امثال شعبيه فلسطينيه

السلام عليكم ورحمة الله وبركاته


انا شب فلسطيني واحببت ان ابلغكم عن بعض الامثال الشائعه في

بلادنا (فلسطين)

إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن عاشرت عاشر أمير وإن إلبست البس حرير و إن عيروك بشي يكون يحرز التعيير

إن كبر إبنك خاويه

إجا مين يعرفك يا بلوط

إجو ليحدوا الخيل مد الفار رجله

إضحك بعبك

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

أوعد اليهودي بالكفن بيموت

آخر العنقود سكر معقود

آخر الزمر طوط

آخر الدوا الكي

إبنه على كتفه و بيفتش عليه

إبنك على ما ربيتيه و جوزك على ما عودتيه





.................................................. .................................................. .....................



أمثال شعبية فلسطينية
{ حرف الباء }
بتقول له ثور بقول احلبوه

بدل الرز و الباذنجان إكسي حالك يا عريان

بده عرس يرقص فيه

بدي ياه و تفوه عليه

بزمان الخير ما غنينا يا ليل

بطيختين بإيد مابينحملوش

بعد ما شاب ودوه ع الكتاب

البيت ضيق والحمار رفاص

بيتعلم البيطرة بحمير النوَر

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

بيلهي الحمار عن عليقه

بيمسح جوخ

بيموت الزمار و اصبعه بيلعب




.................................................. .................................................. ......................
تمنى الخير لجارك تشوفه فى ديارك.

تيتى تيتى زى مارحتى زى ما جيتى.

رد الجواب عداوة ولو بالهداوة.


النار تخلف رماد.

الغالي إغليه والرخيص إمشي وخليه.

قال إيش رماك على المر قال اللى أمرّ منه.

قال له خذ قرش واسكت قال بحط قرشين وبتكلم




تاجرنا بالكفان بطلت الناس تموت

تسمع صوته و تقول نيالك يا أطرش

التكرار بيعلم الحمار

تلاتة مابينطاقوا : الطق والنق والبق

جبنا الأقرع ليونسنا كشف طقيته و خوفنا

حاميها حراميها

حايص متل جاجة بدها تبيض

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

دمه تقيل متل دم البق

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

الرجال مش شكلة لتحطيه ع راسك

رجعت حليمة لعادتها القديمة

رخيِّص وكويِّس وإبن ناس

الرقاصة الغشيمه بتحجج بقشة الحصيرة

ركبناه ورانا مد ايده ع الخرج

رافق المسعد تسعد

رزق الهبل ع المجانين

ركوب و ركبتك و كمان تهز رجليك

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

( زي أباريق الجامع( كل واحد شكل

زي الفراشة بتحوم حول السراج تاتنحرق


.................................................. ...


ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

الشهر اللي ما إلكش معاش فيه ليش تعد أيامه

شو أحلى من العسل قال الخل ببلاش

شو فهم الحمير بأكل الزنجبيل

شو هيّة لحسة حلاوة؟

شو دخّلك بيت عدوك ؟ قال حبيب قلبي جواته

صارت عظامه مكاحل و مصارينه حبال

الصباح رباح

صباحه بيقطع الرزق

صوته ملعلع للسما

ضربني و بكى و سبقني و إشتكى

طبني طبتك العافيه

طلع تحت لساني شعر

الطمع ضر ما نفع

طنجرة و لقت غطاها

عاشر المصلي بتصلي و عاشر المغني بتغني

العز للرز و البرغل شنق حاله

عصفور باليد و لا عشرة ع الشجرة

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

على عينك يا تاجر

عليه مناخير زي كوز الصبر

عمر الشقي بقي

عمر مديون ما انشنق

عملوك مسحر خلص رمضان

العنزه الجربا ما بتشرب إلا من راس العين

عيش يا كديش ليطلع الحشيش

العين بصيرة و اليد قصيرة

غاب القط العب يا فار

غالي و الطلب رخيص

الغنى بالغربه وطن و الفقر بالوطن غربه

فخار بيكسر بعضه
..............................................

ارجو ان تعجبكم هذه الامثال واريد ابلاغكم او اطلب منكم السماح لانني لا ادخل الا المنتدا لسبب مهم وهو دراستي اتمنى ان تتقبلو اعتزاري يا احلى اخوه واخوات نلقاكم




شكرا جزيلا لكم تحياتي

يعطيك العافية أخي الغالي

في أمثال كثيرة بنقولها كمان عندنا في سورية

وفي أمثال بتجنن أول مره بسمعها

والله يوفقك في دراستك حبيبي

موفق

يسلمو على المعلومات

متل ما قال ملك كمان عنا بسوريا هيك امتال