آبتسآمه آمل في كرسي آلآعترآف .......

"]رجعنا خالتو
اهلا وسهلا

*على حسب ما وصلني انتي وياسو اتفقتو علينا او في بوادر هيك شي
ان شاء الله بس نخلص من ازمة الكرسي

*هل بتعتبري ياسمين الشام صديقة الك
اكيد بعتبرها صديقة وبتمنى اتعرف عليها كتر

*شلون بتلاقي شخصية ياسوو
بصراحة كتير بتعجبني يعني هيه طيوبة وبحسها حنونة كتير وهادية ومتل الملاك بتدخل بهدا وتطلع بهدا ما بتدايئ حدا ابدا

*شو رايك بثقافة ياسو
بالنسبة الي ممتازة

*بتحبية شي
اي بحبها وبموت فيها شو في عندك مانع يعني

*انتي قلتي انو بتعتبرية مثل الك بالحب من انو ناحية
يعني كيف بدي ئلك في شغلات كتير لاحظتها طبعا مارح احكيلك ياها ممكن احكيها عالمسن لياسو انت اطلع منها وهالشغلات عم تخليني شوفها مثل للبنت المحبة المخلصة لحبيبها هلئ انا صح بموت بحبيبي ومستعدة اعمل اي شي مشانو بس احيانا بعمل اغلاط زغيرة بتزعلو مني ويمكن تجرحو وهالشغلات ما موجودة عند ياسو لهيك بعتبرها مثل الي

*شو رايك بالاسم (ياسمين الشام )واديش الو علاقة بشخصيتا
بحسو كتير لايئ عليها والياسمين لما منطلع عليه عدا عن لونو الابيض الي بيبعت راحة بئلوبنا في بداخلو عطر كل ما ئربت منو بتحس بروعتو وياسوو هيك ربي يحميها ويوفئها

*اذا بيوم اجتك عم تشتكي من حدا :hlp:رح تساعديا ؟؟
اكيد الي بزعلها رح يكون حسابو عسير ولو انا متاكدة ما حدا يزعل او يزعل الئمرر

*اذا بيوم تقابلتو (ان شاء الله) شو اول كلمة بتتوقعي تقولية الها
يسعدلي هالطلة

*بتلاقي ياسو رومنسية ولا حساسة ولا قاسية ولا عادية او شو برياك
بشوفها حساسة كتير ورئيئة وسبئ ئلتلك بحسها متل الملاك

*اذا طلبتي من ياسو توقف معكن بحربكن الخاسرة على الشباب فشو بتتوقعي جوابها
اكيد بتوقف معنا وسبق ووقفت معنا وحطتلكن قصيدة كسرت روسكن فيها

*شو وجه الشبه بين ياسو وسوزي
انو مخلصين بحبنا وانو ممكن نضحي كتير كرمال حبايبنا يمكن في اكتر من هيك بس ئلتلك بعد بدي اتعرف على ياسوو اكتر واكتر

*شو الشي المشترك بالصفاة بينك وبين ياسو وعبير
هني التنين حبيباتي وبيدخلو الئلب وبجد بينحبو ومهضومين كتير وما بتوقع انو في حدا عرفن وما حبن

*شو رايك بالمسابقة الادبية وشو كان وقعها عليكي وهل بتتمني انو تنعاد
المسابقة الادبية كتير الها اثر بئلبي وخاطري وحسيت من خلالها انو انا ممكن اكتب شي حلو وبيعجب الناس من ئبلها كنت خاف اكتب شي بقلمي بس المسابقة الادبية عطتني ثقة بنفسي وبقلمي وتعلمت منها كتير واكيد بتمنى تنعاد وبنفس الروعة الي تقدمت فيها غاليتي ياسوو

*شو رايك بمواضيع ياسمين
بحسها تشبه مواضيعك مع اختلاف بسيط يعني مواضيعك افضل بس بشكل عام رائعة

