كل الصراحه مع ليش لاء ..

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة lord تقبل الله طاعاتكم في الشهر الفضيل تعودنا بدل ان يتحول رمضان لشهر عبادة تحول لشهر مسلسلات ومن بين هذه المسلسلات هذا العام برز مسلسل اثار جدلا كبيرا اسمه (غرابيب سود) يتحدث عن داعش (الدولة الاسلامية في العراق والشام) بطريقة نقد من وجهة نظر غير محايدة وكتب في بدايته (مقتبس من احداث واقعية) وهذه الجملة تحتم المصداقية والدليل واثباته من تابع منكم المسلسل او اجزاء منه؟ هل هي احداث واقعية وذات مصداقية؟ هل انصف المسلسل احد الاطراف (داعش او ضحايا داعش) هل اوضح المسلسل حقيقة داعش فعلا كما هي؟ مارايكم بالمسلسل بشكل عام ؟؟

انا شفت مقتطفات منو
بصراحة انا من البداية عنوانه مااعجبني
وقصتو مو من الواقع من خلال فترة زياراتي لاهلي
بمناطق داعش
طبعا داعش عندن اخطاء ومفاهيم خاطئة
بس مو متل الي قدمها المسلسل
من وجهة نظري ماحدا بهمو الحقيقة
كل الي بهمن لفت الانتباه والتلاعب بالعقول لكسب عدد اكبر من المتابعة وجمع ارباح
اما الحقيقة والمصداقية غايبة تماما
والشي الي قدمو المسلسل تحقير وتشويه لجميع الاطراف
بقصد داعش والناس العامة الي ع اساس انتسبوا لداعش
بداعي الجهاد الي اصلا عيب عليهن يذكروه

عن نفسي ماتابعتو للمسلسل ولا تابعت اي شي
بس رح حاول اعرف عنو ان شاءالله واعود ..~

انا تابعت المسلسل ومن الحلقة الاولى كنا على خلاف لورد انو مسلسل لا يستحق المتابعة

هذه اول نقطة

تاني نقطة ليس المهم من داعش ولكن الاهم هو كيف تم غسل عقول الكثير من

الشباب بوقت زمني قصير وجعلهم ينبذون كل المبادئ الدينية والثقافية وووو بوقت قصير

وجعل ( القتل والارهاب ) اول واقوى اهدافهم بحجة رفع راية الاسلام ....


المسلسل لم يكن هدفه ان ينصف احد

وهدفه الاساسي ومن وجهة نظر القائمين عليه ( محايدة )

هو تشويه الدين الاسلامي


سأعود ان شاء الله واتابع الاجابة عن الاسئلة التي طرحتها لورد وبتوسع ولعله يكون باب جديد

يفتح للنقاش لربما اراءنا لاتغير شئ ولكن هي مفتاح لوصول قريب للحقيقة

لان حقيقة مايجري وان لم تخفى على احد لكن في طياتها الكثير من الخبايا

كل الشكر الك لورد ورح تابع باذن الله

مابعرفو للمسلسل لقول رائي

يعطيكن العافيه

انا شفت كام حلقة من المسلسل حسيتو بيخوف كله قتل

وشغلات مانا متعودين عليا قلت يامراة باب الحارة احلالي

لورد .... هاتلنا ليش لا .... ليطرحلنا شي نقاش

منرجع لغرابيب سود واسفين عالتأخير


المسلسل لاحظنا اسمه مستمد من آية قرآنية

بيحكي حكاية مجموعة من النساء و الشباب انضموا إلى تنظيم داعش لأسباب مختلفة

و يحكي الواقع (الأليم )الي فرضه عناصر هذا التنظيم على الواقع العربي ككل ....

