06-08-2011, 09:10 AM
|
#139
|
|
بيانات اضافيه [
+
]
|
|
|
|
لوني المفضل : Black
|
عدد الترشيحات : 3
عدد المواضيع المرشحة : 2
 عدد مرات الفوز : 1 شكراً: 3,624
تم شكره 3,135 مرة في 1,857 مشاركة
|
 |
اقتباس |
 |
|
|
 |
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
المشاركة الأصلية كتبت بواسطة ليش لاء |
 |
|
|
|
|
|
|
|
|
الســــــــــــــــلام عليــــــــــــــــكم
مرحبا جميعا ....
وبعد غياب عنكم يا جماعة الخير حبيت أدخل بسؤال جديد لو سمحتم طبعا ....
موضوعنا اليوم عن حجاب الفتاة في هذه الأيام ..............!!!
أولا ماذا يعني لك الحجاب .................؟؟؟؟
نلاحظ هذه الأيام من يلبسنّ الحجاب للموضه .... وآخريات من أجل تكملة الزينه وأخريات .... يعني يناسب لون بنتالها الضييييق أو تنورتها القصيره أو يناسب مكياجها أو منشان تبيين رقبتها أو أو أو أو أو ..... إلخ
وهنا : ما رأيكم بهذه الأنواع من الحجابات .......؟؟؟؟ هل الحجاب أصبح وسيله للموضه ولفت النظر والإغراء أكثر ....؟؟؟؟ وهل الموضه أصبحت معتمده كل الإعتماد على الحجاب .............؟؟؟؟ أم ماذا ............؟؟؟؟
والتي تلبس حجاب وبنتالها ضيييييييييييق لدرجة ......... !!! أو تنوره قصيره لدرجة ........!!!!
والآن : ما رأيك يا ... lord ..... بهذه الأسئله أعلاه ...........؟؟؟؟؟
وأنا دائما كلامي غير معمم ... وإنما وجهاة نظر وآراء من الجميع وتقبلوا ودي واحترامي جميعا .....
|
|
 |
|
 |
|
دخيل عينك انت يا صديقي على كل سؤال خطير
صاير حجاب هالايام عند اغلب البنات
(من فوء لله ومن تحت للعبيد)
بتلبسو المخلوئة انو يبين الشعر حراااااام
بس المكياج الفائع والحمرة الي عم تضوي متل اشارة المرور
والبنطلون الي كتر مو ديئ مبين انو مبخوخ بخ عالجسم
والكنزة البدي الديقة الي مبينة كل شي تحتا
لك اذا مو لابستا بكون استر
وبتكون رافعتا طبعا وشي فيزون ديئ من دينو
وعم تتمختر وساحبة جيش شباب شاطة ريالتهن وراها
وعلى ضحك ومياعة وصوت طئ العلكة لآخر الحارة
والعطر ابو 25 ليرة تبع الحلاقين بتكون مفضية تلت رباع
العلبة ومفكرة حالا حاطا بارفان ماري انطوانيت
وحاملة شنتاية خفيفة والعدة بقلبا علكة وميل حمرة وظل
ومراية ومشط وكام شكلة واواس الهي بتروح أوااس
وشي شغلة نسائية كمان مادخلنا نحنا فية
وبتصير تتمايع وتزت الشنطة على كتفا
وترد تزتا عالكتف التاني
وبتطلع بطرف عينا قال وبتوزن المارقين من فوء لتحت
وبتعمل حالها ابوا شي وزير ومو شايفة حدا بعيونا
وهية بتكون قبل شوي نازلة من سرفيس
ودافعة خمس ليرات وعم تقاتل على الكمالة للشفير
وبتكون بقمة الانزعة تبعا لحتى تشوف وحدة اداما
عاملة ومفظعة اكتر منها
ومبينة الخلفية الاقتصادية ومقدمة ابن خلدون اكتر
والريحة تبعها مع بودرة اطفال وبدل العلكة حاطة كلاش بتمها
وعم تتمطئ اشكال الوان وتزت اجر ادام التانية
على اساس متل عارضات الازياء
بس موشايفة انن هدوليك جسمن متناسق وسمبتيك
ودافعين دم قلبهن على هيك جسم
وهي من ورا الشطف والمسح والطبيخ
بتلاقي جسما مفشلط وعاملة مانيكان
اي وبيلتقو بقا عيونن ببعض وبيقدح الشرار متل افلام كرتون
وكل وحدة بتبلش تعلق على التانية بحقد
وكانو هية بس ولا غيري
وبخلو اوبة هالبجم الي ماشيين وراهن بقا يحكمو
مين المضروبة على قلبا الي مبينة تفاصيلا اكتر
وهون بتبلش اساليب الاغواء والمياعة وتقبل الارقام
والجوالات وحتى عدادات المي اذا ما عندك رقم تلفون
فانو حجاب هالايام عم تحكي يا رجل
المستورة مستورة والله اذا بتمشي بين صف عسكر
ومافي ابن مرة بيطلعلو يحكي كلمة عنا
والحجاب معرووووف والباقي انا مابسمي حجاب
وانما ضحك على الله استغفر الله
اما الجماعة الي عم نحكي عنن فيااااااهم لاااالي
يمكن انلام كتير على حكي نحط هون
بس حكيت من حرقة قلب على واقعنا الزفت الي نحنا في
|
|
|
|