زهيريااااات شكد حلوة...))

دكتور شوف العلل وبيدك بعد داوي


هذا الكلب محترك ومن الهجر داوي


ماتدري ابصاحبه كلش تره داوي


دكتور هذا المرض ارجوك بس عالجه


ينزف تراهو نزف علي مشا وعالجه


مثل الذبيحه الكلب حبك غصب عالجه


ضل حبه مثل الوهج ماينطفي داوي
.................................................. ............
ما كسرنالك امر لبينه كـــل ما تمــــر
صرنا لمرارك عسل وانت لعسلنا تمر
شيصير لو تعتني واعله اليودك تمــر
واتنطرينه ومضن من الامـــــــــل نخلـــــــــه
شيجني اللي ينخل هوه لو فرغ من نخلـــــه
احنا الزرعنا النوه صار وحمـــــــــل نخلـــــــه
تاليها النا النوه والغير ياكل تمـــــــــر
.................................................. ......

ناذر نذر من ترد شعبان اصومه وصفر*
وجفوفي من فركتك صدكني صارن صفر*
كلي شيطلع رقم حاول ودكه صفر*
خلصت بمحبتك عمري وشباب ذهب*
لاتضن كلمن طلع ياصاح يلع ذهب *
مقشوش كل الذهب حكه وتعرفه ذهب*
حكيته مطلي بذهب والباقي كله ذهب*
..............................

يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة

++++

تتبطر انت وعلــــي ماشفت منك ورد
جنت ارسل وما ترد اسكت واجامل ورد
واردك فارغ علي ماشفت منك ورد
ترسل عليه بـده وارسل عليك بجمع
ما تلتكي ومن تجي حاضرك دوم بجمع
طاحت عليك النظر وانتى التجازي بجمع
لطلع انبش بهلك العــن واسب او ارد


++++


من يوم عني رحت بكلبي انصبت فاتحة
وقفلت كلبي انا لغيرك فلا فاتحة
هذا الكلب جلورد وحبك اهو فاتحة
حبك نداوة عسل والورد اخذ منك
بس كول ياهاجري اتمنا انا امنك
لاتمن علي شوفتك ما احب انا منك
الي علية يمن بحبي ولا افاتحة

++++


مابان مني ذنب يا صاحبي كـلي شجرى
تنور صار القلب بيده الحبيـب سجرى
وبالقلب نبت عــود الحـــريق شجره
وخيم علي الحــــزن لافراحـــي هدم
وانت الوريد اللي يضخ للقلب هالدم
ما انساك لا وحــك اللي خلـــق ادم
لان احس انـت الغصن وانــــي شجـره


++++


يامن غرامك سرى بمفاصلي وحشاي
واصبحت بهواك هايم بالفلا واحشاي
وان غبت عن ناظري ساعة الك وحشاي
گلي الصبر چيف عن فرگاك كلو الوجن
ارحم لصبي شرد بهواك عگله وجن
او آه صح لي ساعة من وصالك وجن
من ورد خدك دوى لمفاصلي وحشاي


++++

راح وكســر خاطري ولملم طيوفه وشال
ونهــر المحبـه نشف ظلت جروفه وشال
الزمــن ماعافنـي رد عالـكفوف وشـل
ماعفت حبــك انا كلبـي على حبـك ظل
عالهجر شو تعتنـي عالوصــل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال


++++



شباج حسن البشر تاج وتراجي وحله
وانت احلى كل البشر بشفاك زايد حله
ماشايف اني ابشرلو شاب شب وحله
حلو احلى من الكمر غار الكمر لو هل
ماشايف بحسنه ابدغلطان هل؟لوهل؟
تدرون بهلالنا قاسم قسم لو هل
ليرجعه بدر وكمر بيدينه لو لاحله
.........
شموس