المشاركة الأصلية كتبت بواسطة lord (المشاركة 794175)

اييي منرجع للاسئلة .... خالتو ام عبدو الحمش

بدي اتعرف عليكي بالاجرام عــسى تطلعي مجرمة وحمودة يلائي فيكي بديل عن عبير القاتلة

1 اديش نسبة الاجرام عندك %


ما عندي اجرام



2 - قلتي مارح تعملي شي مع ابن بشار (لانك هبلا مابتفهمي هي مو حنية او انسانية )
اذا كان عندك خيار اما تموتي ابن بشار او بعمرو واحد يهودي فمين رح تقتلي


ماني قاتلي حدى شو غصب يعني



3 - أي اداة للقتل بتفضليا .... دبح........ رصاصة ....... دس السم....... شنق.... مقصلة


اذا كان في مجرم وغيري بدو يعاقبو فبيكون الشنق



4 - اذا صرتي رئيسة متل ماقلنا
شو هية عقوبة الاعدام الي رح تحطيا للمجرمين بدولتك


كل واحد بالطريقة نفسا الي ارتكب جريمته


5 - افترضي تلت طرق غريبة للاعدام ماخطرت عبال حدى



يشرب منقوع الجرابات ويتغسل بمية المجارير :)


6 - اذا قررتي بيوم الانتحار فباي طريقة رح تنتحري؟؟



اعوذ بالله من سؤالك مابفكر لان حرام ببطل اكل وبس



7 - انتي مر عليكي كتير وشفتي قتل كتير وبيوم من الايام شاء الزمان
ووقع مجرم من الي قتلو اهلك بين اديكي وانتهت الحرب
رح تسامحي ولا رح تختاريلو الموت


لا مابسامح ابداا لازم يموووت


8 - متعلق بالي قبلو ... اذا اخترتي انو يموت وحدى يقتلو
اخوكي مثلا شو رح تطلبي من اخوكي بانو طريقة يقتلو للمجرم


قواص عالسريع


اذا قلتي اخوكي حنون انا بقتلو ياستي بس نئي الطريئة


قوااااااص



9 - العظماء يحددون نهايتهم بانفسهم وبينحروا

مع هالمقولة انتي ولا ضدها؟؟


ما اهبلن ضدا



10 - هل ببتخيلي عنجد انو في حدى هون بتيرا يكون قاتل
او عندو استعداد يقتل حدى (بسبب طبعا)ترى في والله


شكلك انتي والله



11 - ممكن انك تئذي حدى حد اعاقة دائمة (ضرتك مثلا)


ههههه لا يو حكي بس بحتسب عند الله وبس



12 - الجرائم كتيرة ... سرقة ...قتل ...اغتصاب...سحر وشعوذة.. خيانة وطن ووو...الخ
شو هية ابشع جريمة عندك ولايمكن انك تسامحي مرتكبها

الاغتصاب



13 - بالنسبة لمجرمين تيرا
لو عبير رجعت ياترى رح تتحالفي معها ومع حمودة ولا رح تكوني مجرمة مستقلة ولا رح تكوني مع حلف اللطيفين امثالي :005:

لا مجرمة مستقلة



14 - سؤال علمي .... بتعرفي شو اكتر ايام الشهر بكون الشخص مهيأ فيا يرتكب جريمة او جنحة


للنسوان ولا الرجال ولا تنيناتن

هلاء اذا تنيناتن وقت بيخلص الراتب هههه



15 - سؤال ديني ..شو هية اول جريمة على وجه الكرة الارضية ومين الفعال (بدي جواب ممنوع كلمة مابعرف)


هابيل وقابيل عشان اختن



16 - سؤال غريزي.. هل القتل فطرة وغريزة عند الانسان كالجوع و المشاعر

اي غريزي ولكن التربية بتهذب هاد الشعور




17 -

المشاركة الأصلية كتبت بواسطة lord (المشاركة 794177)

شمس وبيت حماها

عنوان خطير :212:


1 - فهمنا انك بتحبي حماكي اكتر من حماتك
لأي درجة بتحبي حماتك % وعمك(حماكي) %



عمي متل البابا وبحب حماتي ماشي الحال


2 - بتحبي بناة حماكي ؟؟


هلاء انا ماشفتن لان كل مين ببلد بس من التلفون بحب وحدة اكتر من وحدة



3 - هل ممكن بيوم من الايام حماتك تكون بمقام امك ؟دج

بعاملها متل ماما اي بس اكيد بالمحبة نو



4 - هل ممكن يكون حماكي بمقام والدك وتاخدي النصيحة منو


اي اكيد عمي كتير حنون وبيخاف الله



5 - هل ممكن بيوم بيت حماكي يكونو مكان اهلك (عمامك خوالك ووو)

اممم يمكن لاء كل مين اله مكانته



6 - بيت حماكي مناح معك ولا شلون معاملتن معك

بما انه بعيدين ف تعاملي بس مع عمو ومرة عمو مع عمي بيرفكت مع مرة عمو مابيخلا الامر

