شو ناطرين الموت قادم ياعرب

النبي منو الامركانـي اقتـرب
والقدس مسجدها بألف خشبة انصلب
ودم الحسين بكربلا بحـر انسكـب
كبيري عليكم توقفوا متـل الخشـب


نحنا العرب إلنا نصـرالله انكتـب
وتاريخنا منحوت بحروف الذهـب
ولاد النبـي واحفـاد عبدالمطلـب
نحنا شعب ابن الاصالـة والنسـب
لا تفرقونا بدون ذنـب ولا سبـب
شدو ايادينـا جمعونـا عالحطـب
حلو القُرب خلو الخلافات على جنب
لا تجعلونـا بينكـم متـل اللعـب
كبيري عليكم توقفوا متل الخشـب
شو ناطرين الموت قادم يا عـرب


مجلس الامن المنُتهك والمغُتَصـب
لعبة صغيري بإيد امريكا انحسـب
الارهاب منهم والجريمة والشغـب
وحرب العصابات المثل فيهم ضرب
الشعب الاميركاني خليط من الجلب
ياما قتل ، ياما نهب ، ياما صلـب
ونحنا اللي كنا نعلـم النـاس الادب
عشقنا الدني وحب المناصب والرتب
كسـرى ذهـب ، قيصـر ذهـب
قالـو شــو فايـدتـو الـذهـب
كبيري عليكم توقفوا متـل الخشـب
شو ناطرين الموت قادم يا عـرب


النخلة اللي طعمت مريم العذرا رطب
وعيسى بفيتها عن الشـر انحجـب
المجرم حرقها وقام يتهم بـو لهـب
ووصّل على غزة وضواحيهـا اللهب
واحد شعّل سيكارتو ، ومنها هـرب
وواحد ادفّا بنيرانها وعنهـا غـرب
وواحد قبض حق الحريقة وانسحـب
وواحد شجب وواحد ندب وواحد كتب
شبعنا قـرارات وهتافـات وخطـب
كبيري عليكم توقفوا متـل الخشـب



الطفل الفلسطيني مسّـح بنـار التعـب
وقـفْ بداره مستـنـي اللـعـب
لاكن قبل ما يطـل عيسـى بالعنـب
وحامل هدايـا العيـد بسلـة قصـب
طـل اليهـودي بالقنابـل والسـرب
بدل العنب جبلـو عناقيـد الغضـب
بحضن الصليب الاحمر تقطـع إرب
قلبو بجَنبْ ، ايدو بجَنبْ ، راسو بجَنبْ
واحد شجب ، واحد ندب ، واحد كتب،
شبعنا قـرارات وهتافـات وخطـب
كبيري عليكم توقفـوا متـل الخشـب
شو ناطرين الموت قـادم يـا عـرب



تبت يد العرب علـى فعلـهم وتـب
وتبت اياديهم حمّـالين الحطـب
خلص العتب ، شو عاد ينفعنا العتـب
فيقو بقـا يـا نايميـن عـلى قصـب
سيرو خلف ابن فلسطين اللي ما انغلب
رمـز العـرب، فـخـر الـعـرب،
كبيري عليكم توقفـوا متـل الخشـب
شو ناطرين المـوت قـادم ياعـرب

يعطيك الف عافية خيوو
وربي يسلم هالايدين الي كتبوا هيك جمل وحروف
وياريت العرب يفيقوا بئى
بكفي نوم
وبكفي الكل عايش اخرس واطرش
وينكم ياعرب
شوفوا اخواتكم كيف عم ينقتلو
شو دم الاسلام كيف انهدر
هدم الكعبة عند الله عز وجل
اهون من سفك دم مسلم
كل يوم عم ينسفك دم العشرات
وين القادة العرب
اغرتهم الاموال والدنيا الفانية
وين النخوة وين امجادكم الئديمة
حسبنا الله ونعم الوكيل

والله شايفلك ياختي
لاحياة لمن تنادي
الله يصحي ضميرهم يارب
مشكورة على مرورك نورتي

كلامك ع الراس بس
مسلسل الحياه حفظناه
صرخه العرب صارت مثل نغمه قبل النوم
صور الموت ما عاد تأثر فيهم لانهم هم بذاتهم قلوب ميته
راح يصحوا بيوم بس حيكون الكثير قد راح
ما قدمتته رائع اخي

مشكورة اختي عبير
بس انا بخالفك الرئي
العرب والحمد لله بلشو يصحو
بلشت بتونس وبعدها مصر وبعدها ليبيا
وئريبا عنا باذن الله
وبس يسقط نظامنا ماضل عنا غير طريق نمشيه هو طريق القدس

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة شموخ عزي والله شايفلك ياختي لاحياة لمن تنادي الله يصحي ضميرهم يارب مشكورة على مرورك نورتي

ممكن اخي
بس هلئ التاريخ عم يعيد نفسو
ارجع لزمن كسرى
ولزمن الاستبداد
ورح تشوف انو الوضع نفسو
بس طالما في تحفيز وفي صرخات عم تنادي بالحرية
وفي ناس عم تتحدى الظلم
وفي ناس عم تالف قصائد واشعار
وتشحن فيها هالقادة والشعوب الاحياء الاموات
بنقول يارب
ومارح نقط خيط الامل الي متعلقين فيه
يارب افتح بصيرة الشعوب العمياء
يارب افتح بصيرة الشعوب العمياء
اللهم امين
بتشكرك مرة تانية رامزز
وتقبل مروري للمرة التانية
احترامي

الله يسمع منك
ونشوف الحرية بعينا مشكورة على مرورك تحياتي الك

بعرف انه في صحوه
وفرحانه كثير لانه العمل بدأ
بس اتمنى انه تتحدد توجهاتها لنصير ايد وحده
وما نتفرق بسبب حكم ظالم
في قاعده اساسيه فوق الي حصل لازم نتبعها
ان الله لا يغير ما بقوم حتى يغيروا ما بانفسهم
وهاد الي لازم نفكر فيه لتتوحد الجهود العربيه
ونوصل للقدس باذن الله

اختي هي الناس الي خرجت مظاهرات
خرجت منشان كرامتها
نسو زعلهم ونسو خلافاتهم وصار ايد وحدة ضد الظلم
ولما بلشو بلشو بكلمة الله اكبر
والله معنا ماعاد نخاف من حدا
وطريقنا وتوجهاتنا مرسومة النصر على ظالمينا
وبعدها القدس باذن الله