني القوانين الجديدة اي هيك افضل تحديد المدة والاهم المناقشة وهيك بتتنوع الافكار يعطيكن العافي جميع |
رد: كل الصراحه مع ليش لاء ..
اقتباس:
بس بهيك حالة ممكن تبعت رسالة للشخص المرشح لطرح السؤال مشان تسهيل هالفكرة لان ممكن الشخص المرشح مايدخل للموضوع ومابيعرف شو صاير فيه |
رد: كل الصراحه مع ليش لاء ..
اقتباس:
عملت هالاشي اول ما حكيت مين الشخص ... بس هي لسا ما دخلت ان شا الله بكون ظروف خير الي منعتها تفوت ... |
رد: كل الصراحه مع ليش لاء ..
:ed_e:
حالة يعاني منها العديد من الناس .. تستحوذ على افكارهم وتسيطر عليهم فهي لا تقتصر على المشاعر سلبية كانت ام ايجابية بل تتعداها فتسبب الضرر بكل ما انعم الله به علينا واهمها نعمة الصحة . هنالك أناس يتمتعون بصحة جيدة ولكنهم يظنون خلاف ذلك .. على سبيل المثال : شخص عم بحس بأعراض مرضية وبروح ع المشفى بيعمل فحوصات وبيحكيلو الدكتور كل شي سليم وهالاعراض بتكون من برودة الخ ..... فــ يضل يبالغ بالتفكير ويتوهم انو مرض كبير وخطير يسبب الموت ويدخل بصراع مع حالو ما الو اساس من الصحة. وقد تؤدي هالحالة احيانا الى الضرر النفسي .. فــ يظن انو ممسوس او معيون او مسحور الخ ... وهالحالة اسمها الــوهــم ....! فــ شو رأيكم بهالحكي ! وهل حدا صار معو هالشي او صار مع حدا بيعرفو ! و شو ممكن يكون مسبباتو ! وكيف بدنا نوجد حلول لــ مرض الوهم ؟! |
رد: كل الصراحه مع ليش لاء ..
ع الوجع انين ،،و اناابصرراحة؛ إجت فترةة كنت بتوهّم انوو معي مرض معيّن وبتوصّل كمان لدرجة بروح بعمل فحووصااات ما بعرف ايش السبب
بس هااد وسواس من الشيطاان بتيجي للشخص وممكن مثلا اذا بيقرأ عن مرض بيصيرر يشووف انووو عندووو نفس الاعراااض وانوو مصااب بهالمرض ،، اناا بشووف علاااج هالوهم وهالوسوواس انوو الواحد يكبّر عقلوو ويوكل امرو لله ....ويرمي هالاوهاام ورا ظهرووو ولازم يقتنع انووو اذا ضلووو يتوهّم ممكن ينصاااب فعلاً بالمرررض. ..... *** قريبتي بفترة رمضاااان نفس الاشي كانت بتتوهم انو معهااا*****والله ما خلت دكتوور الا راحتلووو بس هلقيت الحمد لله قدرنااا نداويهاااا هههههه انووو جد الوااحد بدو يقضي حياااتو اوهاام جيبوولي ايااهم بس لاعطيهم دررس شااطرة انااا بقنع ههههه.... وانااا الحمد لله هلقيت لا بتوهّم ولاا شي ،،، ما بعطي لحااالي اي مجاال اني افكر مثلا اني معي مرض معين زي زمااان ،، خلص الواااحد يوكّل امروو لله ..... |
رد: كل الصراحه مع ليش لاء ..
اقتباس:
يسعد اوقاتك انينو كلامك صحيح في ناس كتير مابعانوا من امراض واجسامهم سليمة لكن للاسف هني بيحكموا عحالهن بمرض بعتبرو خطير وقاتل وهو مرض الوهم وكتير بشوف هيك حالات لدرجة بتناقشيهن بالعقل لكن للاسف ماتستفيدي شي وبضلوا مصرين انو عم يوجعني هيك فيني هيك وببعض الاحيان بعصب من هيك ناس بسبب النقاش العقيم معهن وللاسف هاد من اصعب الامراض الي برايي انا ماالها علاج الله يبعدو عنا ويشفي كل شخص عايش فيه مشكورة غاليتي |
رد: كل الصراحه مع ليش لاء ..