*ياترى بتتمني ترجع بيناتنا متل قبل وتكون حاضرة دائما
اكيد بتمنى ترجع متل اول وان شاء الله تتعافى وترجعلنا لانو منشتئلها ع طول

*كلمة من قلبك بتوجهية لياسمين الشام
ربي يديم الاخوة والصداقة بيننا وان شاء الله ربي يلبسك توب العافية وما تشوفي شر بحياتك لانك ما بتستاهلي الا كل خير

*طلبي منها ما تدخل بحلفكن الانثوي وخدي 11 ليرة
خلين بجيبتك :cipollinomuhahavp1:

وهي جينا من جديد

اهلا وسهلا ايمتا ما اجيت خيو

منغير عن السياسة استراحة يعني

منرجع لسوزي والمنتدى

طيب اتفضل

الكل شاف متل مو واضح متل عين الشمس انتصارات حمود عليكم
الانتصار خلف الانتصار ياترى لسا عندك امل انك تربحي على حمود
ولو جمعتي كل جنس حوا الي بدنيا ليحاربو ؟

انا لحالي اقدر عليه ورح تنصعقوا بالشي الي رح اعملو بعد مااخلص من الكرسي الي اتفق علي فيه هو وشريكتو

لورد صاحب القلم المبدع والمميز
صاحب القلم الروعة او خلينا نحكي باختصار
قمة التميز والابداع بالمنتدى
شو الموضوع او القصيدة الي نزلها لورد وتمنيتي انك انتي منزلتيها ؟

حكاية الاميرة العصفورة
كتير حلوة

بس بصراحة قلمي يعجز عن مواجهة قلم انسان مثقف ومبدع متل لورد

بس الي بئدر اعملو اني بحاول اتعلم شوي منو
ربي يديم عليه هالموهبة

لو اجيت عبير وحكتلك انا بكرهك وكنت عم مثل اني بحبك
شو رح يكون ردة فعلك ؟
بصراحة عبير اصيلة وانا ما بتوقع انو يوم من الايام تعمل هيك

انا انسان سيئ هي بحس حالي واكيد الكل هيك بشفني
ياترى لصراحتي دور كبير بزعل الناس مني او انا مابعرف عبر عن الي بدي احكيه ؟
اخي هلئ في شي انت سريع الاشتعال ئصدي سريع الغضب احيانا بتتسرع وتفهم الكلام بشكل غلط يعني ما بتحب تفهم الموضوع بتفور بسرعة متل لما انا حكيت انو كلنا عم نتعب وانو الالوان مالها اهمية ولو بدها تفرق بينا خلونا نرجع اعضاء كان قصدي انو كلنا اخوة ومافي شي بيفرئ بيننا بس انت تسرعت وفرت وفهمتني غلط

كلمة لكل من

شو رئيك بنفس الاسماء

لورد
بحترمك لابعد الحدود

اخ وصديق مخلص

ياسمين الشام

بحبك وشتئتلك موت ربي يرجعك بسلامة

صديقة واخت غالية

حمود

بكرهك ههههههه

مع انو دب بس بجد اخ وصديق وفي

عبير

بحبببببك

هي تسلملي توام روحي وبيت اسراري

غزل

بحبك

رفئية واعية ومثقفة

شامية وكلي جاذبية

بحبك وشتئتلك كتير

تئبرني شامو حبيبتي ان شاء الله تاخد علامات عالية بالامتحانات وترجعلنا لانو شتئنالا

عبق الامنيات

بحبك

اخت وصديقة مخلصة والاهم قلبها ابيض وطيوبة كتير ربي يحميها

يارا

بحبك

رفيئة بحسها رزينة وواعية واسلوبها بيدخل للئلب بسرعة

هوب

بحبك

حبيبة ئلبي ياسمينووو عسولة اختي ورفيئتي وبتمنى اتعرف عليها اكتر كمان

وانا العبد المسكين

بحترمك كتير

انت نعم الاخ والصديق بس بتمنى تخفف عصبيتك شوي

الصبح بلويك وبجلس عشا لي
اذا جعت وسلت خصري عشالي
الف بنت ماطلعو عشا لي
ولا ميتين بيحلو النياب


