هن وحكايا كيدهن هههه

*تعلموا يا بنات*

شوفو يا جماعه الخير

بدي احكيلكم قصتي

هاد انا واعوذ بالله من قوله انا

مره متجوزه من 17 سنه

طبعا جوزي مش نكد ولا بومه ولا كشر

ابدا ابدا ابدا

هو *ابو النكد والكشره* والمستورد الوحيد والمتفرد والمحتكر للمشاكل بالبلد

طبعا هاد كله عادي *لانو كل الرجال هيك*

ما علينا انا الحمدلله متأقلمه مع نكدو ومزاجيتو ما في مشكله

مش لانو عندي ولاد بس

لانو خلص بدي اقعد اطلق وهالهبل *خلص هي نصبي*

السولافه وين انو بال 2014 جاب *سوناتا* موديل سنتها الو طبعا انا معي سياره كمان

فبمزح معو

مزح بحضور نسوان اخوتو

بحكيلو : خلص يا ابو فلان

هاي السياره موديلها ستاتي بدنا نبدل ، انا باخدها وانت خد سيارتي



ويقوملكم زي المجنون وبايدو كاسه مي ويرشقها ع وجهي ويقلي : *فشرتي*

طبعا انا معروف عني بالعيله انو بالي طوييييييييل

قمت اضحكت ومسحت خلقتي بشال سلفتي وحكيتلو *بتمون*

وقلبت القصه تحشيش ومزح

*وبهالوقت كان ابليس بيلعب ببراغي مخي*

اطول سكين واطعنو

ولا احط مخده ع راسو

وانادي جارتي سماهر تقعد عليه تخنقه

*المهم لمعت براسي فكره*

قولو سلكت هالضيوف وضليت اضحك واحكي معو عادي واعطيتو الامان انو الموضوع مشي

طبعا هو مجرد ما روحو شلف ع غرفه النوم وناااام

مشان ما يواجهني

وانا استنيت لصارت الساعه 12 والدنيا شتا والكل مخمود

طلعت ع السطح وحملت هالبلوكه ومن فووووووووق سلخت سيارتو الي صافه

عباب البنايه فيها جبتها ع القزاز الامامي والطنبون الامامي هشمتها تهشيم

ورجعت سلختها ببلوكه تانيه جبتها ع ظهر السياره مع كوع مسوره خزقت السقف

للعلم السياره لسا مش مركبلها جهاز انذار


كانت دوبها طالعه من المنطقة الحره وارد امريكا

خخخخخخخخخخخخ

ونزلت زي الشطوره عن السطح

والحظ لعب معي لقيت كل الجيران نايمين وما حدا صحي ابدا للساعه 6 ونص الصبح

الا جارنا تيمون اه هو نسخه تيمون شااااافها وهو طالع يوصل بنت ع الجامعه

وبلش يرن صحا المغدور وياااااااويلي ع المغدور ياااااااويلي عليه لماااااشاف ال****ه

