|
10 سنين
يسعد اوقاتكم جميع
اول شي للناس الي ما بيعرفوني هون وهنن اكيد الاغلبية انا كنت بهالمنتدى من 12 سنة تقريبا من الاشخاص الي تاسس معهم المنتدى قضيت اوقات كتير حلوة وكنا بعمر الولدنة وفي ناس رغم انو ما قابلتها بحياتي بس فعلا بشتقلها بالصدفة وانا عم دور على ملف مخزن بالايميل طلع معي رابط المنتدى توقعت فوت لاقيه مسكر او الرابط مضروب ماتوقعت يفتح معي والاحلى شفت اسماء ناس من القدامى فعلا لليوم بتفوت وبتابع الله يسعدكم وين ما كنتو وكيف ما صرتو فعلا الكم غلاوة بقلبي |
رد: 10 سنين
وسيم الرووووح الراقي الغالي والصديق العزيز
صدقا وئت شفت اسمك وئريت شو كتبت دخلت السعادة لقلبي الله يسعد قلبك اييييه ياصديقي رجعتنا سنين لورا لاحلى ايام واحلى لمة وطلتلك أحلى طلة فكرة المنتدى يسكر انطرحت كتير وبالاخص بعد ما توجه اغلب الاعضاء للطرق السهلة انستغرام وفيس وغيرو بس الفكرة الأقوى والي تابعنا فيا انو هالمنتدى هاد غالي كتير على قلوب ناس تكوّن من ورا هالمنتدى صداقات عمر وناس حبو بعض وناس تزوجو وكونوا أسر فبجوز حدى يحن ويتذكر ويرجع يشوف احلى ذكريات واجمل شي بالدنيا هيّ ذكرياتنا هون فالقرار كان انو يضل المنتدى شغال كرمال نحافظ على الوفاء للجميع بتكفي رجعتك وكلماتك هي لنتاكد انو فعلا لازم المنتدى يضل موجود والله فرحت بكلامك وطلتك ئد الدنيا وفتحت القريحة معي وحاسس صرلي ساعة عم اكتب :) راجعلك بتعليق تاني |
رد: 10 سنين
ايها المدريدي :)
بالله ماكانت احلى ايام وئت نعلق برشلونا وريال خيو اليوم صار عندكن فرصة عظيمة تربحو بعد تعادل برشلونا من اتلتيكو يعني نحنا عطيناكن فرصة :m2: ......................... اي حجي ابقى ضل فوت كل ماصحلك انا ونضال ومان وحسام دائما على تواصل ربي يسعدك ويحميك وبليلة هالقدر الله يفرج هم الجميع ويسر امورنا جميعا كل الود صديقي :152: |
رد: 10 سنين
اهلا وسهلا نور المنتدى اخي اكيد
مكانك لسا موجود هون ببيتنا كلنا تيرا وكنت بردودي عالمواضيعك ومشاركاتك بحكيلك خيو وسيمووو |
| الساعة الآن 11:03 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