مرض الوهم نعم كتير شفنا هيك اشخاص ولربما احيانا بفترة من الفترات تعرضنا لهيك شي وبرايي هاد نتيجة ضغوط نفسية كبيرة بيكون عم يعاني منها الشخص ف بتنقلب لاعراض جسدية بيتوهم الشخص انه مصاب فيها هلاء حلها مابعرف كيف علميا لكن بامكان الاشخاص الي حواليه يكونوا داعمين لاله ومحاولتن التخفيف عنه وبتوقع هيك شوي شوي بيخلص من القصة واذا كان غير مستجيب لكل المحاولات بامكانن عرضه على طبيب نفسي اكيد عنده الحل بيكون مشكورة انين يعطيكي العافية |
رد: كل الصراحه مع ليش لاء ..
اقتباس:
يالطيف ما أكره هالشعور وكتار مروأ بهيك شغلة وانا صار معي هيك شي وتوهمت كتير لبين مارحت فحصت وطلعت متل الدب مافيني شي وطلعت من الحالة بسرعا الحمد لله بس تعلمت شغلات كتير وبتريح ممكن تكون علاج اول شي وقت المرض ماااافي ملجأ الا الله والاتكال عليه واي حدى بتشوفوه مريض باييي مرض كان في حديث عن الرسول صل الله عليه وسلم بريح الشخص ( عن [عزيزي الزائر يتوجب عليك التسجيل للمشاهدة الرابطللتسجيل اضغط هنا][عزيزي الزائر يتوجب عليك التسجيل للمشاهدة الرابطللتسجيل اضغط هنا]قالا : قال رسول الله - صلى الله عليه وسلم - ( [عزيزي الزائر يتوجب عليك التسجيل للمشاهدة الرابطللتسجيل اضغط هنا]) . . رواه [عزيزي الزائر يتوجب عليك التسجيل للمشاهدة الرابطللتسجيل اضغط هنا]. ) وفي كمان عليكم بالشفائين العسل والقرآن الحل براي الشخص يكون قوي لان تلت ارباع المرض وهم وبدل مايكون التفكير بالمرض خلي يكون التفكير بقوة وحول الله انو مافي شي لازم العلاج بقوة الشخصية والاتكال على الله قبل مايتطور الوهم ويوصل لمرحلة الوسواس القهري في قصة صارت باليابان اختبروها على سجين محكوم بالاعدام والاعدام عندن حقن بالسم وخبروه للسجين انن حقنوه ومعو 15 يوم ليموت وهنن حقنوه بالمي بس مااافي أي سم ابدااا لكن بعد 15 يوم توفي السجين والسبب اقتنع انو خلاياه تضررت وفعلا هذا ماحدث بالخلايا مات من الوهم سؤال رائع انين بوركتي |
رد: كل الصراحه مع ليش لاء ..
اقتباس:
كل شي بهالحياه مكتوب من رب العالمين وقادر على كل شي فاللي كاتبو ربك رح يصير |
رد: كل الصراحه مع ليش لاء ..
اقتباس:
ههههه |
رد: كل الصراحه مع ليش لاء ..
طيب انا عندي سؤال
بدي رايكم بالناس يلي بتبعت حدا من اطفالها تهريب لدول مشان يعملهم لجوء انو يعرضو طفلهم للخطر مشان ينقذهم هما واخوتو ؟! |
رد: كل الصراحه مع ليش لاء ..
بظن بيبعتوهم لينقذوهم
وكل انسان مايصيبو غير الي مكتوب له اما اطفال ماظن يرسلو اطفالهم والمكتوب مامنه مهروب ربنا مسير كل شيء واكبر دليل سيدنا موسى وقت ربنا حكا لوالدته اقذفيه في اليم صدقيني اختي حتا الي يموت ربنا كاتبله يموت بكذا ومذا وفي هذا المكان المعنى ربنا الهم اهلهم يسفروهم لحكمته سبحانه وتعالى موضوع تسيير العبد واختيارات ربنا طويلة علينا نرضى ونتحمد ربنا بالذات الي يحصل في سورية لولا في حرب حاليا مع كثرة هذا الموت كان جنت الناس بسبب كثرة الموت لكن بما انها حرب فلانستغرب سبب كثرة الموت لكن نحزن ونتاسف لما يحصل لاننا نقتل بعضنا البعض للاسف بكفي حاليا راسي وجعني |
رد: كل الصراحه مع ليش لاء ..