بس دايما منحل القصص والي عنده سيف بضهرو مابيخاف



7 - بتفضلي انتي السكنة مع بيت حماكي ولا يكون الك بيتك المستقل

اكيد بيت مستقل



8 - بتسمحي لحدى من بيت حماكي يتدخل بخصوصياتك

هلاء صار هيك ولسى رح يصير ولكن متل ماقلت قبل منحاول نحل الامور



9 - بتتمنى حماكي يتجوز عحماتك :goss:


ههههه لك ناوووي تجلطاااا انتي هههه لا مابتمنى ولا رجال يتجوز على مرته

في جرح بالقلب بيصير لو انكن بتعرفوا يارجال شئد كبير كنتو مافكرتوا تعملوها

انتو بس تخيلو المراة تفكر بحدى تاني شو بيصير فيكن فكيف المراة وجوزا صار نصين



10 - حماتك احلى ولا امك :)


ههههه يخرب بوشك لك ماما اكيد والكل بيعرف صوح ولا موصوح ههههه



11 - أخوقي احلى ولا جوزك (جوزك من بيت حماكي لان)

لا اخي اكيد هههه



12 - اطباع ابنك رح تنميا وتكون متل اطباع عيلتك(مخول) ولا بيت حماكي (معمم)

الصراحة متلنا نحنا



13 - صحي ابنك بيشبه حماتك :135:


ينعن مين قلك هههه لا مابيشبها وماتعيدوها مرة تاني هالكلمة



14 - ........ ههههههههههه مسحت هاد السؤال بئلك الياه خاص بعدين


هههه ولي يابطني قلي ياه عادي



15 - خلص حلئي من هون :m5::m5::m5::m5::m5:

المشاركة الأصلية كتبت بواسطة قيصر الاحساس (المشاركة 794183)

المشاركة الأصلية كتبت بواسطة lord (المشاركة 794193)

أي مو ضروري الاسئلة تكون عكيفك لتعجبك يا بشعة انتي


هئا حووووة أنا


ضمن اسئلتي في افخاخ انفجر فيكي لغم بيناتن :) بس شطورة عديتي من البائي


يوه يوه كه كه


عالعموم جوابك على هاد السؤال غلط
سؤال علمي .... بتعرفي شو اكتر ايام الشهر بكون الشخص مهيأ فيا يرتكب جريمة او جنحة

الجواب عنن تلت ايام منتصف الشهر الهجري بكون فيا القمر بدر
الشغلة علمية ودينية وبالاسلام منسمين الايام البيض ولازم نصوم فين والصوم بهذب النفس وووو الموضوع كبير :)


.........................................

شمس منوعات


1 - من خلال اجاباتك اتضح انك بتجاوبي عطبيعتك هل هالشي بسببلك مشاكل بحياتك وبتتصرفي بدون ماتفكري خطويتن لقدام



ايييي كتير هبولي انا


2 - هل تعرضتي لمواقف انقلب عليكي غلط وكنتي انتي الصح بسبب طيبة قلب


كمان اي


3 - a لو اشتد الموقف وحسيتي بالظلم رح تدافعي عن موقفك ولا رح تنظري الحقيقة تبان لحالها


هلاء كنت اسكت بس من جديد صايرة قوية


- b شلون بتعبري عن الظلم وقت تكوني بالعتمة لحالك ( كتم ولا بكاء ولا صراخ ووو)



اول الشي مابقعد بالعتمة ولا تكة لان عندي فوبيا من العتمة اممم ببكي لحالي ولازم لازم احكي لماما بحس بشيل الحمل والاسى عني

وبعطيه لماما وهي شغلة بشعة


4 - لايصح الا الصحيح ....مع هالمقولة ولا ضدها


بالنهاية اي صح


5 - اذا شفتي شخص مابهمك امرو انظلم نفس طريقة انظلمتي فيا
رح تساعدي ولا مادخلك بالغريب


حسب الغريب بس اذا كان غريب كتير فاكيد اكيد ولو اني ادعي بقلبي يشيل

عن الظلم مابحب الظلم ياظالمني انتي ههههه



والباب الي بيجيك منو ريح يحرء اخت الي ركبو


اي بسدو وبستريح


6 - تعرض حدى بهمك لموقف ظلم ونكران فرح تساعدي بالنصح
ولا بالخناء معو ضد الظالم وهل ممكن توصل معك تضربي الخصم؟؟

اضرب لا يمكن خاصة اذا كان شخص كبير بس اكيد بعمل كل جهدي لساعدو واذا كنا مامنحسن

بلجأ لشخص ممكن يساعدنا وثقتنا في كبيرة حتى لو كان الشخص المظلوم مابدو هيك




7 - شو اكتر موقف بحياتك حسيتي فيه انك مظلومة والكل ضدك


رفقاتي بعد ما انخطبت في منن يمكن غاروا يمكن انزعجوا فالفوا كلام عن لساني

وانا ابدا ماحكيت ونزعوا علاقتي مع رفيقتي وبعدين متل ماقلنا مابيصح الا الصحيح وبينت الحقيقة



