|
رد: °•.¸¸.•°شـَـمـْـسْ°•.¸¸.•°
هلئ انا اول شي بدك ماتواخزيني اختي اجيت وايدي فاضية
بس ماني عارف انه في حفلة هون فتت تفاجات بالردود هلئ خليني قول كل عام وشموس بألف خير العمر الطويل وعقبال المية سنة عقبال لما تشوفيها متل مابتحبي وتتمني اما الهدايا عالطريق |
رد: °•.¸¸.•°شـَـمـْـسْ°•.¸¸.•°
شموووس يااااعمري كل سنة وانتي بالف الف خييييير يااارب
واسفه كتتير كتتير ع تاخري بتهنئتك بس والله ماكنت بعرف غير هلاء وحسابي مع سحوبه فيما بعد m6: وكل سنه ياارب وانتي بالف خير ويتحقق كل طموحك يارب [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
رد: °•.¸¸.•°شـَـمـْـسْ°•.¸¸.•°
اللهم في يوم عرفة . . احسبنا من الصائمين الذاكرين الحامدين . يارب ارحم من ماتو ومازالوا في قلوبنا يارب فرجك القريب [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
رد: °•.¸¸.•°شـَـمـْـسْ°•.¸¸.•°
وانتي بالف خير وصحة وعافية شموس
ان شاء الله عيدنا بكون فيكي دائما وقت تاخدي اعلى الشهادات وتكوني كسبانة رضى الله والوالدين |
رد: °•.¸¸.•°شـَـمـْـسْ°•.¸¸.•°
بابا بعرف انك بعيد ومارح ترجع بعرف انك هيك يمكن مرتاح اكتر وبعرف انو انتي مشتاقلنا متل مانحنا مشتاقين الك واكتر واللي بعرفو اكتر انك اكيد حاسس فينا لان روحك عنا وما بتفارقنا ابدا وهلا متل كل عيد رح قرب بس للاسف رح قرب عصورتك واغمرك وبوسك وقلك ياحبيبي يابابا كل عام وانتي بخير ومارح انسى الكلمة اللي كانت تضحكك كتير وتصير تعذبني وتئلي بوسيني كمان وانا صير اتدلل عليك وقلك زعلت منك بتذكر الكلمة منيح (ايدك عالجيبة مدها ) وهي انا عم بوس واغمر صورتك وقلك كل عام وانتي حبيبي وقلببي وكل عام وحبك وشوقي الك بيكبر اكتر واكتر |
رد: °•.¸¸.•°شـَـمـْـسْ°•.¸¸.•°
اقتباس:
احلى ماما الله يخليلنا ياكي ويديمك النا بصحة وعافية ( ياللا شدي حيلك ما حلوة الدنيا الا بضحكتك ) كل سنة و كل يوم و كل لحظة و انتي بخير والله يقدرنا ونكون متل ما بتحبي |
رد: °•.¸¸.•°شـَـمـْـسْ°•.¸¸.•°
اقتباس:
يسلمو ع الكاتو امممم ما اطيبوو |
رد: °•.¸¸.•°شـَـمـْـسْ°•.¸¸.•°
اقتباس:
وبخصوص التاب هي انا من هلا بلشت جاري الانتظار ..... كل سنة وانتي بالف خير عمو |
رد: °•.¸¸.•°شـَـمـْـسْ°•.¸¸.•°
اقتباس:
ههههه حمودة كيف عرفت اني بحب كونان عنجد احلى هدية لان مامتوقعة يجيني رسمة بيوم ما والاحلى انها لكونان شكرا كتير حبيتا كتير وكل سنة وانتي بخير |
رد: °•.¸¸.•°شـَـمـْـسْ°•.¸¸.•°
اقتباس:
وانشالله يارب بضل بخير عطول ومامهم الهدايا المهم مشاركتك لالنا |
رد: °•.¸¸.•°شـَـمـْـسْ°•.¸¸.•°
اقتباس:
