يا عمري نحنا ببيت اسمو بيت رعب افهمينا ئلبي
يعنى لزم نساير الاجواء ونكون بلا رومنسية
بس اجت الرومانسية هلئ وهي شاموو
بتئول بدها رامز بس معا لبيت الرعب
وهي قمة الرومانسية تعلمى ئلبي :cipollinojoyhn6:
وهلئ رامز رح يئول بدو شامو بس بيت الرعب
ورح يفوتوناااا بجو الرومانسية ب بيت الرعب
ئلبي بدها برمجة تفكير:hlp:
لحتى تخلئي من بيت الرعب بيت رومنسئ ههههههه :cipollinojoyhn6:
ويلااااااااااا يا امير الاحسااس تعى لهووووون:309:
بركى تصير وحش الاحساس :30[1]:
عم نستنااك وما تتاخررررررر :358:

1-شي كنت تخاف منه وانت صغير..؟


الحمد لله مافي شي


2-هل كنت تخاف من الظلمه..؟

بعشقها كتير
لدرجة غرفتي بالبيت مابتشوف النور الى وقت افتح البرادي شمسها


3- تحب تنام والأضواء مفتوحه ؟
مستحيل لا نور ولا صوت



4-يوم كنت صغير,هـ وتخاف,لمين تروح’ي له..؟

اخ ليش منسترجي نقول خايفين
لان العقوبة بتخوف اكتر كنا على غرفتنا وكأنا شي لم يحدث


5- أذكر لنا موقف مرعب حصل لك ..؟

الحقيقة موقفين صارو معي هدول الي خفت منهم كتير او فيكي تقولي ارتعبت
اول موقف

كنت سهران عند رفقاتي والتلوج يومها مغطية الدنيا والكهربا كالعادة بس تمطر او تتلج بضيعتنا بتقطع

راجع على البيت والوقت متاخر والتلج نازل ومن البرد بدي بس وصل لصوبيا وصلت قدام دارنا
وبدي افتح الباب مو شايفة شي حتى محل المفتاح بالولاعة شفتو
فتحت وبدي فوت دعست على كلب هو صرخ وانا صرخت ليش الكزب ماحدا منا مستوعب الموقف
انا بدي اهرب وهو كمان ونحنا المساكين 3 مرات خبطنا ببعض لحددنا مكان لكل واحد يهرب فيه


وتاني موقف
كانت الدنيا صيف سهران برات البيت وراجع والوقت كتير متاخر يعني شي 4 الصبح
ماشي انا وصاحبي طريق بيتو من طريق بيتي وصلت على حارتو عملي تعال من هون بتوصلني
وبتكمل اول مفرق حارتو طلعنا زلمة اسود اعوذ بالله من هداك الشكل مابنساه بحياتي
نحنا عم نتحدث اخدنا الموضوع عادي زلمة ومارء بشارع وصل رفيقي على بيتو ضليت انا لحالي
فرقت على حارة لحتى اطلع لطريق الرئيسي ومنو لحارتنا شي لفيت حارات يوميها المهم
بعد مارح رفيقي بعد بيتو في بيت مهجور وصلت على باب البيت طلعلي نفس الزلمة
هون قلت الشغلة مو صدفة تعوذت بالله وقلت شد حالك انتا زلمة وبهيك مواقف منصير نواسي حالنا انتا رجال
وانتا وانتا وانا كنت الله اعلم بحارتي كملت لاخر الحارة لحتى انفد لشارع الرئيسي وعلى فكرة الشارع الرئيس الوحيد الي فيه كهربا بوقتها
باخر الحارة طلعلي نفس الرجال هون قلت ماني زلمة ولابدي كابر على حالي
قطعت يمكن تزكرت كلشي قران حافظو بحياتي وصرت احكيه
قطعت من الشراع الرئيسي ياجماعة وانا ماشي بس وجهي لورا وصارت خطوتي يمكن مترين يوميها
وصلت على البيت عم ارجف بدي افتح باب الدار ماعاد نمسك معي المفتاح دقيت الباب امي ناطرة اخ
من قلب الام فتحتلي وفتت ملون يمكن بكل الالوان عملتلي امي شو صاير وانا ولا حرف
اعملها غطيني الدنيا صيف غطيتني بحرامين ولحاف لحتى دفيت صارت تقرئلي قران لحتى نمت
هدول الي صاروم معي بكل حياتي
بس بتصدقو ياجماعة كنت عسكري يومها وما استرجيت احكي الي صار معي خفت من ابي وشو ردة فعلو



6- هل تحب تغامر بأماكن مسكونه بالجن..؟
اي اذا كان شرط بحب غامر



7- تحب تتابع افلام الرعب..؟

بس مو منشان قصة الفيلم بحب تابع بس لشوف الدم
بحب الدم كتير



8-تحب تسوي مقالب با صدقائك أو صديقاتكـ أو أحد من أهلك ..؟
لا لانو مابتضمني ردة الفعل مرة عملنا موقف لاشعوري بواحد
رح نروح فيها نحنا
كنا بمنطقة اسمه عين الصاحب اجت فترة صار وقت نسقي الارض بليل هيك يجي دورنا
كنت انا وابن عمتي وصاحب النا
تركناه ورحنا نجيب عشا من ضيعة قريبة وعملو ابن عمتي خلي المسدس معك احمي حالك
ورحنا نحنا وراجعين نسيانين انو عاطينو المسدس عملتلو لابن عمتي تعال نرعبو عملي حرام
الارض كلها غصان شجر يابس وقت نمشي يطلع صوت التكسير ونحنا برئين ماشيين
نفدنا من بين الشجر لاقينا الزلمة مستعد يقوص عمل مرتين بدي قوص بس ترددت
منشان هيك مابحب اعمل مواقف يعني لو لعب الشيطان براسه الله اعلم بمين اجت الطلقة


لو قلنا لك اختار 3 اعضاء خذهم معك لبيت مسكون ...راح تقضو فيه يوم وآآحد مين تختار..؟

اكيد مارح اخد شامو على هيك مكان

بروح مع الحجي لورد

ونضال

وجاري حسام

10-هات لناصورة تخووف؟؟

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

خايف بكرة وقت نقابلو يسئلنا عن دمو ياترى راح هدر


-هل كان خوفك مرتبط بشخصة مثلاً إمم .. درآكولآ او جنآنوة المسلم ..؟؟
لا




يسلمو تعبت موضوع رجعنا لايام الخوالي هههههههه
ال نحنا منخوف
انتو الاشرار طلعتو هههههههههه


يلا يشرفنا جاري صدى الروح نعرف عنو شوي

اها معا كل الوقت مو ساعه اربعه كمان المهم ما يجي دوري