كيف متهتكه اجاه تبول لا ارادي

قسما بالله ضحكت من كل قلبي وطبعا صورتلو فيديو وضل يبكي ويلطم زي اخواننا الشيعه

طبعا انا ع السريع مسحت عيوني بقطنه فيها شويه سبيرتو صارو زي كاسه الدم

واول ما دخل ع البيت عبطو وحكيتلو مع اني مبارح سامحتك على اللي عملتو وكسرت خاطري

بس الله حب ينقيك من خطيتي ئيهئ ئيهئ ئيهئ

هااااااد انا باعيط هيك وهيك يعني عن كزب

ومن سنتين وهو كل ماينسى برجع بزكرو بالي صار فيه



*والله ان لم تكن ذئبا اكلتك الكلاب*

فاهمه منك الها

قال بدها تطلق لانو بحضر كره والتانيه قال بحكليش بحبك

اندفسي منك الها

وتعلمي تاخدي حئك بئيدك

انطرونا مع حكاية تاني

ول ... ول ... ول عليها

يوبا ايش هاد هادي حرمة ولا جعفر


والله انا هون وخفت منها


وابقى مية سنة مابتعلم ئد ربعها


ياختي حسرة علينا احنا بس منبعبع عالفاضي


سحوبتي موضوع لطيف وبيضحك ناطرينك بحكايا تاني

ههههههههههههه

ضحكتيني بردك شموس يسعد ئلبا اللذيذة


اي اي حاولي تتعلمي شموس طيبة الئلب هبلنة متل ماقالوا


بهالايام صايرة


كل الشكر لحضورك اللطيف والمحبب للئلب

لعمش زعران الحارة مابيعملو هيك

جعفر وابو جعفر وشلة جعافر

الله يجيرنا من كيدهن

خطط مابتخطر عبال ابليس ويقف لها صامتا

بس الي محير مخي انو اكبر عند النسوان

كيدهن ولا قلة عقلهن ؟؟

يبدو انو مابيكمل عقلهن الا عند كيدهن

ههههههههههههه دخيييلهااا هووووف بيريح كيدها ههههه بيستاهل هههه

تعلمواا منهاا صباياا

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة lord لعمش زعران الحارة مابيعملو هيك جعفر وابو جعفر وشلة جعافر الله يجيرنا من كيدهن خطط مابتخطر عبال ابليس ويقف لها صامتا بس الي محير مخي انو اكبر عند النسوان كيدهن ولا قلة عقلهن ؟؟ يبدو انو مابيكمل عقلهن الا عند كيدهن

ههههه ولسى لسى ماشفتو شي

اما بالنسبة لعئل المراة هو هيك ئد ماكبر بلحظة مابتلاقي شي اما

الكيد حاضر دايما

نورت الموضوع لورد

رح احكيلكن حكاية من حكاية كيدهن

قال هي ما هي وهي طلعت هي

المهم وانا طلعت انا وانا ماطلعت هي

ويا ادم دور على حوى الاصلية

وههههههه

توتي توتي خلصت الحتوتة

بس انا انا وهي هي ونحنا واحد

ويا ادم خليك ضايع هههه

ههههه هبولي شمس موهيك
انا طلعت انتي وانتي طلعتي انا
وهي انا وانا هي وانتي يا ادم خليك دايخ هههه

ونحنا عم نتفرج ونتكركر هههه
وبالمختصر انا انا وهي انا وانا هي

وتوتة توتي لسى ماخلصت الحدتوتة

هههههه

ما اهبلنا

ينعن ام الهبلنة

ما ابشعكن

خدى بالك يااختى انتى وهى

ركزوا معي على الفكرة كلها

فوتو بالتفاصيل والحيثيات ولاتقولوا ماحد نبهكن

خلى بالك مافي ولا حبة بندورة تبات فى بيتك


حكاية البندورة حكتها لنا جارة اختي اسمها سعاد

سعاد هذة عمرها تقريبا 35 متزوجة وعندها 4 اطفال الكبيرة منهم بنت

بالثانوي واصغر واحد 5 سنوات

زوجها محمد بيشتغل موظف وراتبة متوسط

ساكنين في بيت ملك بس صغير 3 غرف

هي بتحب زوجها وانسانة مدبرة

تقول سعاد:

انتبهوا ركزوا وفتحوا مخكن منيح


من كثر حبي لزوجي اتعلمت اكون مدبرة وكنت اتمنى لو كملت تعليمي

عشان اتوظف واساعدة بس يادوب خلصت الثانوية واتزوجت وانا 18 سنة

زوجي بيجيب حاجات البيت من خضاروفواكه ومشتريات يعني ما بيسلمني مصروف

للبيت ومع هذا الغلا في المعيشة بدأت اتعلم التوفير عشان ما احمل

زوجي اعباء تاثر علية حتى مصروفي الشخصي دخلت فية جمعية مع جاراتي

عشان نبني بحوش البيت الخارجي غرفتين ونأجرهم ونستفيد


حتى الخضار اوفر فيها مثلا باليوم الواحد ما استهلك الا حبة بندورة

واحدة واحيانا نص حبة

السلطة اعملها نص حبة بس وربع حبة خيار وربع حبة (فلفل اخضر)

وربع جزرة صغيرة


والنص الثاني اعمل به (نوع من انواع المقبلات) وهكذا في كل الشغلات

توفير توفير


وكل يوم زوجي الصباح يسألني اليوم نشتري ايش

اقولة لا الحمدلله لسا باقي كثير من الخضار والفاكهة يعني كيلو البندورة

مثلا كان يجلس معانا نص شهر!!!

