|
هو مكانك وانتا مكاني
[عزيزي الزائر يتوجب عليك التسجيل للمشاهدة الرابطللتسجيل اضغط هنا] مرحبا اللغة المحكية العامية انسب شي لهيك موضوع انا برأيي, كل واحد فينا بيستعمل احيانا عبارة ( لوكنت مكاني ) باغلب الاحاديث يلي بيكون غالب عليها طابع التبرير او طابع شرح الذات, اكتر من مرة باكتر من مناسبة ومكان حس حالي متدايئ لما اسمع هي الجملة , مو لانو عم اعتبر الشخص منافق او كزاب , بالعكس ... لاني فعلا حاول حس فيه عنجد شو يلي خلاه يوصل لهون ويكون بهاد المكان يلي هو فيه هلئ وعم يشرح ويبرر نفسو ئدامي... بالفعل لو كنت مكانو شو كنت ئدرت اعمل وشو كنت حسيت , وكيف كنت ممكن اتصرف؟ احسن يا ترى ؟!! اسوء؟؟؟ الطف؟؟؟ كل اشارات الاستفهام هي حتضل موجودة لوئت انا بالفعل حط حالي مكانو , او القدر يحطني بمكانه بالفعل وحس بهاد الشعور فكرتي ببساطة كل واحد فينا ( حابب انو يشارك بالموضوع ) يكتب عن موقف هو بمكان التاني , او يحط حدى بمكانو ويحكي لحتى يخلص الحكي , يعني يحكي بلسان حالو او بلسان التاني ... مو كتير زابطة مع الكل مو هيك؟؟؟ على الاقل عم حاول افتح باب تاني ينشاف منو شي موجود بشكل يومي انا بعرف انو موضوعي هاد عمره مو اكتر من اسبوعين بالمنتدى ويمكن تلاتة على ابعد تقدير , بعدين حينزل ويغوص للقاع متلو متل باقي المواضيع..... ويمكن بعد فترة يمكن تكون اشهر ويمكن تكون سنين , يرجع حدى يكتب بهالموضوع.... ساعتا ممكن يطفو الموضوع للسطح مرة تانية ..... بعرف لو كان اي حدى تاني مكاني كان كتب الموضوع احسن من هيك , بس ماحدى بيعرف شو يلي خلاني كون هون بمكاني |
اول شي يعطيك العافية اخي الموضوع بحسو فايت ببعضو او بيشبه المواضيع الفلسفية هلئ انا كتير بحب هيك انو وبحب اتفلسف كمان هههههههههههه ومتل ما حكيت نحنا تعودنا هيك بنكتب موضوع مميز بتكتر المشاركات فيه ولكن للاسف بعد فترة بيصيبو ركود ويصير بدروب النسيان وانا ما بعرف هالشي سببو انو الكلام بيخلص ولا الناس بتمل ولا تفكيرن يتجه نحو افكار جديدة بنكهة مختلفة المهم انا لو كنت مكانك وحطيت هيك موضوع فاكيد رح تابع فيه يمكن لاني ما بحب اياس او بحب اقنع الناس بالشي الي عم اعملو وبحب يشاركوني فيه لهيك لو صابو ركود بعد اسبوعين او تلاتة متل مازكرت فانا رح ارجع حط فيه فكرة جديدة او ئصة جديدة ومشاركة وحدة بعد مشاركتي رح تسحب وراها كزا مشاركة بس يا ترى انا هيك صح ما بعرف انت لو كنت مكاني شو رح تعمل ؟؟؟ |
واضح انو الموضوع من فكرك كامل
بدون شي اسمو بزء ولزء (نسخ ولصق) وهالشي هو قمة الابداع وانت دائما رائع رامز وفكرك خصب كتير وكمان سوزي فية هالميزة بمواضيع من فكرها وردود اقوى من الموضوع نفسو باغلب الاحيان وفي كمان ياسمين الشام الافكار عندها وترتيب التنسيق شي مذهل وعبير دائما بتكتب بكل موضوعية وبصراحة قوية وعندها مواضيع مبتكرة مستحيل حدى بفكر فية غيرا وبتطرح الفكرة عطريق موضوع بيجذب الجميع وهاد شي نادر وما بيلتقى في اكتير اعضاء فكرن ذاخر وبيكتبو ومتل هيك مواضيع حتى لو غاصت وراحت كام صفحة لورا بس بمجرد مشاركة للتجديد بتلاقي طلع للقمة مجددا لانو من نبع صافي مو متل رتم المواضيع المملة الي منلاقية بالاميلات اصلا هون عم تلاقي شي واقعي وصريح ومن ابداع الشخص نفسو فرح تنشد اكيد وتتابع الجهد وانا رح اعمل متلكن طبعا وجددو بمشاركة بعد فترة اذا غاص بطيات الاقسام واعطي حيوية جديدة او صيغ فكرة على نفس النهج وبتمنى انو يرجع يلائي نفس الاقبال الي لائاه أول مانزل هيك طريقتي وغيري لو محلي شو كان عمل ما بعرف بس حابب اتنور ؟؟؟ |
