|
رد: المواجهة
قرار اختيار شريك او شريكة العمر قرار مصيري وهام انا شخصيا بعتبر انو نقطة تحول هامة كتير بحياة الطرفين قبل مانبدأ بالنقاش ياعزيزتي كل صبية فينا بترسم بأحلاما وافكارا تصورات لمواصفات شريك العمر وبتتمنى دائما انو تلاقي الانسان اللي يحقق القدر الاكبر من هالمواصفات بنجي ل Innocence Rose عطينا فكرة عن المواصفات اللي بتتمنيها بشريك الحياة المستقبلي وياريت ترتبي المواصفات حسب الاولوية بالنسبة الك لحتى نرجع ونتناقش فيهم كل وحدة على حدى وياريت نبعد عن المثاليات ونبقى بالواقع اكتر لياخد الموضوع حقو من النقاش عندي سؤال واحد ومهم كتير انك تجاوبيني علي وهوة هل الحب اساسي في قرار اختيار Innocence Rose لشريك الحياة المستقبلي ؟؟ اذا كان الجواب نعم ياريت تخبرينا ماهو مفهومك للحب ؟؟ هي البداية ورح نكمل بالنقاش بناء على اجاباتك والشكر الك مقدما |
رد: المواجهة
اقتباس:
اقتباس:
اهلا وسهلا فيكي عيوني |
رد: المواجهة
اسئلة واجوبة رائعة وصريحة
ومالقيت اي شي بعيد عن الواقع جد حوار ممتع وفكر عالي احترامي |
رد: المواجهة
شو هالموضوووع الحلووو:161: عنجد موضووع كتتتير رااائع لفت انتباااااهي كتتتير والله كنت حابه شاررركن فيه لاتي بحب هييك مواضيييييع يعطيكن العاافيه جمييعاااااا ما قصرتوااااا وكل الشكر لرااامز علي موضووعك الروووعه سلااااااااااااااامي وتحياااتي |
رد: المواجهة
اقتباس:
دمت بخير |
رد: المواجهة
اقتباس:
وبنتمنى مشاركتك معنا ونشوف ابداعاتك بالمنتدى نوووورتي |
رد: المواجهة
يعطيكي العافي حبيبتي InnocenceRose اجاباتك كتير حلوة وبتوافق معك عليها 100% طبعا اهم شئ مخافة الله واحترام الاهل امر من الاولويات والاحترام المتبادل بين الطرفين رح يكونو بداية موفقة وبالنسبة للحب قبل الزواج انا بهي النقطة بختلف فيها معك شوي بنظري مو دائما الحبيبب بيكون هو الشخص اللي بتتوفر في صفات الزوج المهم الارتياح وكم معقول من القبول اما الحب بمفهومنا التقاء روحين ومشاعر رومانسية وجهة نظري الحب شئ والزواج ومسؤلياته شئ تاني ياستي واذا كان بتتوفر بالحبيب مواصفات الزوج بيكون هالشئ كتير رائع وياللا رح نبدأ باسئلة جديدة انطرونا |
رد: المواجهة
صباح الخير الك Innocence Rose ولكل اعضاء تيرا الزواج متل ما الكل بيعرف هوة مسؤولية كبيرة كتير وبداية لبناء حياة جديدة بتختلف كتير عن كل اللي عشناه قبل ياعزيزتي هني كم سؤال رح اطرحن عليكي اولا لو تقدم الك شاب مستواه التعليمي اقل بكتير من مستواكي التعليمي مثلا انت شهادة جامعية وهوة شهادة اعدادية ولكن كان بيحقق طموحاتك من نواحي اخرى هل ممكن تتغاضي عن هالامر وتوافقي ؟؟ ثانيا لو تقدم الك شاب وكل الصفات تقريبا فيه متل مابتحبي لكن الوضع المادي مو مرتاح شو رح يكون رايك ؟ ثالثا لو تقدم الك شاب وبيئة اهلو مختلفة عن البيئة اللي انت تربيتي فيها شو بتقولي المهم هوة وشخصيتو وبتغضي النظر عن المحيط اللي حوالي او شو رايك ؟ ياللا عيوني هني كام سؤال خفاف صغار جاوبي عليهم لنتابع بالموضوع |
رد: المواجهة
اقتباس:
اقتباس:
وانا بانتظارك حبيبتي |
رد: المواجهة
وكل الشكر للاخ لورد
ويارا لمشاركتهم الموضوع ربي يسعدكم |
رد: المواجهة
