|
رد: مواقف وطرائف مضحكة
اقتباس:
اكيد وهو المطلوب الفضايح ههههههههه والله مابتذكر بس مو مشكلة حطا هون الله يرحمو يارب اي بكون كيف ارفيئك ههههههه ممم انت هون كنت بس مو باعتلو شيئ حدا مناخواتك ولا من هون ولا من هون عشان ماتتلبس بشيئ وتقول انو رايتك بيضا :innocent[1]: بانتظار قصصك مو المسحراتي بس في كتييييييييير عندك طلع عمو طلع |
رد: مواقف وطرائف مضحكة
وه يائلبي وه
شو هالموضوع الفضايحي هاد :122: يعطيكي العافية عمري ياسو العسل دايما عندك افكار وطروحات روعة هو اكيد ما حدا بحب يفضح حالو ههههههههه بس انا رح احكي كم ئصة صارت معي كرمال انو انتي الي كتبتي الموضوع وانك غاليه عئلبي كتير اكيد رح احكي موقف صار معي بس لا تضحكي كتير ههههههههه الموقف ما صارلو فترة طويلة انا متل ما بتعرفو كنت بشتغل بشركة خاصة وانا وحدة بحب الاكل وبحب بطني كتير هههههههههه كل يوم بفطر بحدود الساعة عشرة ونص او احدعشر فبيوم من الايام جيت لافطر فتحت البراد مافي خبز وانا ما بعرف اكل الا بخبز هالحكي الساعة 12 يعني وقف مخي بالمرة لاني بجن لما جوع ههههههههه فصرت افتل من مكتب لمكتب اسال عن الخبز وما بلاقي وفي مكتب بالساحة للمحاسب وهالزلمة شايفني طالعة نازلة على هالادراج شكلو استغرب قام نادى علي ليسال شو ئصتي ئمت انا من الجوع لما دخلت على مكتبو بدل ما قلو صباح الخير قلتلو آلووو ههههههههههههههههههه |
رد: مواقف وطرائف مضحكة
اقتباس:
شكلو رح نزعل من بعض قلتلك رصيهن ما دخلني انا انا بساعدك وبس :111: |
رد: مواقف وطرائف مضحكة
يلا طلعو فضايحكم منشان نطلع فضايحنا ههههههههه
|
رد: مواقف وطرائف مضحكة
اقتباس:
الله يرحمو يارب وبالله موقف لاتحسد عليه لا وعم تواسيه كمان والاخ فارط ضحك بهيك اوقات كتير بنمر بمواقف محرجه قد من كان الواحد حريص الا مايغلط بس ارفيئك بدو اتلة ابوه ميت وفاضي يطلع على الناس ويضحك الله يعطيك العافية اخي وعم ننتظر القصة التانية منك نورت بوجودك |
رد: مواقف وطرائف مضحكة
اقتباس:
الله يسلمك ياقمر وهالموضوع مابيحلا الا بوجودكن وبفضايحكن ههههههههه بس ياحرام عليكي شو عملتي هيك بالخاروف موتية ولا بعد مامات حرمتي ههههههههههههه بعد شو اكتشفت موهبة القتل عند يارا ديرووووا بالكن منا بتخوف والله هالبنوته ياحبيبتي انتي الروعة وعم انتظر لتتذكري باقي القصص وتجي تكتبين هون لنشوف شو لسة مخباي ههههههههه الله يسعدك يارب |
رد: مواقف وطرائف مضحكة
رح احكيلكن هي الموقف
هي رعبة اكلتها من زمان بس الي بيضحك علي يصيبو متلي هي ياجماعة القصة كانت من حوالي 7 او 8 سنين تقريبا ليلية شتوية ريفية في ناس من عنا من الريف بتعرف شو ليلية شتوية ريفية الجو يوميتها كان تلج ربنا كان كارمنا وعم ينزل تلج عم ينزل تلج بكثافة كبيرة ومو طبيعية كنت سهران عند صاحب الي عم نتحاكى ونلعب شدة سرقنا الوقت وماحسينا طبعا سرقنا الوقت وما حسينا لانو بهيك جو مشكلة الرجعة متأخر عنا بلسوريا في نقطة كتير مهمة انو نحنا من التصور الي عغنا بس ينزل تلج او مطر للاسف مننقطع عنم العالم الخارجي بيقطعو الكهربا 3 اربع ايام سوا طرقات بتسكر والله يجير المهم حوالي الساعة 3 تقريبا او اقل شوي قلتلو لرفيقي انا رايح حملت حالي ومشيت الجو كمنظر خيال لا يوصف والبرد وقتها خيال لا يوصف كهربا مافي وتلج عم ينزل وناس باتلشوارع مافي مافي غير صوت الهوا وتكتاكات سناني بهيك جو كمان ( الضباع بتنزل بين البيوت ) يعني كلشي ضدك اني اتئخر بالرجعة على البيت كان موجود وصلت على حارتنا وبدي اطلع على بيتنا بيتنا صار تقريبا بيت عربي بيطلعولو بعشر درجات بتوصلي لباب الدار طلعت الدرجات ووصلت لباب الدار من البرد وانو بدي وصل ما عم اتطلع لا يمين ولا شمال طول الطريق عيوني بالارض وبدي