خالتو كوايت بحبك انا وعطول سحوبة بتوصلي سلاماتك كل سنة وانتي بخير والمهم انك موجودة معنا |
رد: °•.¸¸.•°شـَـمـْـسْ°•.¸¸.•°
ياااعمري انتي وانااا بحبك كتير يااا ئلبوونه خااالتوو ^_^ منيح عم توصل ولا حسابها كان عسسيرر ههههه
يخليكن لبعض ياارب ويبعد عنكن كل سوء وهم بس حساب سحووبه بعدين ما تركتني عايدكن هالعيد اخذتكن وسافرتو بس كتير مبسووطه لالكم وع بسطكن بالحديقة ومشواركن يسعدوو لئلبك ويوفقك عنووني |
رد: °•.¸¸.•°شـَـمـْـسْ°•.¸¸.•°
هههه احلى شي عمو وخالتو
والله حسيت حالي من جيل جدو وكل عام وانتي بخير شموستنا الامورة والحمد لله على سلامتكن والله يقوم امك بالسلامة وبخير وعافية وعشان الهدية تكرمي لوقتا منتفاهم عالمواصفات هه بانتظار اخر كتاباتك حاليا |
رد: °•.¸¸.•°شـَـمـْـسْ°•.¸¸.•°
يالله منك عمو لورد :m4: والله ماعم اعرف شو ناديكم خلص رح صير قول لكل واحد باسمو وبطل كلمة خالتو وعمو منيح هيك |
رد: °•.¸¸.•°شـَـمـْـسْ°•.¸¸.•°
|
رد: °•.¸¸.•°شـَـمـْـسْ°•.¸¸.•°
شموس يؤبشني الفهمان هي اغنية بتنسمع مو مدري شو .... |
رد: °•.¸¸.•°شـَـمـْـسْ°•.¸¸.•°
مرحبا اشتئتلكم |
رد: °•.¸¸.•°شـَـمـْـسْ°•.¸¸.•°
وآحنآ شتئنآ لكتاباتك ...
ربنآ يوفئك بمدرستك .... |
رد: °•.¸¸.•°شـَـمـْـسْ°•.¸¸.•°
اشتئتلكم كتيير ادعولنا بلش الحظر والمنع واللعب والحكي وكلو عشان حضرة الامتحان بدي افهم شغلة اللي بيألفو االمنهاج بينهم وبين الطلاب في عداوة يعني ؟؟؟؟ |
رد: °•.¸¸.•°شـَـمـْـسْ°•.¸¸.•°
حتى لو مرت فترات طويلة مافت فيها المنتدى بيبقى في شئ بيشدني لارجع لسبب واحد انو هون في اخوة واخوات بحبن كتير وهون بلاقي مساحة لعبر فيها عن اللي جواتي صباحكم ورد اصدقائي |
رد: °•.¸¸.•°شـَـمـْـسْ°•.¸¸.•°
اما حان الوقت لتنتهي حكايتنا .... بداو بسرد حكاية الحرية علينا واخذو يرون لنا كل يوم فصل من فصولها حتى بدت لنا وكأنها اميرة ستاتي من وراء تلك الجبال لتبدد الظلام وتحقق لنا الامنيات كثرت الايام .... وتوالت الفصول وتلك الاميرة تصارع بكل قوتها لتخرج من ذاك القمقم الذي حبست فيه لسنوات وسنوات تارة تغني بصوتها الحزين واخرى تصرخ منادية بأعلى صوتها لعل قلب ذاك المارد المتوحش يرق قلبه عليها ويخرجها ولكن ....... طال الوقت طويلا وفصول الحكاية صارت اشد قسوة والثمن اصبح اغلى من كل شئ موجود على وجه الارض انها ارواحنا نعم ارواحنا نحن باتت كل يوم العديد منها يلحق بسابقتها جربنا كل طرائق الموت في بلدي وكل طريقة لها وجع وحكاية مختلفة عن غيرها ولم تنتهي الحكاية بل صار لها اوجه اخرى ومعاني اقسى من حجر الصوان ومرارة تزداد مئات المرات عن العلقم ولكأني صرت احس بها كالملح