منتديات تيرا الحب - عرض مشاركة واحدة - تنبيه لجميع الاعضاء - الصور الخادشة للحياء -

06-04-2012, 07:55 PM

طيب منجي للحكي المفيد اذا هيك

بداية الشغلة طلعت من عندي والتنبيه انا خبرت سوزي عنو وتناقشنا بالموضوع مطولا

وبالعربي الفصيح حتى مايصير اي لبس عند اي من الاعضاء

انا وقفت عضوين شباب نهائي لانن حطو صور بنات تقريبا نسيانين يلبسو

ونبهت الشباب مرة وتنيتين بس التالتة كرت احمر

كلامي نابع من واجبي اني حافظ على اسرتنا

وكانا ببيت واحد وهيك تصرفي بالبيت بالطبيعة لو عندي اخت

واذا ماعندي فانتو اخواتي وخواتي وواجبي ادعم الشي المنيح ونبه عالشي الي بشوفو غلط او حتى شبه غلط

واي حدا منضم لهالاسرة بخاف طبعا على اي اخ الو هون من اي شي
صورة او كلمة او جملة ممكن ماتكون منيحة بحئو

وانو ننصح بعض هاد واجبنا الملزمين في جميعا

انا انحذفلي موضوع كامل بسبب كلمة وحدة كان مشكوك بامرها

فقانون الاخوة ماشي عالكل

مابدي حدى يزعل او يتحسس لانو خايفين علي

لازم يفرح من قلبو انو في حدا مهتم لامرو وعم ينبهو على شي لاسمح الله ممكن رب العالمين يعاقب علي

انا ماعم قول لاتحطو صور او جيبو محجبات (حتى ماتقولو عني فكري منغلق متل كتير ناس)

لاء هالشي ماحدا في يفرضو على حدى

بدنا نكون راقيين بكل شي
بكلامنا وردودنا ومواضيعنا وحضورنا وكل شي الو صلة فينا

الكلام معمم للجميع شباب وبنات

والشباب قبل البنات

لانو ماشاء الله حبيبة هالمنتدى مافي اخضر من روحن

لذلك بتمنى الالتزام من الجميع

واي حدا عندو اعتراض على الفكرة يراسلني ويفهمني وجهة نظرو وانا مستعد لاي طرح من الاعضاء

بشرط ضمن الادب والاخلاق والحدود

لحد هلاء بصراحة مافي اي صورة معينة بتسلزم التنبيه الفوري

ولكن حتى مايكون في شي لبعدين

لانو لاحظو كتير منتديات تركت الموضوع بدون ضوابط وقوانين

وصارت الصور شبه عارية وهاد جاب معو كلام دون المستوى واخلاق متدنية

وليعلم الجميع هالشي مرفوض رفض قطعي هون

غير الاحترام والاخوة مابقبل بوجودو

احترامي لكم اخوتي جميعا

وشكرا لتفهمكم