اعضاء المنتدى الكرام الرجاء الاطلاع

السلام عليكم ورحمة الله وبركاته


يمكن بالفترة الماضية صار تقصير من طاقم الادارة والمشرفين
طبعا بسبب الاوضاع الي بسوريا وبسبب غياب اغلب المشرفن والاداريين
ان شاء الله ربنا يفرجها ويرجع كل شي متل اول واحسن
وبما انو اتفقت وانا والصبايا انو نرجع نجتمع هون تحت سقف هالمنتدى الرائع
الي جمعنا مع بعض اول مرة فااكيد لما بدنا نرجع لازم نشتغل ونقدم للمنتدى الشي الاحسن
ونسعى لتطويره ولتقدمه وما نقصر بواجباتنا الي كنا نعملها فيه من قبل
بلا طول سيرة من لما رجعت وانا ما عاجبني الوضع ابدا بالمنتدى
شفت مواضيع كتيرة مكررة مثل ( فنجان قهوة ونثر احاسيس , احيانا , اعرف رجل واعرف مراة , بك , وكتير مواضيع غيرها
وبالنسبة الي عم حاول رتب ولاقي روابط المواضيع المتشابهة بس اكيد هالشي بدو وقت
طبعا دي اتوجه بالشكر لاخي لورد لانو بكل هالفترة الي غبنا فيها هو موجود لحالو
واكيد ما فيه يزبط كل شي لوحده ولا رح يلحق ع كل الاقسام
بعتذر منك اخي وان شاء الله نحاول انا وعبير وليان نرتب ونرجع الامور لوضعها شوي شوي
وبدي رحب بكل الاعضاء الجدد الي هلئ هني نجوم ساطعة بالمنتدى واعضاء مميزين
وبتشكرهم على جهودهم ونشاطهم الملحوظ اكيد
بس بتمنى من الجميع قبل تنزيل اي موضوع يتاكدو من عدم وجود هالموضوع سابقا
ليوفرو علينا ع حالن شوي تعب
واكيد رح نبقى ناطرين افكار جديدة منن ورح نشجعها وان شاء الله ما بنقصر بمساعدتهم باي شي يطلبوه
وفيكن تعتبروني اخت الكن وبكون مبسوطة بتقديم اي مساعدة تحتاجوها

كل الاحترام للجميع
اختكم
ســـــــوزي

لمين هالكلام

ههههههه
عبور مبين لمين من العنوان
لاعضاء المنتدى

والي ما راح يعمل الي تريديه

ما بعمل شي
ولو بدكم بحذف الموضوع من اساسه
انا ما حطيت الموضوععشان اعمل حساسيات
ولا بقصد شخص معين
ولا عندي اي نية ما منيحة اتجاه حدا
وانتي اكتر الكل بتعرفي هالشي

علقت بين الحواري افرحوا يا ارجال

شكرا كتير الك سوزي لملاحظتك ومعك حق باللي قلتيه

ولكن انتو كنتو غايبيين عن المنتدى بشكل كلي ونحنا اعضاء جدد

واكيد ما كان بالامكان قراءة كل المواضيع اللي بالمنتدى بالنسبة للعضوات

وانا برأي لازم تلاقو حل وما ننسف جهد رفقاتنا بالفترة اللي كنتو فيها غايببين

وهني نزلو مواضيع وحركو المنتدى بفترة غيابكم

والشكر الك وللروزات التلاتة ولجهودن

انا بوافق سحوبة الرأي
أنتو للأسف كنتوا غايبين و المنتدى كان في حالة سبات لولا جهود اللورد و أمير الإحساس و سحوبة
بعدين اجينا انا و quiet rose & innocence rose و حاولنا نندمج معهن و الحمد لله صرنا عيلة وحدة
يعني يا عزيزتي مثل ما قالت سحوبة نحنا ما فينا نطلع على كل المواضيع الموجودة بالمنتدى من قبل خاصة انو في مواضيع من سنة 2012
نحن كنا قبل ما نضع موضوع بنحطو بالبحث في المنتدى لما ما بنلاقي الموضوع موجود نقوم ننزلوا
يمكن يكون الموضوع مكرر بس بقسم غير و بهيك ما بيكون إلنا ذنب
و ع العموم شكرا لجهودكم المبذولة

موقف ينم عن حب واخوه كبيره مشكورين جميع

شكرا الك اختي سوزي لاهتمامك ومتابعتك الدائمة وهالشي مو مستغرب عنك ابدا

وكل هالامور متروكة الك من قبل وانتي اكتر وحدة تعبتي قبلا وبعدا

متل ما تفضلتي صار تقصير كتير من الادارة والعذر موجود للكل بسبب الاوضاع

وفترة اعادة المنتدى وتنشيطو

نزرع بمنتدانا تلت وردات وزهرو المكان وغطت علين سحابة لطيفة فعطو للمكان بهجة بتذكرنا بالماضي وبصمة جديدة خاصة فين

وانا تابعت كل المواضيع ومابفوتني اي موضوع جديد

........

كان الي ملاحظات كتير عن عدة مواضيع جداد نزلو ومنن مكرر

وكمان انو قسم احاسيس مبعثرة بلش يتشتت ويتشعب

بس تركت الجو مفتوح الن يحطو بصمتن بكيفن ومتل ماقالت دريم روز صارو من العيلة وصرنا عيلة

لبين ما بلشو يرجعو المحاربين القدماء وبلشنا نعيد ترميم المنتدى


وهاد الحال بتفصيل واضح للجميع

ومتل مو سوزي حريصة جدا عالمتابعة وترتيب المواضيع والتذكير بالملاحظات

و كلنا نقدر هالشي


كمان مطلوب من الاعضاء المتابعة والبحث ومساعدة الادارة لنوصل لافضل النتائج

بالنهاية كلكن تيرا وادارة تيرا


تحياتي للادارة ولجميع الاعضاء