صباح الخير للجميع شكرا الك عزيزتي على اجاباتك الجميلة والله يعطيكي العافية ولكن اسمحيلي ناقشك بموضوع الفارق التعليمي انا من وجهة نظري ان الفارق التعليمي لابد وان يكون يوما سبب لخلق بعض المشاكل بطريقة مباشرة او غير مباشرة نرى اثارها في حياتنا النزعة الذكورية التي عند الرجل دائما لا تحبذ ان يجد من هي متفوقة عليها وسيسعى دائما باي طريقة ليحجم او يقلل من قيمة المرأة في المجال الذي تفوقت به . اما بالنسبة لموضوع الناحية المادية انا اراها هي اساس في الحياة الزوجية المشتركة وطبعا لا اقصد الوضع المادي فوق العادي اقصد الوضع الذي يستطيع ان يعيش فيه الزوجان براحة وبدون قلق اما بالنسبة لاجابتك عن اختلاف البيئة الا تري معي انه مهما تطور وتغير الشخص لا بد ان يبقى متأثرا في البيئة والمحيط الاجتماعي الذي تربى فيه ولابد ان تظهر اثار هذه البيئة على بعض من تصرفاته وتكون سبب للمشاكل يوما ما والسؤال الاهم هو هل انت قادرة على التكيف فعلا مع بيئة مختلفة عن بيئتك وكم من الوقت ممكن ان تتحملي هذا الاختلاف انا ياعزيزتي ارى ان هذه الامور الثلاثة هي من اساسيات قرار اختيار شريك الحياة ولنبتعد قدر الامكان عن النظريات وننظر جيدا وبتمعن على الواقع وسنرى هذا جليا والان اسمحيلي وجه الك كام سؤال بالنسبة لفترة الخطبة او التعارف بين الشريكين كم تعتقدي ان هذه المدة يجب ان تكون حتى يتم تعارف كل طرف على الاخر هذا في حال لم يكن هناك معرفة سابقة ؟ وهل برأيك فترة الخطبة تكشف لنا الطرف الاخر على حقيقته ؟ وماهي الامور التي على كل فتاة التركيز عليها في فترة الخطبة لتكتشف الطرف الاخر ؟ هي اسئلتي الك اليوم والشكر الك حبيبتي |
رد: المواجهة
اقتباس:
واهلا وسهلا فيكي ياعسل |
رد: المواجهة
مواجهة جد راقية
كنت دائما هنا أتابع نقاشكما بصمت و استنتجت ان كل واحدة فيكما تحمل فكرا واعيا و راقي فشكراً لكما من القلب ودمتما بخير لكما مني ارق التحايا و أطيب الأمنيات...~♡ |
رد: المواجهة
بالنسبة لفترة الخطبة او التعارف بين الشريكين كم تعتقدي ان هذه المدة يجب ان تكون حتى يتم تعارف كل طرف على الاخر هذا في حال لم يكن هناك معرفة سابقة ؟ برأيي فترة الخطبة لاتتعدى 3 اشهر لان بعتقد ازا طولت رح تبلش المشاكل والقيل والقال بوافقك الراي ياعزيزتي بهي النقطة وهل برأيك فترة الخطبة تكشف لنا الطرف الاخر على حقيقته ؟ لا طبعا,, بظن انو بعد العشرة الزوجية تظهر خبايا كلا منهما,, لانو فترة الخطبة بحسها مو كل شخص بيظهر ع طبيعتو نادرا للاسف مامنشوف حدا عفوي ويتعامل بطبعو الاصلي ماشاء الله حكي واقعي وهدا اللي عم يصير للاسف وماهي الامور التي على كل فتاة التركيز عليها في فترة الخطبة لتكتشف الطرف الاخر ؟ الالتزام بالصلوات ,مدى حبو لاهلو واحترامو الهن,اسلوبو بالحكي,الاشياء يلي بيحبها والاشياء يلي بيكرها, تقريبا هيك. وهون انا معك 100% وبحب ضيف شغلة صغيرة كتير انو ماتهمل الفتاة اي تفصيل صغير من تصرفات الشريك لان الامور الكبيرة بيكون التركيز عليها من الطرفين لتظهر بأفضل مايمكن اما التفاصيل الصغيرة غالبا بتمر بشكل عفوي وهي بتعطي ملامح لطريقة التفكير والتصرف هي اسئلتي الك اليوم |
رد: المواجهة
