امثال شعبية سورية

جبتلكون امتال شعبية سورية
اسمعوها

1-خد الاصيلة ونام على الحصيرة
2-يلي بيجرب المجرب بيكون عقلو مخرب
3-الحية ئالت لدودة تضربي على هي القامة الممدودة ( عئساس هي جالسة)
4-يلي بياخد القرد على مالو بيروح المال وبيضل القرد على حالو
5-طب الجرة عتمة بتطلع البنت لامها
6-ماكل مرة بتسلم الجرة
7-دق القرفة ولاصباح السلفة
8-كومة حجار ولا هيك جار
9-متل السيل بيغدر بنهار وبليل
10-شو ماطبخت العمشى جوزها بيتعشى
11-من قلة تدبيره خلطت الحنة مع شعيره
12-طلطميس مابيعرف الجمعة من الخميس
13-لما وزعو العقول كل واحد عجبو عقلو ولما وزعو الارزاق ماحد عجبو رزقو
14-يلي بيلاعب الئط بدو يتحمل خراميشو
15-بعد ماكانت خادمة صارت بالبيت حاكمة
16-متل القردة وشاكلة براسها وردة
17-قرعة ومشطها نص دراع
18-ال ليه غيرانة وحيرانة وعيونه جوا غطسانة
19-قال خطبوها تعززت تركوها تندمت
20-الفاضي يعمل قاضي
21-بصلة المحب خروف
22-العبد في التفكير والرب بتدبير
23-باب النجار مخلع
24-ان غاب القط العب يافار
25-كول فول وارجع للاصول
26-مامنه خير دخانه بيعمي
27-ضربتين على الراس بيوجعو
28-البيت بيت ابونا والغرب بيطردونا
29-صيت غني ولاصيت فقر
30-ال الي بيجي لعنا القلب اله هزاز والي مابيجي لعنا لا اهلا ولاسهلا والقلب لاله مامعتاز
31-مكتر صحابي يومي كرمي دبس وما اقل صحابي يوم كرمي يبس
32-قالو للعاطل صير منيح قلهن بيصرلي اسمين
34-الرجال بالبيت رحمة ولكان فحمة
35-احترنا يا اقرع منين بدنا نمشطك
36- الي بيتزوج امي بيصير عمي
37-اذا احتجت للكلب قله ياسيدي
38-اذا بدك تفضح سرك سلمه لمرة
39-انا متل الفريك مابحب الشريك
40-الي بيشتغل باكلوه ياسعادة اهلوة
41-حلوق بالفاس ولاتعتاز الناس
42-خود البنات من صدور العمات
43-السعد لما بيجي بيكسر الباب
44-كلامو متل الفستق الفاضي
45-من فاتو اللحم عليه بالمرق
46-امشي مع السعيد بتسعد
47-لاتقول فول ليصير بالمكيول
48-كل ديك على مزبلتو صياح
49-الي عندو طبيعة مابيبيعا
50-الي بغير عادتو بتقلسعادتو
51-ابن الحلال عنده زكروه بيبان
52-لاتبيع جلد الدب لتصطادوه
53-العقل زينة
54-طول عمرك ياتينة مجعلكة
55-ارضينا بالبين والبين مارضي فينا
56-التم المنحوس على خايب الرجا
57-قلنا تور ال حلبو
58-المكتوب مبين من عنوانه
59-طلعنا من تحت الدلف لتحت المزراب
60-اجا تي يكحلها عماها
61-علمناهم على الشحادة سبقونا على البواب
62-من قلة الخيل شدو على الكلاب سروج
63-حلاق استفتح بزبون اقرع
63-حط راسك بين الروس وقول ياقطاع الروس
64-الحكي الك ياجارة تتسمعي ياكنة
65-تيجي الصبي منصلي على النبي





انشالله يعجبكون انا هول الي تزكرتهن
الي بيتزكر شي يضيفو
مشكورين

يلي بياخد القرد على مالو بيروح المال وبيضل القرد على حالو
ههههههههه

حلووين كتير
في منن بعرفن
يسلموو أخي ،، تحياتي

مشكور يالغالي
وهي من عندي كمان مثل سوري
أقعد جنب الضرة ولاتقعد جنب الجرة

يسلمووووووو خيووووووو
كتير كتير حلوين
والله نيال حافظ كل هدول
انا عجبني هالمتل ورح احفظو هههههههههه
30-ال الي بيجي لعنا [عزيزي الزائر يتوجب عليك التسجيل للمشاهدة الرابطللتسجيل اضغط هنا]اله هزاز والي مابيجي لعنا لا اهلا ولاسهلا والقلب لاله مامعتاز
بتشكرك مرة تانية رامززززز
وبتمنالك التالق الدائم

اهلين ليانو نورتي اختي
لسا بس كنت مستعجل هدول تزكرتهون بس انطرونا بجزء التاني
مشكور خي نضال متلك
اول مرة بسمعو
نورتي سوزي مشكورة كتير
انطرونا بجزء التاني
بس كون مسلطن واتزكر الكل
ههههههههه
نورتو

ارضينا بالبين والبين مارضي فينا

تسلم الايادي وحسن الاختيار
دام لنا تالقك وعطاؤك
ماننحرم من جديدك
شكرا لك بعدد حروفك

مشكورة جمول
انتي مابعرف كيف اشكرك
بس بتشكرك

51-ابن الحلال عنده زكروه بيبان
ياعيني
يعطيك العااافية شموخ
تحياتي..

الله يعافيكي
نورررررررتي شامو
مشكورة