منتديات تيرا الحب - عرض مشاركة واحدة

06-21-2015, 12:13 AM

بالنسبة لسؤالك لورد عن صلاة التراويح للنساء اكيد الكلمة هي للشرع وهي

جائزة عالاكيد
ان كانت بموافقة الولي مع الاخذ بعين الاعتبار الشروط الواجبة لمنع المفسدة من وراء
خروج النساء

ولكن اذا بدك تعرف رأي انا الشخصي

من وقت كنت صغيرة كتير رحت مع الوالدة على المسجد على عدة مرات

وهي كانت اخر المرات ماعدت رحت ابدا

لان بصراحة الصورة الي بعدها عالقة بذهني ماتركت ولا صورة ايجابية براسي

اول صورة هي اصطحاب الاطفال والي انا كنت وحدة منن كان مجال واسع لنشوف رفقاتنا

الصغار ونبلش لعب ووتوتي

تاني صورة براسي هي كل شوي بين الركعات او خلال اعطاء الدرس كان الشيخ كل شوي

ينادي باعلى صوتو عالنساء ليخفضو اصواتهن

وبعد الصلاة او بالاخص عند باب الجامع بتبلش احاديث النسوان واللبكة الي بيعملوها

وتاخيرهن لخروج الرجال من المسجد وهلما جرا

لذلك براي المراة تحط حالها ببيتها وتصلي وتقوم بطاعاتها اتجاه ربنا ومافي داعي للصلاة

بالمسجد اذا كانت غير قادرة على الالتزام بالشروط