ممزوجا مع طعم المرار لا اتمنى لاحد ان يجرب هذا الطعم فها نحن نموت ايضا خارج اوطاننا حيث اعتقدنا انه سيكون لنا المأوى ولكن موتنا مختلف هنا باليوم الواحد صرنا نموت عشرات المرات ذل قهر وهل اقسى واشد مرارة والم من هذا الى هنا كنت قد كتبتها من قبل ولكن سأزيد عليها قليلا في هذه الاجواء العاصفة والباردة لان اول مايخطر ببالي اهالينا في المخيمات كان الله في عونكم وجعل الله هذه الايام سلاما عليكم هاهي طريقة اخرى للموت وهي الموت تجمدا وبردا هنا سأترك قلمي وانا ادعو من الله ان تتحول كلماتي الى عصافير وفراشات تحلق بعيدا لتجلب لنا من حافظة الزمان معاني جميلة للحرية وضعت قلمي جانبا واعلنها انني سانتظر ولن امل من الانتظار |
رد: °•.¸¸.•°شـَـمـْـسْ°•.¸¸.•°
أهلين شموستنا أشتئنالك ئطوطتي ^_^
كيفاتك وكيف كانت الاختبارات الله يوفقكم يارب |
رد: °•.¸¸.•°شـَـمـْـسْ°•.¸¸.•°
احلى شموس
دائما كتاباتك فيا شي رهيب بيدخل النفس مو لانو للي بعمرك صعب يكتبو هيك لاء ابدا هي النقطة تخطيناها واعتبرناكي كبيرة بعقلك وبفكرك وبقلمك وفيكي تنافسي أي قلم من أي عمر كان في ناس كبيرة ومتعلمة بس ئلال الناس المثقفة في ناس مو دارسين لكن مثقفين وبيعرفو يتصرفو ويحكو اكتر من دكاترة حاطين شهاداتن ببرواز بالحيط للفرجة لكن اخلاق وعقل صفر فكل دراستن بلا ثقافة تعتبر ولا شي انتي كسبانة الجهتين عم تتعلمي ومثقفة بنفس الوقت وهاد شي كتر رائع الثقافة تفهمي باقي الحياة من غير كتبك والي عم تدرسي اما عشان الي كتبتي فوء أي نعم الحرية **** لكن مهرها غالي وغالي كتير والحرية الي بدنا الياها اليوم هي حرية ضمن اطار الدين وكما قال الله والرسول الحرية الدينية وبس ركزي على هالجملة الي ئلتلك الياها وانطلقي منها والنا حديث ان شاء الله بهالخصوص |
رد: °•.¸¸.•°شـَـمـْـسْ°•.¸¸.•°
دخيل قلبك هموسة شو بتجنني
ربي يحميكي ويوفقك |
رد: °•.¸¸.•°شـَـمـْـسْ°•.¸¸.•°
شموسة يا امورة
سمعت عنك خبرية حلوة كتير كتير الله يهنيكي يارب ونفرح فيكي وتفرحي امك فيكي خبرينا بكل شي أول بأول ها حتى نشاركك لحظاتك الحلوة والله وسبقتينا كلنا ياضرسانة ههه |
رد: °•.¸¸.•°شـَـمـْـسْ°•.¸¸.•°
ابنتي حياتي شموس احلامي ونبض قلبي يا أجمل براءة حلقت في سمائي ابنتي .... انتي ذكرياتي الحلوة ... انت ذاك الطائر الصغير الذي غرد منذ مولده في حديقة قلبي وكبر ومازال تغريده يطربني .... ابنتي ياشمس فؤادي التي لا تغيب ....