اخي رامز موضوع رائع وجهد مميز منك واجى بوقتو
انا الي فترة ماعم شارك منيح بالمنتدى بس اذا بدي شارك ونرجع نجتمع متل قبل رح بلش بالمواضيع الاستمرارية بالمنتدى لانو فيها روح حلوة وتعاون بين الاعضاء وبحب هيك نوع من المواضيع لانو هي اللي بتحرك المنتدى بيجذب الاعضاء ومابحب المواضيع اللي بتنزل وبينرد عليه ومتل ماقلت اخي رامز بتغوص للقاع وانا ضد كترة المواضيع العادية بالمنتدى لانو فترة وبغوص ومافيك ترجعوا الاستمراري فيك تضيف فكرة جديده عليه وبيرجع للقمة وئد من غاص بيجي يوم وبيطلع بتشكرك اخي رامز موضوعك كتير حلو ومهم لانو ذكرنا بكتير مواضيع حلوة بالقاع لحتى نرجعة للقمة الله يعطيك العافية دمت بخير وعافية |
انا تقريبا فهمت قصدك من الموضوع بسؤالك واغلب الاعضاء ردو رغم اني ما بحب صيغه الانا بسؤال لو..مكاني
تقريبا نفس ردي بيكون بس لو اريد موضوعي يطلع للسطح مره ثانيه اترك رد ما ارد عليه ولما ارد متاكده انه راح يمشي حاله وحيكون في ردود جديده وافكار جديده بس انت كتجديد لموضوعك ما اعرف كيف حيتم او هل يا ترى حتغير الموقف ليتجدد اتمنى اعرف رأيك |
هلئ انا لو مكانكم بخلي الموضوع حلقة حوار مستمر
يعني كل اسبوع بنزل قصة صارت معي او اي عضو يحط قصة صارت معه ويسئل الباقي لو كنت مكاني شو بتعمل هيك بضل الموضوع على طول حي انا هيك رح ساوي بس ياترى لو مكاني شو بتعمل ؟ |
احترامي للجميع وكلامكم عالعين والراس
ومتل ما تفضلتو انه المواضيع صارت ممله ولازم تجديد وانا عن جد مليت من نفس المواضيع وحتى الي فتره ما عم رد منيح ولا عم نزل شي لان متل ما تفضل اخي لورد شغلة النسخ واللصق متل الواحد الي عم يكزب على حالهبس فكرتك كتير حلوه رامز وانا لو كنت بمكانك بجدد موضوعي باي وسيله كانت لو بضحكه اكتبها المهم ما يغوص بالاعماق انا هيك بعمل لو كنت بمكانك تحياتي للجميع |
معناتو اخي رامز بلش حط قصة صارت معك
وخلينا نحط حالنا محلك ونشوف شو رح نعمل وبعيدن انت خبرنا شو عملت لنشوف اقرب واحد لتفكيرك مع اني بستبعد حدى يطبئ مخو عمخك هههههه وخلي كمان الاعضاء يحكو قصص من عندن بصراحة موضوع ولا اروع وقمة بالابداع تم تثبيت الموضوع لفركته النادرة تحياتي |
شو حجي لورد حكولك جاي من المريخ ههههههه
