رعب في حياه عضو

مساءكم صباحكم ورد جورى

نجي لفكرة الموضوع

اليوم موضوعي غير ...


من اسمه يوم مرعب ..


حتى اللون تلاحظوه احمــــــر يعني رعــــــــب

راح نستضيف عضو
ونسئله كم سؤال .. ونطلبه يكلمنا عن يوم مرعب مر فيه ..

بس بالبدايه بلييز طفوا الأنوار ..

ولا اسمع صوووت ..

1-شي كنت تخاف منه وانت صغير..؟

2-هل كنت تخاف من الظلمه..؟

3- تحب تنام والأضواء مفتوحه ؟

4-يوم كنت صغير,هـ وتخاف,لمين تروح’ي له..؟

5- أذكر لنا موقف مرعب حصل لك ..؟

6- هل تحب تغامر بأماكن مسكونه بالجن..؟

7- تحب تتابع افلام الرعب..؟


8-تحب تسوي مقالب با صدقائك أو صديقاتكـ أو أحد من أهلك ..؟


9- لو قلنا لك اختار 3 اعضاء خذهم معك لبيت مسكون ...راح تقضو فيه يوم وآآحد مين تختار..؟


10-هات لناصورة تخووف؟؟

11-هل كان خوفك مرتبط بشخصة مثلاً إمم .. درآكولآ او جنآنوة المسلم ..؟؟

رح اختار عضو من الاعضاء
وبعد مايجاإوب يختار عضو بعده ..


نبــــدا مع .. الأخ لورد

في انتضضآإركـ

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

يالطيف يالطيف
ال صباحكم جوري ال
احكي صباحكم رعب ونكد وهم
لك وانا عم اقرى الاسئلة اتزكرت اشياء ومواقف كنت رح موت رعبة فيها
الله لا يرجعها لهديك الايام
خيتوو شيلوني من بالكن وتتهنوا بهالموضوع

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة أبتسامة أمل يالطيف يالطيف ال صباحكم جوري ال احكي صباحكم رعب ونكد وهم لك وانا عم اقرى الاسئلة اتزكرت اشياء ومواقف كنت رح موت رعبة فيها الله لا يرجعها لهديك الايام خيتوو شيلوني من بالكن وتتهنوا بهالموضوع

لييييييش سوزي ماعجبك ها المسا والصباح
ههههههه حلوه صباحكم رعب
ع فكره يا بت مفيش حد ينشال من هنا كلنا لازم ننسئل ههه
حبي لك

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة تعبت ادورني لييييييش سوزي ماعجبك ها المسا والصباح ههههههه حلوه صباحكم رعب ع فكره يا بت مفيش حد ينشال من هنا كلنا لازم ننسئل ههه حبي لك

ههههههههههههه اي حلوة كتير ال مو حلوة ال
لك المشكلة انا كل اهلي ئوايا الا انا ما بعرف ع مين طالعة
والمشكلة الاكبر انو لو صار وجاوبتك ع هدول الاسئلة
بدكن تضلوا اسبوع تضحكوا علي
هههههههههههههه
خويفة كتير كتير مو شوي لاني

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة أبتسامة أمل ههههههههههههه اي حلوة كتير ال مو حلوة ال لك المشكلة انا كل اهلي ئوايا الا انا ما بعرف ع مين طالعة والمشكلة الاكبر انو لو صار وجاوبتك ع هدول الاسئلة بدكن تضلوا اسبوع تضحكوا علي هههههههههههههه خويفة كتير كتير مو شوي لاني

