مع او ضد ..

السلام عليكم ورحمة الله وبركاتة
حابه نزل بهالقسم موضوع يكون مهم وحلو وخفيف
فكرت نزل هالفكرة
انو نطرح سؤال و العضو اللي بعدوبيجاوب عليه ويحكي لماذا !!
بس السؤال بــ (مع أو ضد ) طبعا مع ذكر السبب

يعني هيك بنفهم مبادئنا وارائنا بشكل عام
أنـا رح ابدأ بالسؤال الأول
واللي بعدي رح يجاوب ويسأل سؤال للي بعدو اوك التفاعل مهم !!
مع او ضد لمقولة لفرنسية :
لايوجد صديق دائم ولا يوجد عدو دائم يوجد مصلحة دائمة.

موضوع حلو يروشه وانا ضد هالمقوله لانو في اصدقاء دائمين يعني مو الاغلبيه

هلا ملووكتي نووورتي الموضوووع
مروورك الاحلي حبيتي
بس وين سؤالك ههههههههههه
ما عليناااا انا بيسئل وياريت يلي بعدي ما ينسي السؤال بعد ما يجااوب

هل انت مع او ضد مقوووله الغ ـااايه تبرر الوسيلة ؟؟؟؟

موضووع رائع جدا الف شكر ع لموضوع

مع

مع او ضد الحب عن طريق النت ؟؟؟؟؟؟؟؟

يسلموووووووووووو يروشع الموضوع الرائع
انا مع حب النت لاني سمعت عن قصص الحب عن النت(( بس مو كل القصص ناجحة ))
هلـــــــــــ انت مع اوضد مقولةالحـــــــــب اعمى

مـــــــع ههههههههههه
لانو موانت الي بتختار الشخص الئلب الي بيختارو

هل انت مع او ضد الحب قبل الزواج ؟؟!

كنت مع وصرت ضد


سؤالي موجه للبنات اانتي ضد او مع تكوني الزوجة الثانية

وللشباب انت ضد او مع الزواج على الزوجة الاولى من اخرى وبطريقة سرية وهاد كتير منتشر بهي الايام

انا مع بس بشروط الاسلآم ...

اولاُ الزوجه لآزم تكون موافقه و ازا ناوي اتزوج الثانيه لآزم اولاً بكون ئآدر ما اعمل تفرقه بينهم ...

واكون ئادر اوزن الميزان بين التنين وهاد الاشي كتير صعب ...

اكيد فهمتي قصدي ...

ما رح اسئل سؤآل رح اتركو نفسو للبنت او شب الي بعدي ...

يسلمو على جوابك اخي حمودة

لكن انتي ئلت تكون الزوجة موافقة ما انا ئلت زواج سري يعني زوجة تاني بالسر

والاولى ولا علم ولا خبر

وفيني اسالك سؤال تاني هلا اذا وهيك صار هل بيكون بهي الحالة خيانة للزوجة الاولى

او ممكن نجمل القصة ونحليا بمسمى تاني

ناطرة جوابك .....

ازا بكون بدون علمهآ ؟؟.....

آظن هالموضوع انو في اكثر من جوآب ...
اول شي بدنآ نسئل الشخص نفسو ..
الزوجه الآولى بشو مقصره معك ؟
حتى تروح تزوج وحده وبسر ... او انو بدون ما تحكيلها ؟؟ ...
~.~.~.~.~.
اكيد رح يطلع كم عذر ورح يطلعلها عيوب من تحت الارض وهو مش منتبه انو هو كمان مقصر بكتير شغلآت ... { يعني لو فكر كل شخص يروح يتزوج وحده بالسر لآنو كم تقصير كان كمان النسوآن حقلهم يتزوجو بالسر } ...


بين قوسين ع كل هالكلآم بعتبرو خيآنه ....

انا بعتبر في شروط للزواج من الزوجه الثآنيه وشروط يمكن غير الي حطهآ الاسلآم ...

بالنسبه لشخصي انا ..

بعتبر انو الشخص ازا بدو يتزوج زوجه ثآنيه لآزم يكون في سبب مقنع وشرط اسآسي الزوجه الاولى تكون موافقه مثلاُ الزوجه الاولى ربنآ ما برزقهآ ولآد وعندهآ مرض من هالنآحيه ... ومش دغري ازا فيهآ مرض دغري بروح بتزوج وانو انا بدي ولاد وبعرفش ايش .... صح البنين زينآه الحيآه الدنيآ ... بس اعقلو وتوكلو ...

يعني اول شي شوف ازا في حل لمرضهآ او لآ ازا اشي ميئوس منو اكيد هي لحالها رح تحكيلك تزوج لآنو الزوجه يمكن اكتر شخص بحمل ع حالو كرمال رآحه الزوج ....



كتبت جريده وانا مش حآس ع حآلي ....

اتمنى انو تم فهم قصدي


وكمآن بترك السؤآل نفسو ......

بصرآحه حآب بنت تجاوب عالسؤآل ... وازا ما حدا اجا جاوب الجواب موجه الك سحآبة خريف

يسلمو اخي حمودة على اجابتك

لكن جد كل مرة عم تحفز براسي اسئلة تاني وبحب اسمع الاجابة منكم انتو الشباب

وطبعا بحب يكون الجواب من الواقع مش اي كلام لتبقى الصورة حلوة او ينقال متفهمين

للمرأة وحقوق المرأة وهي القصص

عندك استعداد تكمل معي

وانا اكيد رح جاوب لكن مو قبل ما اسمع راي البقية اذا حبو يشاركو بالنقاش

آلي رآي ....


عشآن ما نخرب الموضوع ونتركو زي ما هو ....

بكل مكان في موضوع كرسي الاعترآف او هيك اشي ...
وكان عنآ زمان شو رآيك نرجعو ونكمل هنآك ؟
لآنو عندي استعداد وحاب كمل معك ...