اقتباس:
الي فهمتو انك مع وهالشي كثران هالايام وشفت كتير بس ماحسبت هالطفل بس يوصل بلاد اوروبا مين رح يستقبلو هي اذا وصل عايش صح كل شيً مكتوب من رب العالمين بس يعني ووح غرق حالي وقول يلي كاتبو ربنا رح يصبر |
رد: كل الصراحه مع ليش لاء ..
اقتباس:
لكن ما سمعت انه في اطفال تتسفر بدون ماتكون اهلها معها |
رد: كل الصراحه مع ليش لاء ..
اهلين دكتورتنا ويسعدك
اختي كلمة طفل يعني اديش عمرو من الناس الي شفتين انا مامرء عراسي هيك شي ضمن هالاحداث والي انا غايص فيها كواع وركب بعرف ناس بعتو ابنائن متل ماتفضلتي بس اعمارن 17 سنة وفوق ماشفت اقل من هيك اعمار وان كان هالشي وحصل فعلا فمتل ما تفضل اخي القلب الجريح واخدنا العبرة من قصة سيدنا موسى فيكي تكوني ضد هالشي وهاد حقك بس ياترى شو الاسباب ؟؟ هل الناس بمناطق آمنة وارسلو ابنن هالشي مرفوض عندي تماما اما ان كانو تحت السكين والنار مافينا نلوم اطلاقا حتى حدود من الله تسقط ولا يحاسب عليها مرتكبها (حد السرقة مثلا ) وقت الحرب والخوف كل حالة ومختلفة عن التانية والها مبرراتها اما ان كانو عايشين ببحبوحة ويبعتو طفل ومتل ماقلتي اذا وصل فهالشي عم يعتبر رمي للتهلكة وهالشي محرم متابع معك لشوف جوابك واديش الاعمار ..... |
رد: كل الصراحه مع ليش لاء ..
جوابك ممتاز صديقي
وبتمنى شوف راي ملاك بعد ما شافت اجابتين عسؤالها ونسأل الله الفرج القريب |
رد: كل الصراحه مع ليش لاء ..
سؤالك كتير حلو ملاك وواسع جدا ولو توسعنا فيه بياخدنا لمداخيل تانية لكن تحديدا عن ارسال الاطفال بيقول المتل شو جابرك على المر قلو الامر منه انا بحكي عن الوضع بسورية والي ماكان عايش هناك وشاف الوضع مارح يتخيل والولد اغلا شي عند اهله لكن الظروف احيانا بتجبر على هاد الشي فالاهل بياخدوا بالاسباب وبيتوكلوا على الله وبيستودعوا ابناءهم ممكن ويرسلوهم لانهم مضطرين اكيييييد ولا تخافي اذا الله كتب السلامة وصلو بخير رح يلاقوا مين يهتم فين ويرعاهم لبين ما الله يسر ويجتمعوا مع اهاليهم وهاااد واااقع بعكس كتير من الدول العربية للاسف هلاء انا بعرف هيك حالات ومقربين جدا ولكن الاطفال بعمر 15 وبرجع بقلك مانو شي سهل ابدا والرحلة من وقت بيطلع الطفل من باب بيت اهله ليوصل بالسلامة هي اطول مرحلة واصعب مرحلة بعمر الاهل لكن كان لا بد ولا بد ولا بد من هيك شي دمتي ملاك |
رد: كل الصراحه مع ليش لاء ..
اذا ماضل حدا عندو نقاش في هذا الموضوع
بدنا خدا يطرح نقاش جديد خلال ال24 ساعة القادمة ناطرين باقي المناقشين في هذا الموضوع لو بقي احد سيناقش في سياق هذا السؤال بدنا نقاش قوي ناطرين وغير ناكرين لجهودكم ومشاركاتكم |
رد: كل الصراحه مع ليش لاء ..
اقتباس:
لا كتير موجود واشخاص انا بعرفهم وناس عالنت طبعا بكون الارسال من تركيا وكتار منهم ماعاد لقيو ولادهم وبعر ف عيله شخصيا ارسلو طفل عمرو 13سنه وقال شو عاطينو جوال وفي معلوماتهم مشان يتسجل ولهلاء مافي خبر هالموضوع من سنه |
| الساعة الآن 02:23 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