هههههههههههههههه
انتي امشي مع عبير وراح تصيري عنيفه وشريره

[

لك يا زلمة انت على هالافكار الخطيرة والي بتجنن انا مؤيد بقوة لمثل هالنوع من السلوك الانحرافي والصباح اذا رعب وتفجير وسيارات اطفاء واسعاف بكون حماسي جدا وبيعطي تفاؤول بيوم جديد مو تفيق على صوت عصافير وخرير مي تقوم تنعس وتنام اي هيك ها ريتو يسلملي الاجرام شيتك ورح بلش جاوبك ابو جاسم النرويجي ـــــــــــــــــــــــــ 1-شي كنت تخاف منه وانت صغير..؟ ابدا مابتذكر شي كنت خاف منو غير أمي ههههه 2-هل كنت تخاف من الظلمه..؟ مستحيل خاف من الظلمة لاني بعشئها 3- تحب تنام والأضواء مفتوحه ؟ ابدا ابدا مافيني نام اذا في جنس الضو بالغرفة لازم تكون كل الاضوية مطفية ومافي ولا نفس 4-يوم كنت صغير,هـ وتخاف,لمين تروح’ي له..؟ انا كنت خوف البلد يارجل بس وقت كنت خاف من شي طبعا روح لامي اذا كنت مثلا روح لعند ابي خايف اعرف رح يبهدلني ويعصب ويقلي انت رجال شلون بتخاف يا ؟؟؟؟؟؟ كان يزرع الشجاعة بقلبي من على صغر ويتركني لحالي باماكن ما لازم يكون فية الطفل والف شكر الك ابي على هالميزة الي علمتني الياها ابو لورد المجرم 5- أذكر لنا موقف مرعب حصل لك ..؟ والله كتير يا صديقي بس هاد طريف مرة كنت راجع عالبيت وجه الصبح عن طريق المزارع والدنية تلج تقريبا كان التلج شي 20 سم وعم فشخ ومو منتبه ادامي وين صرت وفجاة لقيت حالي بين شي صدقا شي عشرين كلب وكلن فاتحين تمن ولسانن شاطط شي متر لبرة وكلو عم يبحلق فيني ويتفرج وصرت بالنص وتبسمرت بارضي طبعا قريت القرآن كلو بثواني ونشف الدم بعروقي واذا بفكر ارجع لورا خطوة او اركض لاهرب رح يهجمو لذلك اخدت وقتي وانا واقف اكتر من عشر دقايق حسيتن الف سنة هههههه اطخت شوي على الارض كاني عم شيل حجر فبعدو شوي عجبتني العملية وجربتة وامشي شوي شوي لحتى صرت قريب حيط نطيت لفوقو وقلبت عالجهة التانية وعينك ماتشوف النور صرت اسرع واحد بالعالم هههههههه 6- هل تحب تغامر بأماكن مسكونه بالجن..؟ كنت قديم ..مرة شارطوني نام ببيت من العشى للصبح والبيت موجود بحي الشاغور بالشام وكنت عامل مراجل واكسب الشرط والله العظيم لوبحكيلك يومين عن الي صار ما بتسدء بس الي بعرفو اني ما ضليت اكتر من ساعتين وطالع لوني اصفر على ازرء وانربط لساني شي شهر اما هلاء مستحيل فكر بهيك قلة عقل 7- تحب تتابع افلام الرعب..؟ لااااااااااااااااااا بحسها سخيفة جدا جدا وبدون معنى 8-تحب تسوي مقالب با صدقائك أو صديقاتكـ أو أحد من أهلك ..؟ اي كنت بس هلاء بطلت ههههه كمان رح تقل عليكن واحكيلكن هي الشغلة مرة برمضان كنا مجتمعين ببيت صديقنا باحد احياء دمشق القديمة طبعا الشلة شي الله جمع ووفق كل واحد فلم بحد ذاتو وفي معنا شخص يووو شو خمة نوم وطبل وبلط واذ المسحراتي مارق من الحارة فنطيت لعندو وعطيتو كاسة شاي ومسكتو من ايدو وشحطو عالغرفة لعنا وخليتو يوقف فوق راس صاحبنا شوي شوي وقلتلو بتدق عالطبلة بكل قوتك وتصرخ يا نااااااايم وحد الدايم وهو المسحراتي شكلو بخوف اصلا ووقت بعئ هداك الصوت ههههههههههههههه هههههههههههههه نط باربعتو صاحبنا وشاف شوفة المسحراتي بخلئتو فما استوعب الي صاير ههههههه وصار يصرخ صريييخ وفلجتو هالشوفة وصار تمو على جنب شي ربع ساعة ولول ستر الله انفلج الزلمة 9- لو قلنا لك اختار 3 اعضاء خذهم معك لبيت مسكون ...راح تقضو فيه يوم وآآحد مين تختار..؟ حمودة ورامز ومان لانو وقتها رح يهرب الجن كلو 10-هات لناصورة تخووف؟؟ 11-هل كان خوفك مرتبط بشخصة مثلاً إمم .. درآكولآ او جنآنوة المسلم ..؟؟ لاء هاد حكي مراهقين بالنهاية مافي انسان ما بخاف بس الخوف الو حدود لازم مايفرط الواحد بالثقة بعدم الخوف لانو نهاية هالشي رعبة تفلجو طول عمرو وكمان مايخاف من اي شي ويصير جبان ودمتم بخوف من الله وحده /

وهلاء تتفضل مشرفتنا سوزي تحكيلنا عن فصولها مع الخوف

تفضلي خيتو ال مادخلك بهالموضوع ال

شرفي الساحة امامك والمايك معك



تزئييييييف لسوزي

هههههههههههههههههههه
عجبتني يا خطير انت
كلو كوم والصوره المرعبه كوم تاني دحين كيف انام خوفتني منها كتير خخخخخخخخخخ
بعدين تعال هنا
كل شويه تكلمني بصفه المزكر ا واد تراني انثى شكلي راح اجي افقع وجهك هع
يوووووووووووزي يلا يا ماما شرفينا وجاوبي ع الاسئله

