ابليس يفش خلقو
خبر عاجل
إبليس يترك الدنيا ويمشي ويخلينا بدون وسواس افرحوا ياناس
هذا إبليس يفضفض لواحد من الإنس .. يقول
يارجال مالي قعدة عندكم , صارلي سنين عاطل عن العمل
وقرّبت أموت من الجوع
خلاص ما رح أترك فيكم لا وسواس ولا خنّاس
كنت من زمان أوسوس للوحدة تترك ولدها يبكي وهي تحكي مع جاراتها
هلق صاروا لحالهم.. يرموا ولادهن أوّل ما يولدوا
كنت أوسوس للواحد ينسى يسمّي بالله قبل ما ياكل
هلق الواحد ماييلاقي شي يأكله .
يا رجال..
إذا أنا إبليس... تسمّمت بالشاورما
كنت أوسوس للشاب انه يلطش البنت وهي ماشية بالشارع
صاروا البنات يلطشوا الشباب كلام أنا استحي أقوله
واحد يسرق 100 مليون عيني عينك يسجنونه 3 سنين بفيلاّ عالبحر
وإثنين ينبشون بالزبالة تمسكهم الشرطة
إنتو لازمكم إبليس إنتوا ؟؟؟؟
صار عندكم فائض بالفساد يكفّي 300 سنة قدّام
صرت أخاف على نفسي منكم يا رجال
صرت مرّات أوسوس بالمقلوب وأقول للمسؤول ارحم
وللحرامي يكفّي.. خلّي شويّ للحراميّة اللي جايين بعدك..
يعني إذا إنتو لحالكم بتعملوا كل هالبلاوي
أنا إبليس شو ضللي؟
أشتغل سواق تكسي يعني
وإلا افتح محل سمان
ارحموه يا ناس انكسر خاطري شو أعمل
كل واحد يرجع لوظيفتو وخلوني اشتغل شغلي
أهون من شر نفوسكن.
|