انا رح بلش بقصة للاسف كتير بتصير بمجتمعنا والسبب هو انه فقدنا اهم شي فينا وهي الاخلاق قصة صارت معي قبل سفري لسعودية دغري الصداقة كنز عظيم ومضمون كبير ايام حلوة وناس متل الدهب بيمرو عليك وناس اسوء من ابليس كمان مدينتي ريفي وعاداتنا وتقاليدنا لساها ماشيف فيه القصة هي عن 3 اشخاص انا وتنين رفقة كان بيجمعنا شي اسمو صداقة ليوم سمعت شي عن رفيق منهم صعقني وخلاني بموقف المجنون بيجوز ماحدا يستوعب القصة او كتير يستغرب سبب طرحي الها بس حبيت عرف الكل انه مو كل من صاحبك صار صاحب الك رفيق من هدول عم يرسم او بالعامية وبشكل اوضح متل مابيحكو ولاد الشوارع بدو يطبقها لا اخت رفيقو التاني رامي ورا ضهرو اهم شي بمجتمعنا حرمة البيت الي بيدخلو طاعن بضهر اقرب شخص الو وهو رفيقو وللاسف بقصد سيئ هي موقف انا تعرضت الو وكنت بتمنى ماكون فيه طبعا بس شو ارائكم رح جاوبكم خلئ انت لو مكاني شو بتعمل ؟ |
انا رح رد عليك رامز
انا لو كنت شب وكنت بمحلك أكيد ما راح يشرفني يكون هالشخص رفيئي لان لو ما كانت اخت رفيئنا التالت هيك فهمت عليك انا راح تكون اختي وانا راح كون متل الاركوز الي عارفينو الناس لعبه بس بيضحكولو لما يحكي وبغض النظر انها اختي او اخت رفيئي الصاحب الصح لازم يخاف على بيت رفيئو متل ما بخاف على بيته وكمان شغله مارح فوتو بيتي ما بعرف انا هيك طلع معي لو كنت شب وبمحلك رامز تحياتي |
بالفعل صدمة اعوذ بالله
لو كنت مكانك اول شي رح خبر صديقي اخو البنت واحكيلو عن الي عرفتوو (ومالي علاقة بداخل بيتو هو بيتصرف مع اختو اذا الها علاقة او لاء) رح حط حد للي خان حرمة البيوت وشوف طريقة مؤلمة ما تنسي غلطو ممكن يوصل الخبر لاهلو مثلا او بوسط جمعة تتوجه الو شوية كلمات من الي بحبن قلبك يفهم هوة شو القصة وباقي الناس لاء حفاظا على سمعة اختي الي هية اخت رفيقي وبينقطعلو كرت بلانش نهائي دون رجعة بعد ما يعض اصابيعو ندم وفشر ينقال عنو صديق حتى لو كان قريب من العيلة ومجبر تشوفو كمان مارح يتغير موقفي ورح كون قاسي كتير معو ومدافع عن حرمة البيوت الي عم نفوتا تضرب هيك بشر بلا اخلاء واذا لساتك بتعرفو وصلو هالحكي على لساني (وانت شو عملت ) |
كلام حلو
رح نخلي الحوار مفتوح كمان شوف ردة فعل الاعضاء لو كانت مكاني شو رح تعمل ياترى ؟ |
اذا ماحابين نكفي بالقصة منسكرها ومنعطي مجال لاي عضو يحط قصة
|
انا لو كنت شب اكيد بشرشحو
لانو متل ما ئالت همس ممكن يجي يوم وتصير الشغلي بأختي وطبعن بلغي علاقتي معو تمااااماً ومتل ما ئال لورد ياكلو كم كلمه يفجرو وكمان اكيد بحكي لصاحب انو هيك هيك القصة وهو بيدبر حالو هههههههههه وازا بدو مساعده انا بالخدمه يعني ياكل درس مرتب ههههههههههه وطبعاً بتعرفو كيف دروس الشباب يعني هيك شي هاد رئيي يلا حكيلنا انت شو عملت امير ؟؟ صار عندي فضول صحيح نسيت ئلك انو المووضوع كتيــــــــر حلو وفكره غريبة ونشاء الله مارح يتغبر ههههههههههه تحياتي.. ^_^ |
هلئ انا رح احكي شو صار
انا اول شي عملته سحبت الزلمة على ارض مئطوعة عنا وعملتلو اللازم طبعا شي يرفع الراس ومسكت صاحبي وخبرتو بلي صار وعلى قولة لورد منه لبيتو يصطفل وضليت لوقت سافرت من الشام كل مكان اجتمع فيه لزلمة بهدلو وئلعو واحيانا كون معصب اتصل فيه وفش خلئي واحيانا توصل الشغلة لضرب حتى كل الناس عرفت اديش هو ندل هلئ اذا حدا من الاعضاء حابب يطرح قصة يتفضل |
هههههههههه
