#1
|
|||||||||||||||||||
|
|||||||||||||||||||
✔✔انا مهما ♡كبرت♡ صغير✔✔
السلام عليكم ورحمة الله وبركاته
كيفكن اخوتي واخواتي اليوم وانا عم اتفتل بالمنتدى وبايدي كاسة شاي مابعرف ليش صرت اتذكر طفولتي البريئة المليئة بالعفوية واللطافة والطرافة المهم بلا طول سيرة يااخوة ياكرام لمعت ببالي فكرة وحبيت شارككن فيها انو كبرنا مو معناها انو ننسى طفولتنا انا بالنسبة الي مابعتبر حالي كنت شقية كتير بطفولتي لما بقارن طفولتي مع طفولة اطفال اليوم هون بدي نحكي لبعض ونستمتع بطفولتنا البريئة طبعا فينا نحكي قصة ورا قصة يعني مانفضح حالنا عالاخر من اول مرة يلا يااعضاء ياأبرياء خلونا نحكي ونندردش شوا ونشوف طفولات بعض . . . انطلقوا.....
🌷🌷🌷🌷
|
11-11-2016, 11:28 PM | #2 |
|
رد: ✔✔انا مهما ♡كبرت♡ صغير✔✔
رح بلش انا معكن
مرة من المرات فتت عالصالون ولا لقيت اخي نايم وباين عليه مستمتع كتير بالنومة لدرجة انو فاتح تمو وهو نايم فلمعت الفكرة براسي ورحت عالبراد جبت فليفلة حدة وسكين وبعد ماقصيت الفلفة بالسكين وتاكدت انها حدة نار رحت وحطيتها بتم اخوي ودهنت لسانو فيها وهربت ياحرام مابتتخيلوا منظرو ساعتها وانا قعدت حبابة ومالي علاقة وصرت اسالن شو صاير شوفي ههههههههه |
|
11-12-2016, 03:10 AM | #3 |
|
رد: ✔✔انا مهما ♡كبرت♡ صغير✔✔
أنا مهما كبرت صغير....
أنا مهما عليت مش فوق ..... مش ممكن يوم نتغير ...... ده الدنيا غروب وشروق..... اليوم و الأمس وبكرة ...... فعيونكم كانت فكرة ..... تإثرت بالعنوان هههههه ندخل بالمفيد هههههه كنت عائل بزمناتي هههههه هههههه في شغله كنت اعملها لهلئ بفكر كيف انا كاين افكر وانا صغير هههههه شرير هاد كان ازا بكون مدايئ من حدا من اخوتي وهيك وانا كنت بزمناتي اخر العنقود ( هلئ لا للإسف راح الدلال) المهم .... هاد يا سيدي كنت شو اعمل كنت امشي من جنب اخوتي وبدون ما حدا يشوفني بضرب حالي وببكي وبنادي وبصيح فلان ضربي عشان بابا يبهدلو ههههههه هتلر كنت وانا صغير بس والله كنت عائل هههههههههه |
|
11-12-2016, 03:31 AM | #4 | |||||||||||||||||||||||
|
رد: ✔✔انا مهما ♡كبرت♡ صغير✔✔
شـكــ وبارك الله فيك ـــرا لك ... لك مني أجمل تحية .
ههههههه ال عائل ال قول هولاكو الله يعين اخواتك عليك لكن ع فكرة اصغر واحد بالعيلة كمان بكون جاسوس وفساد |
|||||||||||||||||||||||
|
11-12-2016, 01:36 PM | #5 |
|
رد: ✔✔انا مهما ♡كبرت♡ صغير✔✔
شئد لذيذ هالموضوع
فكرة كتير حلوة ابتسامة امل ومساحة رائعة وهبتيها لنا لنستذكر بعضا من شقاوة وحلاوة ايام الطفولة موضوع جميل واستمراري وهنا تكمن حلاوته دمتي مميزة كما عهدناك لا حرمنا من جمال ورقي حضورك وروعة افكارك |
|
11-13-2016, 08:04 AM | #6 | |||||||||||||
عدد الترشيحات : 3
عدد المواضيع المرشحة : 2 عدد مرات الفوز : 1
شكراً: 3,625
تم شكره 3,135 مرة في 1,857 مشاركة
|
رد: ✔✔انا مهما ♡كبرت♡ صغير✔✔
اول مايصيب اي شخص يدخل هذا الموضوع الحالة التالية
اي نعم كل شخص رح يقرأ هالموضوع الرائع ويتذكر الفصول النائصة بطفولتو رح تصيبو حالة هالضحك اجمل ايام الطفولة وبرائة الطفولة هلاء هوة صحيح ماكنا بريئين كتير بس مافينا نكشف كل فضايحنا هههه شكراااا عالموضوع ابتسامة امل فيو كتير شي حلو من داخلنا يلا تفضلو جميعا ورجونا فضايحكن قصدي برائتكن |
|||||||||||||