يا نجمة سمائي التي دائما تضئ ابنتي وشمسي .... جل ما كنت اتمناه لك منذ صغرك .... زوجا صالحا يطير بك الى سماء الافراح ... يكون سندا وعونا لك في هذه الحياة .... ابنتي ... انتي قصتي الحلوة وروايتي العذبة .... هاقد كبرتي سريعا واصبحت **** حياتي ها انا اليوم بقلبي العامر حبا وامنيات طيبة اهنئك بالخطووووووووووبة ولا يسعني الا القول بارك الله لك وبارك عليك ... وجمع بينكما بالخير .... ووفقكما الله لمايحبه ويرضاه وانشاء الله التمام على خير شموس هي مرحلة جديدة من حياتك اتمنى لك فيها كل الخير والتوفيق والسعادة شمس يانبض فؤادي لا تحزني على اي شئ قد فات .... ولا تخافي او تجزعي مما هو ات تنفسي دائما برئة التفاؤل وامشي بأقدام الامل مبروووووووك الخطووووبة شمس الشموس وعقبال الفرح عند الجميع ان شاء الله |
رد: °•.¸¸.•°شـَـمـْـسْ°•.¸¸.•°
اقتباس:
شكرا عمو لورد الله يبارك فيك وان شالله منفرح فيك عن قريب |
رد: °•.¸¸.•°شـَـمـْـسْ°•.¸¸.•°
اقتباس:
لم اكن طفلة في يوم من الايام ظروف الحياة اجبرتني كما الكثيرين مثلي على تجاوز هذه المرحلة لم اعيش احلاما وردية كما الصغار .... لم استمتع بخوفي من الظلام والاختباء في حضن والدي لاشعر بالامان لم اكن يوما كبقية الاطفال اثق بالجميع بل كان دائما الخوف يحاصر حياتي كنت طفلة يعتمد عليها وتحمل جزء من المسؤولية تحمله مع امها التي اجبرتها ظروفها ان تكبر سنوات وسنوات وتتخلى عن ابسط حاجاتها لتكمل مسيرة االايام هي ظروف واشياء فرضتها علينا ظروف الحرب انتقلت فيها من مرحلة الطفولة الى مرحلة المسؤولية ..... لن اقف حزينة لعبوري بخطوات كبيرة فوق مراحل حذفت من حياتي بل سادع الامل والابتسامة هما عنواني لحياة جديدة حياة اخترتها مع شخص وجدت فيه الكثير من الصفات الرجولية التي تتمنى كل فتاة ان تجدها في شريك حياتها ليكون عونا لها وكلي امل ان يكون اختياري صحيحا شخص اصبح جزء كبير ومهم في حياتي معه بدات تتفتح مشاعري نرسم ونخطط لمستقبلنا مع بعضنا دون ان نتخلى عن احلامنا الوردية في هذه الحياة احلى سحابة وااحلى ماما مافي كلمات بتوفيكي حقك الله يخليلنا الياكي شمعة بتضوي حياتنا وان شالله كون على ئد المسؤولية ومتل مابتحبي وبحب اني كون كل الحب والورد يزين حياتك ماما سحوبة :icon26::icon26::icon26: |
رد: °•.¸¸.•°شـَـمـْـسْ°•.¸¸.•°
لم اكن اعرف ان الورود تعزف اجمل الالحان وتنطق باجمل الكلمات [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
رد: °•.¸¸.•°شـَـمـْـسْ°•.¸¸.•°
هههههه لك ربي يسعدو الفرحان
أي يا ضرسانة اتاري الورود بتعزف الحان وبتعمل مقطوعات موسيقية كمان لسة ماشفتي شي ههههه |
رد: °•.¸¸.•°شـَـمـْـسْ°•.¸¸.•°
اقتباس:
:161::161::161: اصلا انا زعلاني عمو لورد لاحد يحاكيني يوه يوه لازم بطل كلمة عمو :2222[1]: |
رد: °•.¸¸.•°شـَـمـْـسْ°•.¸¸.•°
