منتديات تيرا الحب - عرض مشاركة واحدة

09-22-2012, 01:55 AM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ملاك الحريه السوريه

احم احم عادي اسئل انا يلا رح اسئل

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة ملاك الحريه السوريه

لو عرفت انو بيوم من الايام اختك بتحب شو بتساوي ؟
من غير زعل طبعا

طبعا بدون زعل وبصراحة كمان تكرمي

لوعندي اخت وعرفت انو بتحب رح يكون تصرفي كالآتي

اول شي رح خبر ابوة وامها مع حكي قوي ورفع صوت عالتنين

وهية رح اشمطى شي بهدلة ويمكن شي كام كف يعمو عيونا

واذا عرفت الشب منوة ..فانا واحد شراني

بس مارح اعمل متل اغلب الشباب وامسكو وخانئو بالشارع

والناس تعرف القصة وافضح حالي بايدي

بس بعرف ومتأكد اني رح ئئذي اذى كبير كتير

جسدي ونفسي بدون ماقرب على هي القصة ومن بعيد لبعيد

.....

هلاء الكتير بقولو على كلامي له له شلون انت بتحب وعم تحكي هيك

وليش بترضى تحكي مع بنات الناس وعلى اختك مابترضى

وشلون انت بتكره الي بمد ايدو على مرة ووقت صار هالموقف معك اول شي عملتو ضربت اختك

...

مممم طيب لالكن

اول شي نحنا بدينا وبمجتمعنا بشكل عام

هي حب وحكي مع البنت ونطوطة فوق الاساطيح مرفوض وحرام

واللي بحب حب حقيقي بروح بدق الباب وبيسمع الجواب

اذا قبلو اهل البنت وقتها سَكَت وخرس الافواه

ويحب على كيفو وبالحلال الي امر في ربي

واذا ماقبلو للشب يحاول ويحاول ويحاول لحتى يقبلو

وهالمحاولات رح تكون طبعا على الاصول وحسب العادات والتقاليد لانو من اولها صح ودق الباب نظامي

وبعد هالشي مهما صار رفض او قبول بكون الشب والبنت بالمسار السليم وتحت انظار الاهل

وبمى يرضي الله وسنة نبيه

هاااد هو الحب الحقيقي

والحب الاكبر والسليم الي بيكبر بعد الزواج

......

اما شغلة حب ورسائل واغاني وصهصلة ومياعة ومواعدة

وغمزات ولمسات وحركات

وبمستقبل مجهول

وياحبيبتي ماعندي بيت سكنك في او شي طعميكي بس خليني حبك هلاء وربك بيسر

وهي الغبية تقلو بعيش معك بخشة على السطح ومناكل زيت زعتر ورضيانة بهالعيشة معك وحبني اد مابدك

هاد اسمو علاك مصدي وماحدى بيرضى لبنتو هالكلام الفارغ

هالشي مرفوض تماما

ومابقبلو على حالي لحتى اقبلو على غيري

وقت بينضرب على قلبو شي شب اهبل

وبحب وحدة مشحرة وبيقتنع فية تماما

بينقلع على بيت اهلها وبيطلبها

اما يضل يلعب بمشاعر الناس وكل يوم مع وحدة

وهية كمان كل يوم قال تحب واحد لحتى تلاقي فارس احلامها

جاي على حصان ابيض

واخر شي مابيجي حتى على كديش جربان

كلو هاد مسخرة بمسخرة

ومافي شي جابنا بسفل القوم غير هالعادات الفاشلة

والحركات المغضبة لرب العالمين

......

لذلك رح يكون تصرفي قاسي وردة فعلي عنيفة

وفي فرق كبير لمن بلاقي شب بدق الباب وبيطلب عالاصول والله ولو مابيملك غير تيابو

وبين واحد عم يتلصص ويتستر بشي اسمو حب ويكذب عالبنات
ومو معروف قرعة صدقو من كذبو

....

طبعا البنات بهي النقطة قليلة عقل كتير ورومنسية زيادة على شي فاضي

الله وكيلكن يابنات
كل الشباب بتسمع نفس الاغاني وبيحلئو عند نفس حلاق الحارة
وتيابن من البالة
ومابيعرفو يشتغلو شغلة ومافي مصحلة بايدن

واغلبن بخلو رفقاتن يكتبولن قصائد ورسائل غرام
او بيشتر كتاب (رسائل الحب والغرام) وبطلع رسالة قال من كعب الدست ماحدى كتبا لحبيبتو

كبرو عقلكن ريتو الله يئلل اكلكن شو هبلان يا هالنسوان

....

هي اجابتي عسؤالك اختي ملاك
تفضلي عطيني جوابك انت وجنس حوى على كلامي

معي بكلامي انتو ولابتعارضو

طبعا رح تعارضو من قلة عقلكن

قصدي من كتر رومنسيتكن

واذا حابين نتوسع بالحكي حاضرين

.....

يارا رح جاوبك عسؤالك بس لنخلص من هاد

تشـــــاو