|
كيفكن يااحلى ناس ان شاء الله تكونوا بصحة وعافية واهم شي تكونوا مبسوطين بس لا كتير تتئلوا الاسئلة ع اخي لورد وع كل حال هو ما بينخاف عليه ما شاء الله يمكن مارح اقدر كون معكن من هون لفترة ما بعرف لايمتا واكيد ما بينخاف عالكرسي مادامت عبيرو حبيبتي وعمري ياسووو موجودين بدي تديروا بالكن ع حالكن منيح وع نضولي كمان :cry: :cry: وادعولي الله يفرج الامور وارجعلكن باقرب وقت رح اشتئلكن كتير موفقين يارب لورد بتمنالك التوفيق ومشان الاسئلة ليكن الاعضاء ما قصروا ولو بدي اسال رح اسالك عن شي واحد هو انو حسب توقعاتك الكلب بشار شو اخر شي ممكن يشوفوا بحياتو؟؟ ع فكرة ابن الحرام اليوم في مسيرة تاييد بالدير وهددوا الكليات انو بدهم يعتقلوا الطلاب ويسكروا الكليات لو ما طلعوا بمسيرة التاييد وعينك ما تشوف كراج البولمان الباصات كلها كومبليه لانو مامخلي محافظة الا وجايب منها شبيحة ليطلعوا بالمسيرة ربي يقصف عمرو وعمرن بس بالمقابل في مظاهرات بالدير عم تسب وتلعن فيه وان شاء الله تنفرج عن قريب ونخلص منو ومن ئرفو شكلي طولت عليكن كتير اسفة بس لا تنسوا تدعولي وتديروا بالكن ع نضال والمنتدى بغيابي ودي واحترامي |
ولي انا وصلت متأخر مع انه غليت المي من شان اكون اول
وحده بتبلش بنتف الريش ما علينا المهم انا شايفه ما ضل اسئله لحتى اسئلها اي زعيمتنا عبير ما خلت سؤال ما سئلته بس حابه اعرف شغله وحده لو الكلب شبشب لك ئصدي بشار ما تنحى وضل ماسك الحكم شو موقفك راح يكون وان شاء الله هاد الشي ما راح يكون بس هيك خطر ببالي اسئلك وتحياتي |
سوزي يوقف كرسي الاعتراف وكل شي لانه بدون وجودكم ما بيصير له ممعنى راح ننتظر عودتكم لو وافق لورد وباقي الاعضاء وحتى نرجع نفتحه بعد العيد ان شاء الله تكون الاوضاع افضل والنفس شوي صافيه وبيكفي ندخل نطمن ع بعض هالفتره |
أنا بئول منوئف الكرسي لترجع سوزي ما في شي بيكمل بدونها طبعا كمان حسب مبدن باقي الاعضاء ولورد
وبتمنالك التوفيئ سوزي وانشاء الله ترجعيلنا باسرع وقت دمتم بخير |
طيب ئبل بوئف الكرسي .. بد جواب لهالسؤآل ...
ليش كلكم تسئلو لورد اآسئله سيآسه .. { هل هو محلل سيآسي } ؟ ؟ |
طبعا يوقف كرسي الاعتراف
وسوزي وصلتنا الاخبار والله يكون معك ويكون بعونكن وانتبهي لنفسك منيح اختي والله يحميكن وكمان نضال حاليا مو موجود صار بمكة الله يسرلو وياسمين الشام اليوم مسافرة تروح وترجع بالسلامة واغلب الاعضاء والمشرفين كمان مو مبينين فمتوقف هون حاليا على امل اللقاء باقرب وقت جميعا وشكرا كتير لكل الي طرح اسئلة وانا حابب جاوبكن عن اي شي بتريدو وشكرا للي كان ناوي وما صحتلو الفرصة للمرة الجاي ان شاء الله والشكر موصول لسوزي على هالاستفئادة عبير جهزي حالك انت المرة الجاي خالتو |
بالنسبة الي حبيت اعرف رأيو مو اكتر
|
اوك اعمامي وخالاتي خلص اتفقنا ولورد ماراح يرد ع شي هلا حتى بعد يرجعوا الاغلبيه ونطمن ع الباقين ويجلس ع كرسي الاعتراف من اليوم الثاني
بس البقيه لا تغيبوا خلونا نتواصل بباقي المنتدى ونطمن ع بعض والله يوفق الجميع |
ان شاء الله الكل بيرجع بسلامه
وكل عام والجميع بخير وبصحه وسلامه يارب |
لورد الله يعينك علقت مع ميرو
انا بانتظار الاجابات خيي لورد مع اني ما بعرفك بس من اسئلة ميرو رح اتعرف عليك انا عندي كم سؤال كتير عاديين بس صارو معي بالحياة اذا بيوم من الايام تزوجت بنت انت بتحبا من سنين ومع الايام صارت تعامل امك معاملة بشعة تتركها والاتتخلا عن كرامة امك ؟ موقف بكيت منو بحرقة قلب ومن مين ؟ لحظة حلوة بحياتك مستحيل تنساها ؟ هل شفت خيانة بنت حبيتك بعينك ؟ اذا اي كيف تصرفت ؟ شو بتعنيلك كلمة وداااع ؟؟ ممكن بيوم تكره صديق غالي على قلبك وايمت ؟؟؟ شكرآآآ لورد و بعتذر عالاسئلة الغليظة شوي بس لازم تجاوب ههههههه |
ههههه
اهلين خيتي وبالفعل اسئلة ميرو رائعة وحلوة واسئلتك كمان هي جدا جدا ممتازة والي بحب يعرف حدا عن جد يأحرجو بالاسئلة مو مجرد سؤال عادي بس انت ما انتبهتي انو الكرسي توقف حاليا بين ما يرجعو الشباب اذا حابة تعرفي تكرمي بجاوبك ملاحظة لحمودة...انت خليك برة عيني ما تشوفك |
ههههههههههه .... ليش لورد ؟
لسآ مخبي شي كبير آلك ..... |
| الساعة الآن 11:38 PM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
