منتديات تيرا الحب - عرض مشاركة واحدة

02-06-2018, 05:37 PM

اقتباس

[عزيزي الزائر يتوجب عليك التسجيل للمشاهدة الرابطللتسجيل اضغط هنا] المشاركة الأصلية كتبت بواسطة سحابة صيف


	افتراضي س /1 هل جربتِ وقمتي بأعداد وجبة ؟ اي لكن انا الي جربت كيف لكن بس الصراحة قبل ما اتزوج لا ماطبخت شي ظهرت ابداعاتي بعد الجيزة س /2 طبخة مـآ بتحبي تطبخيهآ ؟ الصراحة المحاشي بس عشان الحفر والشغل قبل لهيك هلاء بجيبو محفور جاهز وبطبخ احلا محاشي س/3 كيف تشعري وانت ِتأكلي من عمل يدك ؟ ايي احلا الشي والاحلا وقت بيئولو امممم زاكي س/4 وماهي الوجبة الي تتقنيها ومآحدى قدك فيها ؟ كل شي بعرف الحمد الله بس الملوخية بتطلع خيال من تحت ايدي طبعا الملوخية السورية س/5 هل حدث لكـ ِموقف وأنت ِبالمطبخ؟ ههههه يامو عالفضايح هلاء انا بطبخ عادي وبحب ضلني ملزئة جنب الطبخة لتخلص فضايحي بتظهر وقت بكون معصبة بقى والدود عم ياكل فيني هههه اي مرة حطيت سكر للرز بدل الملح بس طلع لذيذ كتير جربوا مابتندمو وهلاء من فترة قريبة نسيت الزيت عالنار وقاعدة بالغرفة عم اتنشئ هالروايح وقول ايي هالجيران شو عم يعملو يععع عالريحة وفجاة افطن ونط باربعتي عالمطبخ والا النار مشعشعة بالتقلاي والمطبخ منووووور ودافي اي اي ومرة كنت متجوزة جديد واول مرة لازم اعمل سمك وامسك السمكة وابكي وهر بهالدموع وياربي شلون بدي اعملا خاف حط السكين عليها لحتى اجاني الانقاذ من اختي وشوي شوي تعلمنا يلا حاج فضايح س6/ متى كآنت آول تجـربه لكِ في المطبخ ؟ بعد الجازة هههه س7/ من وجه نظـرك هـل الطبخ يختص بآلمـرأه فقط آم آنه لـِ كلآ الجنسيـن؟ لا لاااااا مابحب الرجال يفوت عالمطبخ ولا يتعدل بيفوت ليعمل صحن بيض بيعمل كوارث وبيطلع لا ماخرججججج الرجال ولا بحب اذا بيحب الطبخ يروح يمارس هوايته عند شي صاحب عزابي او يشتغل شيف ولا يخليني شوفو واقف بالمطبخ س8/طبخـه آو أكـله لآتستغنـي عنهآ؟ مابيستغى الواحد عن شي كله طيب ويمممي س9/ آكله تشتهيهآ آلِآن؟ ههههه من ست سنين مشتهيتا هالاكلة جماعة القرف غمضو عيونكن شوي مشتهية السختورة عالاكيد مافي ولا صبية هون بتعرف تعملا وانا كمان مابعرف س10/ آذكـري آخـر طبخـه طبختيهآ ؟ هههه اليوم لسى عم نتحزر انا وابنيي شو نطبخ بس مبارح طبخت باميا ورز

يعطيكي العافية سحوبة
مشان السختورة
في كتير مابياكلوها ال
ومنها نضلو افندي

نحنا بدير الزور مشهورين فيها
ع فكرة انا بنظفها كلها
حتى المقادم والراس
وبتطلع متل النفجة

وبطبخها ياعين ياعين
شهيتيني والله ياسحوبة