منرجع بجولة جديدة
حظك اليوم اني فاضي ومفتوحة عندي القريحة على الاسئلة
وهي بتصير نادرة عندي


سوزي والثقافة


ما اكتر ماتتمنيه بالثقافة ؟

هل تتوقعي انو شي يوم تصيري كاتبة ؟


الكل بيعرف انو لورد سيد الثقافة بالمنتدى مع احترامي للجميع ومندون زعل
هل سوزي عم تتعلم من لورد ؟


مواضيع لورد الكل بيتابعها وكتير ناس بتنطرها على احر من الجمر وانا منهم
وقت بتدخلي المنتدى وبتشوفي موضوع للورد شو شعورك ؟



اذا بيوم من الايام لورد بيترك المنتدى شو ببتوقعي للمنتدى مستقبل ؟



ياترى اذا حبيبك طلب منك ترمي اخواتك الي بالمنتدى هون بترميهم مافي حل نصفي اما ابيض او اسود ؟



كتاب بتنصحينا نقراه ؟



النا عودة

الله يعطيكن العافية ويئويكن
ويكتر اسئلتكن كمان وكمان هههههههههههه
بس اخي بعد ازنك بدي تشوف ردي على سؤال حمود
ئبل ماارد على اسئلتك
وناطرة المجموعة الجديدة من الاسئلة

اعذريني لاني قصرت فيك
بس بجد نفسيتي تعبت بسبب بعد امي عني
سلامتك عبووووووري ربي يرجعها بخير وسلامة
وهلا راح ندخل ع السؤال السابع لهاليوم
السؤال السابع

علاقه سوزي بامها
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ما اوجه الشبه بين سوزي وامها ؟؟
هههههههه انا ما بشبه حدا فريدة من نوعي
ههههههههه
كتير اشياء ما بعرف شو بدي احكيلك بس انو كتير

يوم جابتك امك ع الدنيا كم كانت الساعه ؟؟
حسب ما حكتلي الساعة 9 ونص المسا

وهل اسمك الحقيقي امك سمتك ياه او حد ثاني ؟؟
بصراحة لا امي واي حكولي انو بعد مااتفقوا على الاسم راح ابي ليسجلني بالنفوس ومختار المنطقة حكالو انو سجل اسمها على وزن اسم اختها وعلى اسم بنتي وابي سجلني وامي ضلت تناديلي بالاسم الي اختارتلي اياه ولهئ بنادولي فيه بالبيت والجيران وئرايبنا كلهم بينادولي فيه ما بيعرفو اسمي الحئيئي


ما مقدار حب امك لكي وهل انتي المفضله عندها بين اخواتك ؟؟
لا امي ما في عندها تميز كلنا متل بعض بس انا بغار من اختي الزغيرة لانها اخر العنئود هههههه بمزح
مدللة مو بس عند امي عندنا كلنا لو تطلب لبن العصفور ما منئصر معها ربي يحميها

طبعا امك افضالها كثيره عليك ما الذي تستطيعين تقديمه لها لتجازيها على صبرها عليك ؟؟
الحمد لله ومابدي امدح حالي او شي بس امي دايما تحكي انو البنات ما مئصرين معي ابدا وانا رضيانة عليهم ومع هيك دايما منحس بالتئصير اتجاهها

عند عودتك للمنزل هل تقبلي امك ؟؟
مشان مااكزب احيانا اي واحيانا لا

فين بتبوسيها ؟؟(يد خد راس )
ع خدودها وبئرصلها ياهن هههههههه

هل احسستي باحساس البنت لامها مع وحده ثانيه ؟؟
امممممم بصراحة اي حسيت

هل تمنيتي بيوم انه تكون امك شخص ثاني ؟؟
امي تعبت كتير بحياتها وتعزبت ما بتمنالها غير انو ربنا يعوضها عن التعب والعزاب الي تحملتو ولهئ يمكن عم تتحملو