اصل وصلت طلعت الدرجات وحامل المفتاح مستعجل فوق باب الدار في شمسية من اسمنت منشان المطر والتلج تحت منها ومن البرد متخبي كلب انا بدي حط المفتاح بالباب رحت داعس على الكلب وهو نط وانا نطيت هو صرخ وانا صرخت يمكن 3 مرات خطبنا ببعض لكل حدا قرر اي جهة يروح موقف ما بينوصف طبعا رجلي ماعاد يحملوني الرعبة كتير كانت بتخوف فتحت باب الدار وفتت في بين باب الدار والبيت جوا حوالي 15 متر يمكن ضليت ربع ساعة لا مشيتهن فتحت الباب شافتني امي طبعا تخيلو منظر واحد اكل رعبة كيف حالتو قالتلي امي شبك فيني عادة لما بصير معي اي شي وارجع على البيت ما بحكي مع حدا حتى مرحبا ما بحكيها بتطلع بالحاضرين دقيقتين وبمشي عملت هيك قالتلي امي طيب تصبح على خير ونمت وصبحت على خير هي الي صار معي ههه |
رد: مواقف وطرائف مضحكة
هههههههههههههه
مسكين يارامز عم اتخيل شكلك وانت فزعان هههههههههههههه |
رد: مواقف وطرائف مضحكة
ياسلام بتستاهل هالرعبة ليش لل3 الصبح برة البيت
يالله لو كنت شايفتك كنت مافوتت هيك فرصة حلوة وصورتك وبلشت ابعت بلوتوث لكل ههههههههه اي بس للأسف الله رحمك والله عم تطلع القصص الحلوة كملوا لسة وما خفيه اعظم بانتظاركن لحتى شاركن هاللحظات الحلوة |
رد: مواقف وطرائف مضحكة
اقتباس:
هههههههههه ياحبيبة قلبي والله الجوع بيخربط اللي عمرو مابيتخربط اسأليني أنا ههههه ياعمري تسلمي على هالكلام الحلو وانتي الروعه بذاتها والله يخليلي اياكي يارب وعم استنى موقفك التاني ياقمر :160: |
رد: مواقف وطرائف مضحكة
اقتباس:
يالله شامو اكتبيلنا موقفك لانو الكل عم يتهرب بانتظارك ياعيوني |
رد: مواقف وطرائف مضحكة
رح احكيلكن موقف هو مو مضحك مرعب مخوف ملبك كلي الى مضحك
هي القصة صارت قبل ماسافر من سوريا بفترة قصيرة سهران برات البيت كالعادة بس انه يوم الخميس فأكيد السهرة بتطول كتير خلصت السهرة وبدنا نرجع لبيوتنا في الي رفيق طريق بيته من طريق بيتي بس هو بيوصل قبلي لانه اقرب لمكان السهرة خلصت السهرة وراجع انا وياه على البيت وعم نتحدث ومدموجي كتير طريق بيت صاير مخربط كتير دخلات كبيرة وصغيرة شي معتم وشي ضاوي المهم وصلنا لمدخل حارته ونحنا عم ندخل حارته بيطلع بوجهنا زلمة اسود عنجد شو ما اوصف شكله مرعب اكتر اخدت القصة عادي طلع فيه رفيقي سئلني شو عم يعمل هاد الزلمة هون بهاد الوقت قلتله نحنا شو عم نعمل برا البيت بهاد الوقت طلع على بيته وانا كفيت طريقي وحدي بعد بيت رفيقي دغري في بيت مهجور رحت انا من طريق البيت المهجور لانه اقرب هاد الطريق بينزله بدرج طويل شوي المهم وصلت لعند البيت المهجور نفتح الباب وطلعلي نفس الرجال توسوست تعوزت قلت بين وبين حالي مو معقول يازلمة يمكن شي زلمة تاني بس لانه اسود استشبهت فيه اعدت واسي حالي طبعا بهي الفترة انا كنت عم انزل الدرج كل تلت درجات سوا باخر الدرج بيجينا حارة صغيرة وبعدها بطلع على الطريق الرئيسي طبعا هونيك مونس اكتر لانه في ضو وحركة وهيك باخر الحارة طلعلي نفس الزلمة هون ماعاد فيني واسي حالي قلبي حسيتو وقع مني قلت شو ها القصة قطعت الشارع ومشيت بسرعة بتشبه الركد طبعا وجهي لورا وعم امشي لقدام وصلت قدام الدار ماقدرت افتح بالمفتح دقيت الباب فتحتلي امي بتعرفو قلب الام ما بتنام وعندها ابن برات البيت فتت عم ارجف عملتي شو القصة قلتلها غطيني بس عم ارجف بشكل مو طبيعي ضليت فوق راسي قرئتلي قرأ، لحتى نمت الصبح صحينا ومجموعين انا وامي وابي وعم احكيلو الي صار حسيت ابي بدو ياكلني بسنانه يعملي مانك رجال ؟ مانك زلمة جاي عم ترجف ؟ كنت بدي قله اي خليها تصير معك وبعدها منحكي بس قلت ياولد اشتري حالك وبلا ما تسمع كم كلمة زيادة وبس |
| الساعة الآن 12:13 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