يعني ما صار الا وماعملتلو اللازم هلئ الواحد ما لازم يوسخ ادي بهيك حشرة بس يا اخي معك حئ بهيك شي مافي الواحد يتمالك اعصابو تصرفك بالنسبة الي كان سليم جدا وشغل اصول ربيت الشب وماضريت بسمعة صديقك التاني واهل بيتو حيااك وبياااكك تفضلو حطولنة قصة صارت معكن يا شباب |
بدي احكي هي القصة صارت معي ايام خدمة العسكرية
طبعا انا خدمة عسكرية بمدينة كلها ابطال كل اهل نخوة وشرف خدمة بدرعا وبتحديد بوادي اليرموك هلئ انته مستغربين ليش عم احكي بس اسمعو للاخر وادي اليرموك اخصب الاراضي السورية خضرتو معروفة عربيا كتير منيح وطبيعتو ارضو الدافية بتخلي الموسم يطلع قبل كتير مطارح او بتخليه يبلش الموسم عندو اول الشي وطبعا بما انه هيك اراضي محيط بالجيش يعني زل واهانات للمدنين والزلمة لحتى يزرع ارضه لازم يشارك الضابط ولازم يقدملو نص الموسم غير المصاري وغير وغيرات طبعا كل هاد ليزرع (ارضه ) ايجانا بيوم زلمة عمره بالخمسينات تقريبا عندو ارض جنبنا مباشرة طلب شوفة الضابط وطبعا لحتى يبين الضابط انه شي كبير خلا الرجال ينطر شي ساعة وشوي من حركات الضباط دخل الرجال وحكا لضابط بدو يزرع الارض والارض ملك الزلمة طبعا بما انه الضابط السلطة الاعلى شروطو بدها تمشي طبعا بشي مايرضى الله اكيد راح الزلمة المسكين وزرع ارضه وقبل الموسم بشي بسيط الزلمة عنده شب مغترب رجع لبلد وسمع بالي صار ماحملو مخ ونزل خرب الموسم كله على قولة المتل شريك ال ........................... خسار وخسرو تاني يوم بيجي الضابط وبيسمع شو صار طبعا مافي يحكي انه خربلي الموسم ويسلمو لفرع المخابرات جاب الشب ودخل قطعتنا وبلش في كلام من الزنار ونازل وامه واخته وهي الكلمات المعروفة وبعد كم ساعة بهدلة وقتل خلانا نحبس الزلمة بمستودع عنا طبعا نحنا عددنا كان 26 عنصر . والاوامر لابيشرب ولا بياكل ولا بيتنفس لتاني يوم ليجي الضابط هلئ لو انتا مكاني شو بتعمل ؟ |
والله يا صديقي انت بعسكرية
وكل حركة محسوبة عليك انك تهرب الشب هية مصيبة ممكن تروح اهل البلد كلن بس سبحان الله احيانا بصير استعصاء بشوية اسلحة مستخدمة بشي ارنة وجد فية ضابط صدفة (يا حرام ) ممكن تعطبو وتلهي بحالو وقتها الشب بينزت برة لانو صار في شي اهم والضابط شي كام شهر نقاهة بالمشفى العسكري واذا في اعاقة دائمة مافي مانع على الي بيتجبر على الله والقصة مابدها غير تنين تلاتة قلبن واحد ومتفقين (وسئال شؤسمو ؟؟!!!!! ) |
رح نفرض مافي استعصاء شو بتعمل ؟
|
هو ماكان في استعصاء حقيقي
بس تدبر شي مستعصي (عشن التقرير ) بالمختصر الضابط لازم يتصاوب ويلتها بحالو |
والله يااخي انا اخواتي خدموا عسكرية ومنعرف الضباط وحقارتن وانت كنت عسكري ومافيك تعمل شي لحالك يعني اسهل شي عقوباتك تشتغل وعالطالعة والنازلة بلائي حجية عليك وبقول المتل: الي ما بخاف الله خاف منو وانت بتعرف والكل بيعرف انو النظام السوري والضباط الي بالجيش شحادين عايشين عالرشاوي لو كنت محلك انا بحكي لرفقاتي انو هاد متل الرجال متل اخونا وكل واحد مننا كان ممكن ينحط بموقفو اول شي ما بنمد ايدنا عليه لو شو ماصار وبنقدملو الاكل والشرب طبعاً بدون علم الضابط الحقير الي امركن تحبسوه وتضربوه وتمنعوا عنو الاكل ما بعرف انا هيك رايي انت شو رايك؟؟ بتشكركن على الموضوع الرائع واسفة لمداخلتي من غير مااستاذنكم احترامي |