8 - هل الظلم لبعض الاشخاص ضروري (انو بيستاهلو ينظلمو بسبب افعالن)

لا ء ليش الظلم اذا كان لازم فيتعاقبوا على افعالن وبس


9 - بتحشري انفك انتي بشي مابيعنيكي يا بنت ؟


مع حدى غريب لاء بس مع شي بيخص ماما واخي وعيلتي اي بحشروا وكتير :)


10 - لو انك حارس عمارة وعندك كمرات مراقبة بكل غرفة
رح تراقبي الناس وافعالن وخصوصياتن ولا رح تطفي الكمرات


هههه لاء مابراقب ويمكن عمري مافكرت اطلع شوفي برات بيتي


11 - بيجيكي فضول تسمعي تنين بحبو بعض شو بيحكو


هههه ماكل تنين بس تنين خخخخ


12 - بتحبي حبيبك يغازلك ويكتبلك شعر ولا بتحبيه يكون بلاطة متل الحيط


ليك لقلك شغلة هلاء يكون بلاطة من الاول عادي بس انو يعمل رومانس ويصير بلاطة اي بكره

هاد الشي عولم افندم


13 - شو نوع السيارة الي بتحبي تمتلكيا بيوم من الايام


هههه شو دخلك في هي بي ام مدري ايش ههه


14 - اذا صار عندك سيارة رح تجيبيا لعندي زبطلك الياها وغيرلك لونها برة وجوة :)


لا انتي بتجي تاخدا من باب الدار تزبطلي اياها :212:


15 - انتي ابشع ولا جوزك ولا ابنك؟؟


انا احلا الشي وبعدين ابني وبعدين جوزي m8


16 - السؤال الي ماسئلتك الياها فوء مشان حماتك انو اذا ابنك بيشبه حماتك
رح تعمليلو عملية تجميل :)


لك هههه لاء يو حماتي حلوة:) بس ابني مابيشبه حماتي ينعن بليس الي

طلع هالاشاعة وبعدين هاد اكتر سؤال بينكرزني ليش ماشفت ملوكي ما احلاه هففف


17 - في جواب فوق عن لماذا؟ جوابتي لماذا لورد؟؟

فيكي تحطي الي ببالك هون وتحكي المني الي بقلبك


اكيد لاء


18 - مين اكتر شخص اسئلتو عجبتك


ماعجبتوني هههه هريتوني وعرفتو خصوصياتي


- مين اكتر شخص اسئلتو كانت لطيفة


دريم


- مين اكتر شخص اسئلتو احرجتك


انتي لورد


- مين اكتر شخص اسئلتو بشعة متلك :)


كمان انتي متلك


- مين رحمك بالاسئلة


كوايت ودريم


- مين كنتي بتحبي يسألك اكتر


سحابة


- شو السؤال الي كنتي بتحبي حدى يسالك الياها ولم نساله


ليش تركته شي انتو


- اسألك كمان ولا حاجة

المشاركة الأصلية كتبت بواسطة innocence rose (المشاركة 794197)

ورجعنالك بكم سؤال ياحلوتي

حبيبتي يا اهلين وسهلين



بس قليلي كيف عرفتي اني شريرة ههه m8

ونبلش ..

- ممم بما انك حطيتيني انا اول الصبايا شرا ... شو السبب ! وهل رأيتي شي شر مني ههه ؟


الشر مو ضروري نحمل سيف ونحارب هههه تؤبشيني مافي الذ منك خالتو

- هل انتي مزاجية ؟

نوعا ما



معقدة ؟

لااااااااااااا



عصبية؟

كمان لااااااا



هادئة ؟

هههه اي كتير كتير وزيادة كمان



- شو رح تكون ردة فعلك ازا كان بعلك يلي هوي زوجك كتير الشك ؟

اكيد الشكاك ما الو حل لهيك البعد غنيمة اهالينا ربونا مو ليجي ابن الناس يشكك فينا



- ازا حدا جرحك وقلك آسف هل هالكلمة بتخلي الجرح يلتئم ؟ مع ذكر السبب ؟

لا بيضل الجرح صعب انسى الي بيجرحني لان انا مابجرح يمكن بدج بس مابجرح



ويسسسعدلي اوقاتك حبيبتي :icon26:

المشاركة الأصلية كتبت بواسطة quiet rose (المشاركة 794210)

صباحك شموسه
ماشاء الله ع الاسئله كان الله ف عونك حبيبتي
جيت انا بس بدون اسئله تعي اشربي هالشاي حبيبتي واسمعي معي فيروز مع برد هالشتاء ��������⛄❄
[عزيزي الزائر يتوجب عليك التسجيل للمشاهدة الرابطللتسجيل اضغط هنا]