السؤال الثامن

رسائل

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

في المنتدى اغلب رسائل خاصه من من توصلك ؟؟
من لورد

في المنتدى رسائل عامه اغلبها من من ؟؟
يعني مافيني حدد وما بيوصلني رسائل زوار كتير

اول ما توصلك رساله ع موبايلك تتمني دائما تكون من مين ؟؟
من نضال

بالعاده رسائل جوالك بتكون من مين عاده ؟؟؟
هههههههههه من خدمة عبيلي لما بعبي جوالي
ما بيوصلني كتير الاغلب من اخت نضال ومن نضال

اخر رساله وصلتك ما نصها ؟؟
هي الرسالة وصلتني الساعة 3 ونص العصر بتئول
مرحبا .....(اسمي)...
غسلتلك بيجامة نزليها من حبل الغسيل والبسيها انا وامي ودنيا عند بيت خالو ومارح نرجع بكير
هههههههههههههه
هي من اختي
رساله بكيتي بسببها ؟؟؟
مافي رسالة بكتني

السؤال التاسع

العقوبه

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ما اقسى عقاب ذاقته سوزي ع اعمالها ؟؟
اقسى عقاب الي بعاقبني ياه نضال
( اسبوع مابتصل فيه وما بيحكي معي مسن)

سوزي مانوع العقاب المتبع لديكم بالمنزل ؟؟
بالنسبة الي لما امي بدها تعاقبني تقطع عن النفس ههههههههه
ئصدي تحرمني النت
اعضاء تتمني ايقاف عضويتهم لفتره كعقوبه ؟؟لماذا ؟؟
انتي وحمود لاني كرهانتكم هاليومين

شفتي اني طيبه وما بسال كثير
اي كتير تسلميلي

السؤال التاسع
للتنبيه السؤال العاشر هاد
سوزي والطفوله

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

هل تحب سوزي طفولتها ؟؟
طبعا واكيد كل شخص بحب طفولتو
اللعبه المفضله لدى سوزي في طفولتها ؟؟
ههههههه لعبة رح ئلك اسمها
بس مارح تعرفيها
اسمها سكر مكر
هههههههههههه
لعبة بناتية
وكمان بحب نط عالحبلة لهلئ لسا بلعب نط الحبلة مع اختي الزغيرة
هههههههههههه
متى تركتي حليب امك ؟؟
مااخدت حليب امي حكتلي امي انو ارضعوني حليب كيكوز اسمو معلب
ايش اكثر شي بيتكلمو عليه اهلك بطفولتك ؟؟
عن شقاوتي وانو كنت زكية ومن اول مارحت المدرسة ما غلطت باسمي الحئيئي
يعني انا معتادة على اسمي الي بنادوني فيه اهلي ومابعرف اسمي الحئيئي كنت بس حكولي انتي اسمك هيك وحفظتو صرت اعرف بالمدرسة هيك اسمي وبالبيت هيك

لو بيوم تركو عندك طفل وانتي لحالك بالبيت وعملها الطفل ع حالو هل ستتركيه حتى يعود اهله او بتغسلي ليه ؟؟ما هو شعورك في تلك اللحظه ؟؟
يؤيؤ لا اكيد بغيرلو حرام
انا بحب ربي الزغار وخصوصا الي بعدن ما بيعرفو يحكوا او يمشوا مزبوط واختي الزغيرة كانت تناديلي ماما لاني انا الي اهتميت فيها بصغرها وحتى لما نظفت انا الي نظفتها بتزكر زرت عند بيت خالي 3 ايام ورجعت لقيتهم حاطيلها حفاظة ئلتلهم ليش هيك بعد ما نظفتها ئالو لانها مارضيت تروح للحمام وانتي ما هون

