طريقة عمل المنسف الأردني

السلام عليكم ورحمة الله وبركاته

الكمية تكفي:6 أشخاصالمقادير:3 كيلو لحمه بلدي
8 كاسات رز
خبز شيراك
لبن جميد
سمن بلدى
بصل وهيل مطحون وحطيت عرق ميراميه وجوزة الطيب كركم
لوز للتجميلالتحضير:* بننقع لبن الجميد من بالليل بشوية مي حتى يطري ولما نبدأ عمل الاكل بنضربه على الخلاط مع اضافة شوية من مرقة اللحمه حتى يتجانس الخليط كله وبعدين بنصفي اللبن حتى ما يكون فيه اي اثار لحجر اللبن وازا طلع معك شوية اثار ارجعي ضيفي مرقة لحمه واضربي الباقي على الخلاط حتى يذوب كل اللبن

* يتم نقع الرز بالمي قبل ما نبدأ نستويه حتى يتفتح
الطبخ: *بنغلي اللحمه لحد ما يطلع الزفر منها وبنشيله عن وجهها وبعدين بنحط عليها البصل والميرميه والهيل اما حب او مطحون وجوزة الطيب وبنتركها لحد ما تستوي وما بنحط ملح ابدا لانه اللبن نفسه مالح
*بعد ما غلي اللبن
*بنجيب بصلة صغيرة وبنفرمها نااااعم كتير وبنقليها بشوية سمنه بلديه حتى يتغير لونها شوي وبنضيفها على اللبن اللي بدأ يتسبك
*بعد ما نقلي البصل ونضيفه على اللبن بيكون هيك خلص اللبن بنحط اللحمه على اللبن علشان تاخد من طعم اللبن وملوحته
*بنغلي مقدار معين من المي مع شوية سمنه ورشة ملح وكركم وبس تبدأ المي تغلي زي ما احنا شايفين بنكون غسلنا الرز منيح وبنضيفه للمي المغليه ولازم يكون المي زياده عن الرز شوية صغيرة ونترك النار عالية لحد ما تبدأ المي تخف عن الوجه بنوطيه على نار هادية تماما وبنتركه تقريبا 10د وبنشوف ازا كان بحاجه او استوى بنطفي عليه
*بهالاثناء بنقلي لوز
* بنجيب خبز شراك وبنفرده في الصينية اللي هنقدم فيها المنسف
*بنسقيه بشوية لبن يعني يادوب معلقة او معلقتين من اللبن وبعدين بنحط فوقه الرز بعد ما استوى
*وبنرش رشه بسيطه فلفل اسود بس مش كتير
وبعدين بنحط اللحمه فوق الرز وبنزينه باللوز المقلي وممكن كمان صنوبر وفي ناس بتفرم بقدونس ناعم ملاحظات:عند عدم توافر الجميد ممكن يستبدلوه بلبن رايب نضيف له معلقة نشا نكون مدوبينها في كاسة مي باردة
ونغليه عالنار مع التحريك المستمر مع ملاحظة اضافة ملح
ويستعمل بدل الجميد
*يمكن استبدال لحم الغنم.. بالفراخ
*واللوز ممكن استبداله بالفستق او فول سودانى

والف صحا وهنا

طبخ الشيف همس :cipollinocoolp:




يلا يا جماعه مافي معالئ الاكل بالئيد

انا مرة وحدة اكلت المنسف بحياتي وندمت وحرمت انو اكلتو ما بعرف كيف بتاكلوه لا والمشكلة انو اكلتو كان عاملين عزيمة بعرس حسيت انو عزا مو عرس ما بعرف كيف بتاكلوه لبن خربان مع رز الله يديم علينا النعمة :e111de78:

والله طريئه عملو كتير طويله انا ما بحياتي دايئتو ومبعرف كيف طعمتو
شي يوم بتعزمينا ع منسف من إيدك ههههههه وأكيد رح يطلع طيب
بس بدك تجيبيلنا معالئ هههههههههههه
يعطيك العافيه حبيبتي

يعطيكي الف عااااااااااااااافية همووووووووووسي

ما قصرتي يا ئومررررررررررر



وسلمت اناملك



والله يعطيك العافيه ولا يحرمنا من جديدك

امممممممممممممممم
يلا هموسسسسستي العسل الشطورة
جهزي منسف جديد واعزميني
لانو طريقو صعبة وطويلة
ومحسوبتك كسلانة كتير ههههههه
يسلمو دياتك يائمررررر
بانتظار جديدك
دمتي بودي

سوزي شو راايك انتي تعزمينا

بما انو ما بتعرفي وكسلانة

بركي بتتنشطي شووي

وكمان بيصير النا حجة انو ما ناكله

ما حدا يطلب مني انا مشغوولة

عم جرب صوتي هلئ ازا حلوو

هههههههه انا ولا مرة دئتوو

بس بسمع عنوو كتيررر

يلا مندوئوو من ايديكي هموووستي

لانو اكيد لح يطلع معك طيب

بس بشرط بتجيبيلنا ملاعئ او انا بجيب ملعئتي معي




لانو بالايد ما بتزبط معي بنوووب


يسلموووو هموووسة عالموضوع


والاكلة بس كمان محسووبتك كسلانة متل سوزي


يعني اطلبي مني مجدرة ماشي الحال


دمتي بتاااالق وخير وما تحرمينا موواضيعك


واكلاتك الطيبة اكيد تقبلي مروري

صحا وهنا على البكم

المرة الجايه بدي اعمللكم مسخن

[IMG][عزيزي الزائر يتوجب عليك التسجيل للمشاهدة الرابطللتسجيل اضغط هنا][/IMG]