منتديات تيرا الحب - عرض مشاركة واحدة

02-08-2018, 03:20 AM

طيب نرجع ع طفولتي
انا كنت بنت حبابة كتير ومابحب الازعاج
كان في وحدة من جاراتنا رفيقتها لامي
ويوميا بتجي لعنا وكان عندها اولاد تنين توم
عمرهن شي سنة المهم انا متعودة كل يوم تجي
جيت انا لاني صاحبة واجب سالت امي
ليش ماعم تجي خالة نهلة قالتلي يمكن عند اهلها
او مرضانة انتي شو بدك فيها
جيت انا رحت وعلقت ع جرس باب بيتها
رن رن رن
المهم طلعت المخلوقة قلتلها ليش ماجيتي لعنا
قالتلي شوي التانية اجي حبابة لا عاد ترني عالجرس
وصرت انا روح رن الجرس واهرب عالبيت هههه
المهم طلعت من البيت ولا الجرس عليه شرططيون اسود
قلت بعقلي معقول في ماس كهربا رحت دورت وجبت عصاية
خشب مشان مااتاخر ونزلت رنين رنين
مالقيت بعد شوي الا المخلوقة اجت لعند امي رح تطق مني
ههههههه طلعوا مطهرين الاولاد وبدها تنيمهن وانا جننتها
وهون تحولت امي من امي لوحش كاسر
وبلا احكيلكن شو صار فيني
بس حرمت دق باب خالة نهلة بعدها