وخلاص صار عارف تقريبا متى يخلص الخضار واتعود على هذا النظام

في يوم زوجي محمد مر يزور اخوة الكبير قبل صلاة الجمعة

وفي هذاك اليوم آخر النهارارسلت لي زوجة اخوة رساله تقولي:

ياااااامجنونة حبة بندورة وااااااحدة


استغربت الرسالة وارسلتلها :شو هذا الكلام مافهمت؟

ردت : ماينفع افهمك بالرسايل بعدين لما يهدا الجو باتصلك

طول اليوم وانا منتظرة اتصالها على احر من الجمر وكل شوية ارسلها :فهميني

وهي ترد: لما ينام زوجي بتصلك وافهمك

اجى الليل والساعة 11 نام محمد وانا على احر من الجمر منتظرة زوجة اخوة

تتصل وتفهمني واخذت تليفوني واتسحبت للغرفة الثانية وارسلتلها رسالة

وأخيييييرا اتصلت

وفهمتني الموضوع

قالتلي انة لما كان محمد زوجي عندهم اخوة فاتحة انه الجمعة الجاية في ناس

حيجو يخطبو بنتة ومحمد زوجي قالة :واناكمان اشتهي اخطب .

وان زوجها استغرب وقاله : الزواج ومصاريفة مش سهلة

مهر وايجار بيت ومصاريف

ركزولي على رد سبع البرومبا محمد


رد علية محمد: المهر الحمدلله موجود قدرت اوفر من الراتب والسكن ما حأحتاج

ايجار حأبني بالحوش الخارجي من الجمعية!!!!

والمصاريف عادي ال****ة حتاكل من الاكل الي ناكل من

وبعدين مافي مصاريف كثير

سعاد بتعمل باليوم حبة بندورة وحدة والكيلو بيكفينا نص شهر !!!!

رد اخوة : مادام وانت ادرى بنفسك فعلى بركة الله شوفوا هالنتن التاني

كل هذا وزوجة اخوة تسمع...

ولما قامو عشان يخرجو للصلاة سألها زوجها اذا كانت محتاجة شي يجيبه

وهو راجع من الصلاة

طلبتة شغلات كتير للبيت فقال لها اقتصدي اقتصدي النسوان بيعملو حبة بندورة

باليوم وانتي مبذرة!!!


يعني اخرة توفيري انة حيتزوج عليا وكلة من توفيري؟!!!!

تقول سعاد : اليوم الثاني لما جا محمد يروح دوامة طبعا كالعادة

ماسألني هل يجيب الحاجيات للبيت( لأن موعد انتهاء كيلو البندورة)

لسا ما خلص بحسبتة

فاجاتة وانا اقولة :جيبلنا معاك كيلو بندورة


ساعتها استغرب وهو يقول: ليش والكيلو اللي جبتة من 5 ايام وين راح؟

قلتلة راح يقضي شهر العسل...

تقول سعاد ومن يومها ماعاد وفرت ابدا ولا باي شئ

وكيلو البندورة بالذاااات صارت بينها وبينة معركة تحسم لصالحها لأنها تخلصة بيوم

وكانها حلفت ماتبات بندورة واحدة في بيتها


وفلوس الجمعية اللي من مصروفها الشخصي استلمتها واشترت بها ذهب

ولما سالها زوجها عنها قالت لة سددت بها ديوني كنت ادين عشان اساعدك بمصاريف البيت

والا انت فاكر ان كيلو البندورة كان من صدقك يقضينا اسبوعين!!!

الكلام هذا قبل 3 سنوات ومن يومها محمد صار يمسك الورقة والقلم يحسب كيف

راتبة حيقضية وخرج الفلوس اللي كان مخبيها لمهر ال****ة وصار يتدين

من صاحب الخضار ويتحسر على ايام حبة البندورة الوحدة

والكيلو ابو اسبوعين هههههههههههه

ما يستفاد من القصه. اوعي واحده فيكم تعمل مدبره وتوفر وتقتصد في مصاريف البيت

عازمتكم على بندورة تعالوا .

هههه
عن نفسي مبعرف شو الكيد الي راح يطلع وقتا ههه