صباح الخير للجميع وبنرجع لموضوعنا لكل شخص منا خصوصياته التي لا يحب لاحد ان يتدخل او يطلع عليها فتصبح خطوط حمراء لا يمكن تجاوزها اولا ماهو مفهومك للخطوط الحمراء بشكل عام ؟ ثانيا هل لهذه الخطوط الحمراء مكان بين شريكي الحياة ؟ اذا كان الجواب نعم ارجو منك ان تبيني لنا ماهي الخطوط الحمراء التي لا تسمحين لشريك حياتك بتجاوزها ابدا ؟ واخيرا هل برايك هذه الخطوط بين الشريكين تنظم العلاقة ام تعقدها وتقيدا ؟ هي اسئلتي لليوم وعم ننتظر اجاباتك والشكر الك ودمتي بخير |
رد: المواجهة
اقتباس:
وكل الشكر والامتنان الك لقلبك السعادة والراحة |
رد: المواجهة
احترامي لهذا الحوار الراقي والواقعي
دمتم بفكر عالي وتفهم لامور الحياة متابعين استمرو |
رد: المواجهة
وكل الشكر والاحترام لمتابعتك
السعادة لقلبك |
رد: المواجهة
الشكر الك لورد ولمتابعتك لنقاشنا وكان بودنا يكون الك وللاعضاء مداخالات لاعطائنا الرأي حول الموضوع |
رد: المواجهة
يسعدلي اوقاتك انين واول الشئ بعتذر عن غيابي مبارح بسبب ظرف طارئ بهنيكي على اجاباتك اللي لمست فيها كتير من الصدق والواقعية وماشاء الله هاد الشئ بيدل على انك صبية واعية ومتفهمة بارك الله فيكي ووفقك بحياتك وكان عندي بعض الاسئلة حابي وجهلك اياها لكن للاسف انتهى الاسبوع وما خلص النقاش الشكر الك مجددا وبالنهاية لا يسعني الا ان اقول ان قضية اختيار شريك الحياة والزواج هي تجربة اجتماعية مثل اي تجربة انسانية أخرى خاضعة للنجاح او الفشل وهي بلا مواصفات ولا قواعد ثابتة لان كل اثنين هما حالة خاصة جدا فا العلاقات الانسانية معقدة ومتشابكة وتختلف من انسان لاخر فاذا كان الانسان رومانسي وحالم وخيالي غالبا مايبحث عن زواج الحب اما اذا كان عمليا وواقعيا فهو يبحث عن زواج العقل وخير الامور اوسطها وبتمنى لجميع اعضاء تيرا اللي لسة ما التقو بنصفن الاخر الله يوفقن بالشريك اللي يسعدن ويهنيم ودمتم بخير جميعا وكل عام والجميع بخير |
رد: المواجهة
كنت سعيدة جدا بمحاورتك الراقية
واسعدني رايك واخجلتني بزوئك واسئلتك كانت رائعة وواقعية كل الشكر والاحترام الك غاليتي |
رد: المواجهة
أختاي العزيزتين
طبعا انا متابع لشارك وفي شوية اسئلة واجوبة كنت مجهز اسئلة الها وعم استنى وقت يصير دورنا وانتهى هالاسبوع بسرعة اصلا اغلبو عطل ماحسينا في ههههه نحنا دخلنا بوقت عيد وسفر وماكان في وقت لطرح الاسئلة فبطلب منكن ومن صاحب الموضوع تعطونا يومين او تلاتة نوجه اسئلتنا الكن لانو موضوع جدا مهم بس كان نقاشكن من طرف انثوي فقط صح نقاش صريح وواقعي مافي اي تصنع لكن هيك موضوع عن شريك الحياة لازم يكون لآدم شوية اسئلة فشنو رايكم دام فضلكم |
رد: المواجهة
يسعدلي اوقاتكن بالنسبة الي ماعندي مانع نرجع نفتح الموضوع ولكن بفضل بعد ماتنتهي العطلة هيك بيكون الوقت افضل وطبعا بعد موافقة الاخت انين والشكر الك لورد |
رد: المواجهة
ههههه لورد شو مشان انو دايما بتجي بالوقت بدل الضايع
تيب تكرمو بس يوم مو عشرين هههه بمزح ازا سحابة قالت اي معناتا go on |
رد: المواجهة
ههههه احلى شي الوقت الضايع المهم نشاركن حواركن الجميل