له له له ماعاش الزعل
خير يا شموس من مين زعلانة اول شي وليش أي لازم تبطلي عمو ههههه سبئتيني |
رد: °•.¸¸.•°شـَـمـْـسْ°•.¸¸.•°
هوة ما زعل يمكن عتب صغير هيك بنخطب ومابشوف لا هدايا ولا حفلة ما انا الصغيرة الي لازم تدللوني كلكن على كل حال بعرف الكل فرحان عشاني وهي مجرد مزحة مافيني ازعل من اخواتي |
رد: °•.¸¸.•°شـَـمـْـسْ°•.¸¸.•°
خالتو انين خالتو كوايت مبسوطة كتير اني تعرفت عليكن وبشكركن على مبادرتكن الحلوة :109::109: |
رد: °•.¸¸.•°شـَـمـْـسْ°•.¸¸.•°
هو واحد من احلامي الكثيرة ولو انه كان حلم مؤجل للبعيد لكن شاءت الظروف ان يكون اولها وكلي امل ان يكون بداية لتحقيق احلامي الاخرى في تلك اللحظات شعور غريب كان براسي طيفك لا بل انت بابا كنت ماثلا امامي رايت الفرحة تملأ عيونك شعرت بك تعانقني وتهمس بأذني كبرتي سريعا يا ابنتي وكبرنا نحن فيكي ومعكي صرت ابصر يمينا وشمالا لاعرف اانت حقيقة معي ام هو طيفك الراسخ بين اجفاني لايفارقني ابدا كنت في تلك اللحظات معي بين خلايا روحي عانقتك طويلا وقبلتك مثلما لم اقبلك من قبل وقلت لك بضحكة ممزوجة بألم الفراق انا هي ابنتك التي تفخر بها ولن اكون الا كما كنت مني ان اكون وكما تتمنى لي همست باذنك لاتزعل بابا على حلمي وحلمكم انت وماما الذي لن يضيع ولكنه صار مؤجل قليلا واوعدكم ان شاء الله ان اسعى لتحقيقه انت في نبضي باقي وسلامي لروحك |
رد: °•.¸¸.•°شـَـمـْـسْ°•.¸¸.•°
لامستي شغاف القلب بنيتي
حماكي الله واسعد قلبك |
رد: °•.¸¸.•°شـَـمـْـسْ°•.¸¸.•°
متابعتك مدونتي لورد بيسعدني :109::109::109: |
رد: °•.¸¸.•°شـَـمـْـسْ°•.¸¸.•°
مبروووووووك النجاح يا أنااااااا |
رد: °•.¸¸.•°شـَـمـْـسْ°•.¸¸.•°
لك أي ريتو سطعشر مليون مباااارك وبرااابو عليكي أي هيك ها كتريلنا الافراح يوم نجاح ويوم خطبة عئبال مانشوفك عرروس ان شاء الله وفي هدية عفكرة للنجاح سالي امك بتقلك شو هية :m7: وبتمنى نعملك احلى حفلة هون بس شوفة عينك التواجد قليل وخالاتك هدول بيت ابو روز مو مبينين لبعد رمضان منفرح فيكي ان شاء الله الله حيو اميرتنا |
رد: °•.¸¸.•°شـَـمـْـسْ°•.¸¸.•°
من القلب لابنتي الغالية اقول لكي بارك الله لكم وبكم وبما حولكم
لا اعرف ماذا اقول بالامس اناديكي بنيتي ونشد من عزم هذه الصغيرة اللطيفة واليوم اجد بانك خطبتي وتزوجتي وكبرتي بسرعة فرح لكي من كل قلبي وحزين باننا بتنا نعيش اعمارنا خارج اوطاننا اتمنى من الله ان يمد حياتكم بالبركة والعافية والطاعة سابقى اناديكي كابنتي يا بنيتي مبارك لكي ومبارك اكثر لاختي سحابة صيف |
| الساعة الآن 08:59 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