لك اي بالله

العتب على االنظر

بس بتعرفي كاني كنت عم خاطب حمودة مو انتي

هههههه سبحان الله بيخلئ من الشبه تنين


بعرفك وحدة الله لايجعلك تنتين

بس بالله كل فكري عم خاطب حمودة بالموضوع هههههههه

ولومارديتي ورجعت لفوق ما انتبهت انو كل حمودة مو بالموضوع
هههههههه يحرء اخت الرعب

كان لازم حط صورتك او صورة اختك


وقايلك كمان انا يا زلمة هههههههه

اهلين عمو اهلين ه


هاد احلى فصل هالاسبوع

هههههههههههههه
يبعتلكن الهنا
خيوو لورد منيح الي حكيت مشان نبه نضول منك
بعدين ئلتلكن شيلوني من راسكن احسن ما تضحكوا علي
هههههههههه
خلص رح احكي
بس لو حدا ضحك بدي نتفكن تنتيف

السلام عليكم ورحمة الله وبركاته

1-شي كنت تخاف منه وانت صغير..؟

كنت بخاف من كل شي وبتخيل الاشباح هههههه

بس كلو بسبب امي كانت تحكيلنا ئصص بتخوف انو في ( بعبع) يعني وحش بياكل الاولاد الصغار

ههههه

2-هل كنت تخاف من الظلمه..؟

لهلئ بخاف من الظلمة

حتى اختي الزغيرة بتتخبى وئت اطلع عالمطبخ او الصالون وترعبني وتضحك

3- تحب تنام والأضواء مفتوحه ؟

اي لانو لو طفت بتخيل اشياء تانية وبموت رعبة وبصير مافيني نام

4-يوم كنت صغير,هـ وتخاف,لمين تروح’ي له..؟

ركيد لعند امي ولهلئ بنام جنبها

ههههههه

5- أذكر لنا موقف مرعب حصل لك ..؟

في مواقف كتيرررررر

رح احكيلكن واحد منها

انا ما بحب اطلع من البيت وهالحكي كنت بكالوريا اهلي طلعو مشوار ئلتلن بدي ضل بالبيت المهم هني راحوا وتركوني بيتنا عربي ئمت انا وعملت لحالي سفرة غير شكل وع اساس محتفلة بحالي وشعلت المسجلة ع اغنية لشادية فجاة سمعت صوت فتحت باب الغرفة لئيت شرشف مرمي عالارض وئلبي وئع عالارض سكرت باب الغرفة طفيت المسجلة وئفلت الباب صرت اسمع اصوات غريبة واتخيل الجن اجو ياخدوني الله لا يوجيكم هداك اليوم شو صار فيني رجعوا اهلي وشي اصفر والاكل بمحلو وانا بحكيلن هيك هيك صار ئعدوا يتضحكوا لانو الشرشف وئع من الهوى والبرادي عم تتحرك من الهوى كمان لانو الدنيا شتا

6- هل تحب تغامر بأماكن مسكونه بالجن..؟

ولي ببيت اهلي برتعب ال اماكن مسكونة ال

7- تحب تتابع افلام الرعب..؟

هههههه ما بتابع اخواتي بتابعو مرة شافوا فلم اسمو انها تعشعش

الفلم بحكي عن صرصور لو ئرص حدا بيدخل لجواتو وبصير يبيض ببطنو وتنفجر بطن هالحدا وبموت وانا شفت هالمئطع ضليت اسبوع ما بنام وبصى بالليل ابكي واخواتي بضحكوا علي حتى الزغير الي عمرو 7 سنين

8-تحب تسوي مقالب با صدقائك أو صديقاتكـ أو أحد من أهلك ..؟

كتيرررررر

بس هلئ عئلانة ما بعرف شو صرلي

مرة كنا بالصف عنا حصة عربي وانسة العربي سمينة كتير بتئعد عالكرسي وبتنام

المهم قالت بتقرو الدرس بالدور صار دور رفيئتي الي حدي وقفت عم تقرا الدرس ئمت دايئة خلائي جبت القلم الازرق الفرنسي وفي فتحة زغيرة بالمقعد ثبتو فيها

خلصت قراءة وئعدت والا هالصوت يالطيف هههههههههههه

ئام فزت الانسة ئالت شو في حكتلها ولا شي فكرت في فارة وصرخت ياحرااام

القلم انكسر وانا وئف ئلبي لانو الئصة فيها فصل بس عدت سلامات هههههههههه

9- لو قلنا لك اختار 3 اعضاء خذهم معك لبيت مسكون ...راح تقضو فيه يوم وآآحد مين تختار..؟

عبربر

تعبت

غزل

لانكن ئوايا ومرعبين

هههههه

10-هات لناصورة تخووف؟؟

11-هل كان خوفك مرتبط بشخصة مثلاً إمم .. درآكولآ او جنآنوة المسلم ..؟؟

ههههه اي بخاف من البعبع

هاد زمان هلئ صرت خاف من وحش جديد اسمو عبربر

هههههه




بدي اختار
اخي هيثم بعدي
تفضل اخي

اقتباس  [عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة LORD وهلاء تتفضل مشرفتنا سوزي تحكيلنا عن فصولها مع الخوف تفضلي خيتو ال مادخلك بهالموضوع ال شرفي الساحة امامك والمايك معك تزئييييييف لسوزي

ال تزئيف ال
ماشي
بتهون