متى كانت اول خطوه خطتها سوزي في طفولتها ؟؟
كان عمري 8 اشهر

هل تتمني ترجعي لايام الطفوله ؟؟لماذا ؟
بحن لايام الطفولة بس ما بتمنى ارجع طفلة لاني راضية بحالي هيك ولو رجعت طفلة وكبرت بتمنى تضل صفاتي هيك وكون متل ماانا هلئ

ما الذي تكرهه سوزي في الاطفال ؟؟
ما بكره الاطفال بس ما بحب شوف طفل يبكي ويصرخ

هههههههههه
لك حتى امك بتقرصي خدودها مو بس الولاد


مممم حجي رامز هالكلام مو كلو صح
واغلب الاعضاء هون مثقفين وفي منن
اكتر مني بكتير وماوضيعن اجمل

وبنزلو بالاسبوع موضوعين او تلاتة
وانا من اكتر من ست شهور مانزلت موضوع
في عندي شح بالافكار هالفترة
لذلك خيتي لاتردي على رامز وتخطي اجابتو


وتعي لنشوف شو وضعو عندك


* رامز عصبي وبفور بسرعة بتوافقي انو يستمر بهيك صفة


*برايك قلبو ابيض ولا متل الليل الحالك


* هل طبع رامز الحار بسببلو مشاكل وناس تبعد عنو


*قولتك الي بالي بالك رح تحسن تروض هالطبع فيو وتخلي هادي


*شو رايك برامز المحب


*شو رايك برامز الشاعر


*شو رايك باشعار رامز


*هل اشعاره تدل على شخصيته


*شو رايك باسم (شموخ عزي) و (امير الاحساس )واينو الاحلى

*شو رايك بابداع رامز بعكاظ وعم تفهمي الزجل كلو ولا في شي صعب


* شو رايك بوطنية رامز


*هل توافقيه على ان ينضم للجيش الحر (كما سنفعل قريبا ان شاء الله)

*بكل صراحة رح تتمنيلو النصر او الشهادة

*اذا انتصرنا عالطاغية باذن الله بتوافقي رامز يصير رئيس


* طلعي مظاهرة ضدو وكل واحد بيطلع معك الو خمسين ورئة

عحبتني اسئلتك لورد في رامز
واتمنى الاقي اجابه اقوى من سوزي خانوم

بسم الله الرحمن الرحيم
صباحكـم سعادة
ومساؤكم تألق ..
أشكر ك أخي العزيز
PRIDE MAN
على هذه المقدمة الراقية
كـ رقاءْ أحساسكِ العطرِ ..
وأشكر كل من تقدم لأبداع وروعة هذا الموضوع ..
وأحببتُ أن أن أضع بصمة حرفي هنا ...
سأتابعِ بصمت ريثما تتيحُ ليّ الفرصة
لأطرح على سموكِ بَعض الأسئلة البسيطه ..
ولي عودة عماقريب أن شاء الله .

Good luck

السؤال الاول

صباحك ورد وتفاؤل
اليوم جايتك بعده اسئله منوعه
عن التطلعات للمستقبل وما هي نظره سوزي لزوج المستقبل
وشو نصيحتها للبنات
بسم الله نبدأ

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

ما العمر الانسب للزواج من وجه نظرك ؟؟؟

ما الصفات التي تفضلها سوزي بزوج المستقبل ؟؟؟

اتعرفتي ع واحد وقبل زواجكم بيوم اتعرض لحادث وراح نظره
هل تفكر سوزي بالاستمرار معه ام ستتركه ؟؟؟(مجرد تساؤل )

سوزي قبل لتحب وتتحب كيف كانت نظرتك لزوج المستقبل ؟؟(جاي ع حصان مثلا )

هل تمنيتي يوما ان يكون زوج المستقبل كأبيك ؟؟

سوزي ما نسبه حبك لذاتك جنب الي بتحبيه ؟؟

هل دخلت سوزي يوما لموقع ابحث عن عريس او ****ه لغرض الزواج او التسليه يوما ؟؟

ما رأي سوزي في الخاطبه ؟؟