من بداية العرض للمسلسل والجدل والنقاش كان حول عمق هي الشخصيات

و طبيعة دوافعها لحتى انضمت للتنظيم



اممم اكيد انا ماني محلله ومعلوماتي على ئدا بس الي شفته والي

استفزني بعض النقاط

اول نقطة تركيزه على اهل السنة ووصفهم بالارهاب هلاء بغض النظر عن التنظيم ودوافعه

ومين وراه ومين دعمه لكن النقطة الاهم كانت انو جميع المنضمين من اهل السنة

وبهيك حصر( الارهاب بهي الفئة ) بالمقابل في تنظيمات إرهابيةاكتر بكتير

في المنطقة واعمالها اشد وحشية فبراي انه هالمسلسل كان مجرد تغطية لالها

وتركيز الضوء على داعش وكأنو هو الوحش الوحيد

تاني شي روج المسلسل وبشكل قوي كتير لقصة جهاد النكاح واوهم الكثيرين انه

علماء مسلمين افتوا بهذه الفتوة

تالت شي ركز على قصة تجنيد النساء والاطفال

وصور النساء بشكل مستفز وكأنن لاهثات وراء الزواج وو.. شفنا هيك نماذج بالمسلسل

وهون منسأل ياترى هل نساء غرابيب سود هما نساءنا ؟؟؟


وبالاخير المسلسل ماحل شي ولا اعطى حلول لاي شئ

ومن وجهة نظري كان غير محايد ابد والهدف واضح

وهو تشويه صورة الدين الاسلامي المرتبط بجماعة السنة فقط


لربما الاحداث فيها شئ من الواقع ولكن اجزم انها تشوهت بقدرت كبير جدا

وبالاخير يضرب المخرج والمؤلف والممثلين والمنتجين

لاننن كلن جزء من المؤامراة

شكرا لكل من شارك وتابع

احسنتي سحابة صيف حكيتي النقاط الاساسية بالمسلسل الي هدفو تشويه الدين الاسلامي (السني)

لذلك رح احكي عن جانب تاني من هالمسلسل المنحط

دائما منعرف انو الانتاج (الفلوس) كل ماكان ضخم كان الاخراج بيعمل النص على اعلى مستوى

هالمسلسل هاد ضرب أي قاعدة واي شي اخلاقي وكان انتاجو ضخم جدا جدا (10 ملايين دولار امريكي )


هالمسلس (المحارب للاسلام) اشترك فيه ثمان دول عربية

(سوريا، ولبنان و مصر و السعودية و الكويت و العراق وتونس و المغرب)

وله مؤلفين وثلاث مخرجين واضخم شركة انتاج اماراتية (O3 Productions)

وبالنهاية نص مهترء واخراج كيدي ترقيعي واداء تمثيلي ركيك

حاول كل هؤلاء الحمقى تقليب الراي العام بطريقة خبيثة على الاسلام بحجة داعش

لكنها عادت عليهم بشكل سلبي ونسبة رفض هكذا (استحمار للناس) كبيرة

فعلا انه استحمار للمتابعين ومن تابعهم واقتنع فهو فعلا كما ارادو استحمروه

ومشان ماحدى يفكر دفاع عن داعش فلا يا سيدي ابوكن لابو داعش لابو هيك مسلسل

الرد على هيك مسلسل لازم يكون شوارعي لانن ما بيفهمو الا بهي الطريقة المنحطة متل اشكالن

واخيرا

انتهينا من هالسؤال

وبانتظار سؤال اخر

ومن هلاء رح يصير في ترشيح لشخص يحط السؤال من قبل اخر محاور

وانا برشح المحاور القادم الي يحط السؤال (قيصر الاحساس)

تفضل حمودة افندي طج شي سؤال مدوزن

سؤآلي هو ....

ليش صرنا بزمن الدين الاسلامي والاخلاق اخر اهتمامات البشر ؟

ليش لما بدنا نروح نطلب ايد بنت بسئلو ع الشهاده والمصاري قبل الدين والاخلاق .... انا مع انو لازم تكون انت عارف تعيش حالك وتعيش البنت معك بس ليش لو معو مصاري واخلاقو بالمرا عادي عند الاغلبيه وليس الجميع اكيد ..... ؟


ليش صار الدين الاسلامي ارهاب ؟


ليش الاعلام العربي ما بوقف ضد هي الحمله وواقف معها ؟

ليش العرب بس بطلعو برا بلادهم وبروحو لاوربا بالتحديد بصيرو يشوفو الاسلام ارهاب او بصيرو ع قولتهم ينفتحو اكتر ؟

ليش وليش وليش وليش ؟

مثلاً الاعلام العربي بالوقت الحالي صار يفرجينا انو الدين الاسلامي بحكي فلسطين لليهود او التاريخ بحكي هالحكي ....

ليش بهالوقت ؟

ليش صار العرب نفسهم او المسلمين نفسهم هم نفسهم الي ضد الاسلام ؟


في اسئله كتيره بهالخصوص وانتو اكيد عندكم اسئله كتير ويمكن عندكم اجوبه ويمكن عندكم اجوبه لغير اسئله ...

بس كلشي بخصوص هالماده احكولياها الله يرضى عليكم ...

اسئله يمكن بنظركم متعدده بمواضيع متعدده بس الماده وحده....

الاسلام !

انا بشوفها مرتبطه جداً .... زي هرم وفي من اشي صغير للكبير حتى نوصل لقمه الهرم

لامست وجع الامة العربية باسئلك حمودة


اسئلتك بدها بكرج قهوة مو فنجان لصحصح وراجعتلك لجاوبك

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة سحابة صيف لامست وجع الامة العربية باسئلك حمودة اسئلتك بدها بكرج قهوة مو فنجان لصحصح وراجعتلك لجاوبك

هإ انا انتظر اجابتك واجابت باقي الاعضاء ...


وازا في اسئله بخصوص نفس الموضوع حابين تطرحوها اطرحوها

المنتدى مخرفن عند الصبح

كتبت مشاركة بتطلع جريدة وكل ما اخلص يئلي مشاركتك قصيرة

برجع بس ليصحصح المنتدى