وهي كمشة امتل تزكرت مبارح
انشلله يعجبكون


1- الي بيعرف بيعرف والي مابيعرف بقول كف عدس
2-الارض الواطية بتشرب ميتها ومية غيرها
3-اترك الطبيب والدوا والحق الشمس والهوى
4-لوكان الرجال بشواربه كان الصرصور سيد الرجال
5-صار لشوحة مرجوحة ولابو بريص قبقاب
6-لبس المكنسة بتصير ست النسا
7-الخنفسة شافت ابنها على الحيط قالت تقبرني متل الولية بالخيط
8-الجمل لو شاف حردبته كان وقع وانكسرت رقبته
9-فارة عطست ئلها القط بسم الله ئلتلو حل عني وانا بالف خير من الله
10- صار لدبانة دكانة وصارت تسكر على بكير
11-لا الفارة طاهرة ولا الدعوة مستجابة
12-منام القطط كله فيران
13-حمار عزمه على عرس ئلهون يا لزوق النمي يا لزق الحطب
14-الصياد عم يتسلى والعصفور عم يتقلى
15-كلب ينبح معك ولا كلب ينبح عليك
16-امرنا الكلب والكلب امر دنبو
17- الشيطان استاذ الرجال وتلميذ المرة
18-بيختبرو الدهب بالنار وبيختبرو المرة بالدهب
19-الرجل من غير ست متل الابريق من غير طشت
20-الف كلمة جبان ولا كلمة الله يرحمو
21- الهريبة تلتين المرجلة
23-ضربني وبكا سبقني واشتكا
24-عيونه بالبيعة وبقول يفتح الله
25-مال الخسيس بيروح بميزان ابليس
26-الكلمة بمطرحها قنطار
27-شالو من دبسهم وحطو على طحينهم
28-الي بياكل دهن ببين على شواربه
29-غربة وكحل اسود
30-خيره لغيره وشره ابتلاني
31-الزردة خلفت وردة
32-ماصارلك بالقصر غير من مبارح العصر
33-عريان وقع على مسلخ
34-القمره مابتجي الا على هوى الحرامي
35-اشتري العبد ولاتتعب بتربايته
36-متل القطط بتاكل وبنكر
37-قبل ماتناسب حاسب
39-الشهر الي مالك فيه لاتعد ايامه
40- مابيحمل همك غير الي من دمك
41-الايد الي مافيك تكسرها بوسها وادعي عليها بالكسر
42-واحد مربي دقنه والتاني متغلب فيها
43-القرد بعين امه غزال
44-قلبي على ولدي وقلب ولدي على الحجر
45-درب زبيب يودي مايجيب
46-مرت الاب سخط من الرب لابتحب ولا بتنحب
48-لسانه متل مقص السكافي
49-يارايح من غير عزيمة ياقاعد بلا قيمة
51-ايجا الديك من الجبل هاج الجاجات من القن
52-جنب العقرب لاتقرب وجنب الحية افرش ونام
53-اذا جنو ربعك عقلك مابينفعك
54الطبخة الي بيكترو طباخينها بتشوط
55-الي ماله كبير ماله تدبير
56-اكبر منك بشهر اعرف منك بدهر
57-الديك الفصيح من البيضة بيصيح
58-الي بيستحي من بنت عمه مابيجيب اولاد
59-لا لسيف ولا لضيف ولا لغدر الزمن
60-قاعد بحضنه وبينتف دقنه
61-نيال من زار وخفف
62-ان قال تنين راسك مش عليك تلمسه
63-على قد فراشك مد رجليك
64-قاضي الاولاد شنق حالو
65-خليها بلقلب تجرح ولاتطلعلبرة وتفضح
66-قول للمغني غني بيكبر راسه
67-الاول طلب والتاني تجوز
68- مابيجيك اكزب من شب تغرب وشايب ماتت اجياله





مع التمنيات يعجبكون
انطورونا بجزء الثالث
كل يوم منجيب دفعة

مشكورين