منتديات تيرا الحب - عرض مشاركة واحدة

01-14-2018, 09:46 AM

صباحو

كيفك ياقمر

هموسة انا اعترض اجاباتك دبلوماسية وماعم تحددي عم تستعملي صيغة الجمع

هاد اولا تانيا سالتك عن لورد ويمكن الاسم سقط سهوا عندك بدي الجواب

ورح بلش اسئلتي من غير قهوة اليوم وعلى سيرة القهوة ( انتي مغرمة بالقهوة

كتير زي مابشوف كل اهل الاردن مغرمين بالقهوة ) وكام فنجان بتشربي باليوم )

احممم لنبلش

سالك لورد عن الاعضاء الحاليين وانا كنت محضرة اسئلك بس الي لفتني قلتي ماقراتي

مواضيع سؤالي

1 ـ وقت تنظري لاخر المشاركات مالفت نظرك ولا اسم موضوع تدخلي تطلعي عليه ؟؟؟

اذا كان نعم شو الموضوع واذا لاء شو السبب ؟؟؟

2 ـ صارلك فترة بتدخلي عالمنتدى وماشفت الا كم مشاركة الك فيني اعرف السبب ؟؟

3 ـ هلاء من خلال اجاباتك شفت الود والوفا لكل اصدقاءك بتيرا ياترى ممكن نشوف منك

تفاعل مع الاعضاء الحاليين الي يعني نحنا

وياخدو مكان بئلبك ؟؟

4 ـ بالمنتدى في موضوع اسمه وفاء منا لكم حابي تدخلي

عليه وتستعيدي شئ من الذكريات وتعطينا انطباعك الاول من خلال كام مشاركة تقرايها

5 ـ ابتسامة امل اسم مخضرم بالمنتدى ياترى من خلال متابعتك الها حاليا

هل مازالت بنفس القوة بالمواضيع والردود ؟؟؟

6 ـ لورد كمان نفس السؤال وشو الموضوع الجديد الي بعد عودتك للمنتدى قراتيه للورد

7 ـ هل قراتي اي موضوع لاحدى الروزات الموجودات بتيرا حاليا ؟؟ اذا نعم لمين كان ؟؟

وشو كان الموضوع ؟؟

8 ـ هبة اسم لمع من جديد وبقوة بتيرا شو رايك بطبيعة مشاركاتها ؟؟

9 ـ سحابة انا

لفتك اي شئ بمشاركاتي ؟؟؟ اذا نعم شو هو ؟؟ وشو الانطباع الي

الي تكون عندك ..

10 ـ قيصر الاحساس اله اسلوب بيخصه هو مابيشبه اسلوب حدى شو رايك في ؟؟

11 ـ اي الاقسام الي بتميلي لالها بالمنتدى ؟؟

12 ـ انتي شو عم تعملي هلاء بالمنتدى ماعندك دوام يابنت ههه

ولا عطلة متلنا حاليا

13 ـ باي مدينة ساكنة بالاردن حاليا ؟؟

14 ـ وين لقيتي احلا طبيعة المعيشة باي بلد بما انك خليط ومزيج من سوري فلسطيني اردني

15 ـ اي وسيلة من وسائل التواصل الاجتماعي انتي نشيطة عليها

فيس تويتر انستا وهلما جرا ..

16 ـ لا تستغربي من خليط اسئلتي عم عوض الي راح عليي مبارح شنو شبكة النت كانت

خربانة ههه

يلا حاج هيك وبرجعلك

ودي ومحبتي الك هموسة