حتى ما نتاخر عليكن رح اسئل كام سؤال للمتحاورتين بعد امركن البداية مع المستضيفة سحابة صيف 1- انا شفت جواب انين عن سؤالك عالبيئة المختلفة وبالنسبة الي انا بخالفها قليلا الرأي لان البيئة اذا مختلفة رح تسبب معضلات كتير وبالاخص اذا بنت مدينة وانتقلت للريف مثلا فشو رايك انتي بهالنقطة غير الي قلتي قبل 2 - الاولاد اهم ركائز الزواج والاستقرار برايك الولاد افضل تربية الن تكون مرتكزة على الاب ولا على الام وانن يطبعو بطبع الام ولا الاب وهالسؤال استوحيتو لانك ام وادرى شي فينا بهالنقطة ثانيا مع الضيفة انــــين 1 - استوقفني عدة نقاط باجوبتك اهمها موضوع المستوى الثقافي بين الزوجين براي الشخصي تغلب مستوى الزوجة الثقافي على مستوى الزوج رح يسبب حتما مشاكل او شعور بالنقص عند الزوج النقطة الي بدي اسئل عنها هل الدخل الجيد للزوج بيغني عن نقطة الثقافة؟؟ 2 - فترة الخطبة وانا بوافقكن تمام انو ماتزيد عن تلت شهور بس ياترى ليش بيلجئ الخطيبين باغلب الاحيان للتصنع وحتى للكذب عبعض والتنين بيعرفو كتير منيح انو كل شي رح ينكشف على حقيقتو بعد الزواج طيب هالشي كمان مابسبب بعد بينن او عدم ثقة.. السؤال هاد الكن مع بعض (سحاب * انيــن) 3 - سؤال متعلق بالي قبلو.. فترة الخطبة تلت شهور طيب بتفضلو يكون في علاقة بين التنين قبل الخطبة؟؟ متل اغلب الشباب والبنات قصة علاقة قبل اي شي رسمي ؟؟ واديش هيك علاقة لازم تستمر ونسب نجاح هيك علاقات وكل الود والاحترام لكم ولحوراكم الراقي |
رد: المواجهة
شكرا الك لورد ولمشاركتك وبالنسبة لسؤالك عن اختلاف البيئة بين شريكي الحياة أنا اعتبر ان اختلاف البيئة بين الطرفين هو سبب لكثير من المشاكل في المستقبل وخاصة اذا كانت المراة معتادة على نمط معين من الحياة المدنية وانتقلت الى حياة الريف وطبعا مع احترامي وتقديري للجميع ولكن هذا الواقع الذي نعيشه واتمنى ان لا يفهم كلامي بطريقة خاطئة العادات والتقاليد ودرجة الانفتاح في المدينة اكثر من الريف وعندما تقرر احدانا ان تختار شريكها من بيئة مختلفة يجب ان تضع برأسها امرا هاما وهو ان تحاول قدر الامكان ان تنسى طريقة حياتها قبلا وتكون متاكدة انها قادرة على التأقلم مع البيئة الجديدة وتفكر مليا ان كانت قادرة بالفعل على هذا لانها ستتعامل مع مجتمع كامل وليس مع شخص واحد وعليها ارضاء الجميع قبل ان تفكر بارضاء نفسها وهنا النقطة الهامة وهي ارضاء الاخرين على حسابها باختصار وكما يقال بالعامية لانهي هذه النقطة عليها ان تلبس ثوب بيت احماها لتستطيع التاقلم والاستمرار اما بالنسبة لسؤالك لورد عن الاولاد وتربيتهم اولا وبالعموم والاصح هوة ان يكون كلا الطرفين مسؤولين عن تربية الاولاد ولكن الاعتماد الاكثر يكون على الام ليست لانها اقل مشاغل من الاب ولكن سبحان الله فكرة خاطئة ان الرجل يتعب خارج البيت ولا يملك الوقت الكافي لمتابعة امور الاولاد مع ان الحقيقة هي العكس تماما وخاصة اذا كانت الام تعمل ايضا وهذا برأي انا اعتبره نوع من الهروب من المسؤلية بطريقة غير مباشرة اما عن تتطبع الاولاد بطبع الام او الاب حتما سيتطبع الاولاد مع الشخص الاكثر تواجدا معهم والمتابع لهم اكثر ولكن نتيجة ملاحظتي الشخصية من تجربتي وتجارب غيري البنت دائما تميل للتتطبع بأطباع الام والولد يميل للتطبع بأطباع الاب حتى لوكان الطفل في الواقع يرفض بعض تصرفات ابيه او لا يحبها ولكن لمجرد مغادرة الاب للمنزل يتقمص شيئا من تصرفات واطباع ابيه وهنا انا اجد ان الام يجب ان تكون بدرجة من الوعي لتعزز الصفات الايجابية في