أسير و الي بيجرؤ يجاوب على موضوعي

اول شي يسلملي كلشي رح يمر لموضوعي تاني شي شو رايكم نسال نفسنا سؤال نحنا منحب؟ عن جد لشوف كيف رح يكون رد الاغلب انو مو متاكد ؟ لانو الي بحب مستعد يضحي بروحو يا ترا مين فيكن مستعد يا خدو عين من عيوني لشخص بدعي محبتو تعالو نسال نفسنا بداخلنا ممكن اعطي روحي لشخص الي هوه ببالي بمسما الحب؟ متاكد كتير منكم رح يجامل ويقول لا انا مستعد اعطي روحي بس بداخلو غير هيك وانا بتحدي معكن اذا واحد بيقتنع يعطي كلشي للشخص الي بيقول بحبو جربو وسالو نفسكن وشكرا كتير للي رح يمر وطبعا بيبقى هاد راي خاص تقبلو احترامي

عزيزي اسير اولأ اتشكرك علي موضوعك الرائع

تانياا :: في بعض الناس يعتقدون الحب كآلشهوه والاغلب الذين يحب هكذا تفكيره

نادرا جدا تلاقي حبآ مخلصآ وافى مستعد ان يقدم حيآته من آجل من يحب

آعتقد هنـآك نـآس يقدموٍوٍن لمٍن يحب كلشَي

ثآلثآ :: عن نفسي إن كنت آحب شخصآ مـآ ورٍآيت تقدملىآ حبـآ مخلصآ آفديهـآ برٍوٍحى

يعطيك العافية عالموضوع

ينقل للقسم المناسب ..

خط النقاش والحوآرٍ ..

إحترآمي

عزيزي اسير اولا شكرا ثانيا لا تستطيع ان تحكم على الكل الحب موجود الوله موجود العذرية في الحب موجودة دع الخلق للخالق

اهنيك على هذا الموضوع الراقي الرائع

وانا برايي في كتير بقدمو ارواحهم للي بحبو
ازا كان هاد الحب حقيقي

وانا من الناس ازا بحب انسان بقدملة روحي بس ازا كان بستاهل اكيد


بس مو كل الناس بتقدر الحب والتضحية وبزمن هاد ما بظن في متل هاد الشي




اكرر لك شكر وتقديري على تميز هذا الموضوع

تقبلى تحياتي وتقديري

اول شي يعطيك العافية اخي اسير
تاني شي
انا لما بحكي بحكي عن نفسي وبس
مافيني احكم ع اي حدا تاني
انا بعتبر الحب تضحية
والي بحب لازم يكون مستعد لتحمل
المصاعب والعقبات الي رح تواجه حبو
من كل النواحي ومن كل الاطراف
وما لازم يتعب او يياس
لانو لو ياس فهاد الشي بيعني انو رح ينجر للانهزام
والاستسلام وبهيك بكون تخلى عن حبو وهاد الحب برايي
ما حئيئي ولا صادق
فيني ئلك انو انا تحملت كتير وبعتبر انو كل الي تحملتو وكل المتاعب الي مريت فيها
ما اثرت فيني ولا ئللت نسبة حبي بالعكس خلتني اتعلئ اكتر بالشخص الي بحبو
وبشوفو اغلى من كنوز العالم لما حدن من اهلي بيحاربني كرمالو ويعملي مشكلة لاتركو
او يستعمل معي اي اسلوب ليبعدني عنو
انا اتعلمت اتمسك بحبي اكتر
وصار عندي استعداد للتضحية ئد مافيني لخلي حبي عايش ولاوصل للنهاية الي انا بدي ياها
طبعا باذن ربنا اكيد
وبالنسبة لانو ممكن اعطيه عين من عيوني
انا بئلك بعطيه عيوني التنين
لاني شفتو وبعتبر هالشي بكفيني ولا عاد بهمني شي تاني بشوفو بعدو
وما بس بعطيه عيوني
لو بعرف انو بيوم من الايام انو لازم اعطيه روحي وعمري وحياتي وئلبي وكل شي فيني
ليعيش بسعادة وهنا اتاكد مارح اتردد ورح كون مبسوطة كتير
لانو بالنسبة الي هو العمر الي بعيشو
وهو الئلب الي بينبض بين ضلوعي
وهو الحياة الحلوة الي شايفة فيها سعادتي وفرحي
وهو الروح الي عايشة فيها والهوى الي بتنفسو
شو بدي بعد اكتر من هيك
بتشكرك على موضوعك وروعة ما قدمت
لك مني فائق الاحترام

انا زلمة تعبت كتير من الحب

لدرجة ماعدت اعرف الصح من الغلط

ولا عدت اعرف بضحي او ما بضحي

مريت بشغلات كتير وصارت معي قصص كتير

المفروض وقت نحب نضحي

والمفروض نحارب ونعمل المستحيل

بس للاسف انا كشخص بعترف كنت كتير جبان

وماني قادر حب

لاني ماضل فيني شي قدمه او ضحي فيه