|
11-13-2016, 08:21 AM | #7 | |||||||||||||||||||||||||||||||||||||||||||||||||||||||||||
عدد الترشيحات : 3
عدد المواضيع المرشحة : 2 عدد مرات الفوز : 1
شكراً: 3,625
تم شكره 3,135 مرة في 1,857 مشاركة
|
رد: ✔✔انا مهما ♡كبرت♡ صغير✔✔
هههههه بالله عليكي من كل عئلك عملتي هيك بالمسكين واحلى شي انك تسألي شو صاير شوفي هون القصة اقوى من اللي عملتي ههههه
ههههههه هتلر النرويجي يحرء اخت المسكنة اخي الاصغر مني عمل معي كام حركة متلن هدول واكلتلك اتلة من امي يا معلم بالشحاطة لحتى علمت على جنابي بس بعدا خبطتو اتلة لحتى بطل يعمل هيك ..... وياسيدي عسيرة الست الوالدة الله يحفظلكن امهاتكم ويرحمهم احياء واموات مرة حبيت امزح معها ال فكانت حاملة طناجر وراجعة من بيت جدي والمسكينة كتر مو تعبانة من الشيل بس بدا توصل عالمطبخ وكل تفكيرها شلون تخلص المسافة وخليتا لوصلت وكنت متخبي وطلعت بوجها لابس بطانية وعم نط متل القرد وهي شافت هالمدري شو هاد وبعئت وشلفت الطناجر ورجعت طايرة عبيت جدي مالكن يمين عليي ضليت اكل اتل شهر عن كل ولاد الحارة |
|||||||||||||||||||||||||||||||||||||||||||||||||||||||||||
|
11-13-2016, 03:10 PM | #8 | |||||||||||||
عدد الترشيحات : 12
عدد المواضيع المرشحة : 8 عدد مرات الفوز : 4
شكراً: 4,135
تم شكره 3,038 مرة في 1,949 مشاركة
|
رد: ✔✔انا مهما ♡كبرت♡ صغير✔✔
فعلا اول ماحدا بيفوت ع الصفحة بصير يضحك لاشعوريا هههه
شو هالبراءة يلي كانت فيكن هههه لارجعلكن ببراءة من براءاتي ابتسامة امل عن جد فرحتي قلوبنا بهيك موضوع بجنننن سلمتي لرووعة افكارك عزيزتي لروحك الشهد ..~ |
|||||||||||||
يسلمو الايادي عنوني نور الروح هبوشتي |
11-13-2016, 04:24 PM | #9 | |||||||||||||||||||||||
|
رد: ✔✔انا مهما ♡كبرت♡ صغير✔✔
هههههههه الله يساعد امهاتنا علينا قلب الام مافي متلو ولا كيف بتتحمل شيطنتنا بس الله لو انا شايفة هالمنظر كنت رحت فيها |
|||||||||||||||||||||||
|
11-13-2016, 04:26 PM | #10 | |||||||||||||||||||||||
|
رد: ✔✔انا مهما ♡كبرت♡ صغير✔✔
نورتي انينو ويسعدني تواجدك وبانتظار براءة طفولتك ههههه تسلميلي يائمر الروعة تواجدك ومشاركتك |
|||||||||||||||||||||||
|
11-13-2016, 04:43 PM | #11 |
|
رد: ✔✔انا مهما ♡كبرت♡ صغير✔✔
بنرجع لطفولتي
كنت مابحب الحشرية ولا بديئ خلق امي ولا بتقل دم عليها ويوم من الايام جارتنا ام حسن عند امي وعم يتسايرو فتت عالمطبخ ولا طنجرة هالضغط عالغاز وعم تصفر شو تصفير طلعت رجعت فتت بعدين ماعدت اتحمل رحت لعند امي وهيه حابكة بالسير مع الجارة امي شو في بطنجرة الضغط امي مابترد علي امي شو في بطنجرة الضغط مابترد شي خمس مرات اخر شي قالت مادخلك روحي من هون ال روحي من هون ال شفت انها ماجاوبتني قلت خليني اكتشف لحالي ورحت عالمطبخ وفتحت الطنجرة وماسمعوا الا هالبعئة يا اميييييييييي ربكن حميد ماني واصلة يادوب لايد الطنجرة ولا كنت حترقت كلي وياريت ع شي محرز طلع فول يابس فيها لجارتنا ام حسن ههههههه |
|
11-16-2016, 01:57 PM | #12 |
|
رد: ✔✔انا مهما ♡كبرت♡ صغير✔✔
واللله انا لسى ماكبرت
بس عندي قصة حلوة المسا رح احكيلكن اياها استنوني هااااا موضوع حلو وبيجننن وانتو يا ابرياء تيرا بتجننو اكتر استنوني لا تروحو |
قيصر الاحساس
|
مواقع النشر (المفضلة) |
|
|