الاب لتجعل انتباه الطفل دائما مشدود لها ويتصرف نظره عن السلبيات ان وجدت وتحاول ان تفسر للطفل بطريقة مبسطة عن هذه السلبيات بطريقة لاتقلل من شان الاب ابدا وهي عن نفسها يجب ان تحاول اظهار الايجابي وايضا تنتقد السلبي في تصرفاتها لان الاطفال اوعى مما نتخيل والطفل ينتبه لابسط الامور اما بالنسبة للسؤال الاخير عن العلاقة قبل الخطبة انا مازلت عند راي ان الحب مختلف عن الزواج نحن ممكن ان نحب شخص ما مع ان هذه العلاقة تحمل الكثير من المتناقضات والاختلافات ولكن لها حلاوتها انا مع ان يكون هناك معرفة مسبقة اما عن طريق العمل او الدراسة او ... ووجود كم معقول من الارتياح والتقارب والتفاهم وبعده تكون فترة الخطبة متممة لهذه المعرفة وياريت ياريت يكونو التنين واعين ويظهرو على حقيقتهم بدون تصنع لتكون بداية جميلة لحياة مشتركة سعيدة طولت عليكم لا تأخذوني ولكن الموضوع كبير ومهم ويحتاج للكثير من النقاش والشكر لكل الاعضاء اللي متابعين الموضوع |
رد: المواجهة
شكرا لك سحاب
وانا مع ماقلتيه ولا خلاف ابدا بوجهات النظر دمتي برقي واسعدني حواركما جدا |
رد: المواجهة
سوري ع التأخير ياجماعة
وان شاءالله بكرة رح جاوب فايتة وانا نعساني*_* |
رد: المواجهة
حوار راائع ومواجهه كتير حلوه كانت :154: يعطيكن العافيه
|
رد: المواجهة
1- انا شفت جواب انين عن سؤالك عالبيئة المختلفة وبالنسبة الي انا بخالفها قليلا الرأي لان البيئة اذا مختلفة رح تسبب معضلات كتير وبالاخص اذا بنت مدينة وانتقلت للريف مثلا بحترم رأيك وبحب وضح شغلة,,انو متل ماحكيت قبل هاي الامور نسبية وقابلة للنجاح والفشل متوقف على مدى استيعاب كل طرف للآخر وتقبلو لخلفية هذا الطرف واستعدادو للانتقال لبيئة اخرى مغايرة لبيئتو والتأقلم معها,,أي بمعنى ازا مانها مستعدة تنتقل لبيئة تانية ليش لحتى توافق من البداية؟؟ ثانيا مع الضيفة انــــين 1 - استوقفني عدة نقاط باجوبتك اهمها موضوع المستوى الثقافي بين الزوجين براي الشخصي تغلب مستوى الزوجة الثقافي على مستوى الزوج رح يسبب حتما مشاكل او شعور بالنقص عند الزوج النقطة الي بدي اسئل عنها هل الدخل الجيد للزوج بيغني عن نقطة الثقافة؟؟ لايغني عن نقطة الثقافة ولكن قد يعوض عن احساسه بالنقص ويجعله يحس بالتفوق من هذه الناحية مقابل التفوق الثقافي للزوجة,,وبالنهاية هذه الامور قابلة للمد والجزر بين الزوجين بحسب شخصية كل طرف وحسن ذكاؤه في التعامل 2 - فترة الخطبة وانا بوافقكن تمام انو ماتزيد عن تلت شهور بس ياترى ليش بيلجئ الخطيبين باغلب الاحيان للتصنع وحتى للكذب عبعض والتنين بيعرفو كتير منيح انو كل شي رح ينكشف على حقيقتو بعد الزواج طيب هالشي كمان مابسبب بعد بينن او عدم ثقة.. بتوقع وللاسف مشان يكسبو محبة الطرف الاخر ورضاه وحتى لايتعرض مشروع ارتباطهم للفشل منذ البداية. هل يسبب بعد او عدم ثقة؟ هون بقلك على حسب الشخصية الحقيقية ومدى سوء الخبايا وامكانية غض النظر عنها وتقبلها او لا,, مع العلم انو كلا الطرفين يعرفان ان الصورة الحقيقية الكاملة سوف تظهر بعد الزواج وبالتالي يكونان امام الامر الواقع ويضطران للتعايش وتقديم بعض التنازلات للوصول بالسفينة الى بر الامان السؤال هاد الكن مع بعض (سحاب * انيــن) 3 - سؤال متعلق بالي قبلو.. فترة الخطبة تلت شهور طيب بتفضلو يكون في علاقة بين التنين قبل الخطبة؟؟ متل اغلب الشباب والبنات قصة علاقة قبل اي شي رسمي ؟؟ بوافق سحوبة بالرأي,, يحبذ ان يكونا زملاء او اصدقاء او معرفة بين العائلتين ثم ينتقلان الى مرحلة الخطوبة بحيث تصبح العلاقة رسمية اكثر ومعلنة وتحت اشراف الاسرتين واديش هيك علاقة لازم تستمر ونسب نجاح هيك علاقات مافي معايير او مقاييس محددة لان البشر يختلفون وماينطبق على شخص قد لاينطبق على شخص آخر. وكل الود والاحترام لكم ولحوراكم الراقي[/quote] وكل الاحترام الك والشكر لمداخلتك الرائعة |
رد: المواجهة
اسمحولي مداخلة صغيرة بالنسبة لاختلاف البيئة انتي قلتي انين ليش لحتى توافق البنت انا بقلك احيانا البنت بتتغاضى عن امر وقت بتشوف امور منيحة ومشجعة بالشب فابتتغاضى عن بعض الامور اللي بتفكر انها صغيرة وما بتأثر على الحياة بالمستقبل وبالنسبة للنقطة التاني انو الدخل الجيد يغني عن الثقافة الرجل هو الرجل ودائما يحب التفوق بكل شئ واما ماتبقى انا بوافقك علي 100% |
رد: المواجهة
انين :: نعم صح الشخصية نفسها وغض النظر عن كتير من الامور لحتى تستمر الحياة
هوة الحل السليم وكلامك تمام بس عم شوف وللاسف اغلب حالات الزواج بعد فترة عم تتعرض لمشاكل حتى لو في حب كبير وهالحكي من الي انا شايفو وانو قليل جدا العلاقات الي بتكون الشخصية فيها حاضرة وبتكون العلاقة جيدة وهي معضلة بمجعتمعنا كبيرة اللي يهدينا ويهدي مجتمعنا ويبعدن عن عادات بالية لاتمد للدين باي صله ومتمسكين فيها وكلامي هاد مابعارض كلام سحاب وبالمجمل لا اختلاف جوهري بالراي جد متمنى يستمر الحوار اكتر بينكن لانو من واقع ايامنا والسؤال كان رائع والاجوبة اروع دمتم رائعين كما انتم |
رد: المواجهة
:duel: المواجهه موضوع حلو وقرات هالصفحه وباين انه اروع بس لازمني اقرا ايش كتبتوا قبل
لذلك لي عوده لاني احوليت وانا اقرا |
رد: المواجهة
لي انخمد هالموضوع كان حلوو كتتير ،،شو رائيكن انرجعوو ونبلشها مع انينوو ولورد ^_^ والموضوع من اختيارون
ولا شو ئلتووو |
رد: المواجهة
ايواااا وانتي طالعتي حالك متل الشعرة من العجين موو :121:
بدك كل شي ع راسي :cry: بعرفك من زمااان هههه المهم مارح خجلك قدامون بس بعدين ...... :115: ونشوف راي الاستاذ لورد |
رد: المواجهة
لازمنا كام شب هون يقدرو يواجهوكن ههههه
اي تكرمي اختي كوايت منواجه ومنتقاتل كمان ولايهمك تفضلي اختي انين اختاري الموضوع لبين ما راجع الموضوع واتذكر باقي القوانين ههه |
رد: المواجهة
شوو الموضوع فيها مقاتلة :a018[1]:
اخي :111: تيب رح فكر بموضوع للنقاش بس بدون قتل ,, شد شعر معلي :155: والي الشرف بمحاورتك اخي |
رد: المواجهة
يلا نااطرينكن بشووق ^_^
|
رد: المواجهة
نحن بالانتظار بس ماتعملو متل قبل ناس تغيب وناس تيجي بالوقت الضايع لان متحمسين كتير ومابدنا نفئد الحماس :frfr: |
رد: المواجهة
طيب طيب عمتو سحاب حاضرين هه
بانتظار المستضيفة انين واختيار موضوع للمحاورة منبلش السبت والاسئلة باللون الاسود والاجوبة باللون الازرق والمداخلات من الاعضاء باللون الاحمر هههه الله عليك يا ايمن على هالقوانين والحركات شكلو متئل شرب بايسون |
| الساعة الآن 04:49 AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