بتنوري اختي ميت اهلا وسهلا
وبالعكس مداخلتك جدا رائعة وبتمنى تستمري بهالمداخلات وكمان تلاقي الرحة عنا بتيرا نورتي |
انا رئيي من رئي رحنة
مافي بئيدك تعمل شي غير انك تطعمي وتحميه من الاتل ولحتى يفرجها الله اما رئي لورد صعب يصير وعبيل ما يتئوس الضابط بيكون الشب راح بخبر كان ههههههههههههههههههه وانت شو عملت امير ؟؟؟ |
لك مو يتئوس بالضرورة
يمكن ينضرب بالكهربا او توقاع شي بلوكة عراسو او يركبو جني اي شي قضاء وقدر عسكري المهم اي شي يلهي بحالو عن الشب والشغلة سهلة كتيييييييييييير |
لالا شغلي مو سهله بنوووب
وبعدين ماتنسا انو في كتير فسادين يعني ازا واحد عرف انو عم يفكر هيك تفكير رح يحكي للضابط وياكل هووووووى هههههههههههههههه |
هههه لك لك والله سهلة
وسئلي شئسمو ولا تسئلي شبيح طيب حدا من الاعضاء يفوت يعطينا فكرة تانية |
انا لو محلك بحاول ئد ما بئدر اريح الشب وئدملو وسائل الراحه على ئد ما بئدر
اما ئصة لورد خياليه مارح تزبط لان الضابط اكيد مو لحاله وفي عوينيه معه والحكي مو متل الفعل انا هيك بعمل لو محلك |
هههههه لك شبكن حنونين
ال يقدمو الراحة للشب هي مصيبة اكبر يا جماااعة صااااارت وبتصير وسهلة بس بدا قلب قوي مو متردد والي جرب الجيش بيعرف شو يعني استعصاااء وتطلع الطلقة لحالها اي شي سلك كهربا مزلط ينتر الواحد مترين لفوء برجع بئلكن سألو شؤسمو (يعني مجرب) رامز قول شو عملت نفخت قلبي |
ياعمي شبكن فايرين
رح احكي شو صار وخلص القصة الي صار باختصار انا وتلت بما انه الضابط كان وقت نزلت لبيتو هربنا الشب وخلينا يطلع برات الضيعة كم يوم وطبعا بما انه نحنا جيش اكيد ماحدا رح يسدق يهرب لحاله المهم تاني يوم الصبح جمعنا الضابط وبلش بدي اعرف مين ساو هيك ومين عمل هيك لانه بهيك موقف ماعاد يهمو شي اكتر مايعرف مين الي كسر كلامه المهم وقت شفنا القصة رح تكبر ونظلم الكل الي معنا اعترفنا لضابط ان نحنا لهون خلصت قصة الشب وبلشت قصتنا طبعا ماحدا بيتوقع 10 ايام كيف قضنيها كواع وركب ماضل مكان بالفصيلة مادرنا الدم صار متجمد على ايدينا هي بالنهار وعند العصريات كم ساعة دركلة على الشوك والمسا لازم يغسلونا بكم صهريج مي عشر ايام هيك صار وبعدها تحويلة لسجن مع 16 يوم وشهر خدمة زيادة هي الي صار واذا نزلنا سوريا لورد رح اجمعك مع الي كانو معي لانه بجد حادثة مابتنتسى طبعا غير هيك صار بدو يغرمنا بحق المحصول بس مارضينا ونوينا لو بدو يكبرها نكبرها ونهرب من الجيش هلئ الي بحب يحكي شي قصة يتفضل |
نحنى منشوف الحلول غير ما انتو بتشوفوها
يعني بضل نظرية الشب غير البنت انا بدي اكتب ئصه صارت معي هلا انا تعرفت على بنت وصارت رفيئتي وهي رفيئتي بتحب شخص هالشخص حاول يعمل معي علاقة حب وحجتو انه بحبها بس كمان حبني لو بمحلي شو راح تعملو ؟؟؟؟؟ |
شو هالزلمة الحبيب كتير
ال بحبها وحبك حبو برص انشالله شو هالقلب الي بيسع تنتين لك انشالله بتطرقو العين مكانك انا بلعن الي عرفني على هيك شخص وبلعن هيك شباب لانه ببساطة بكرة بشوف غيرك ورح يحبها وهو بحبكم شو هاد شي بيوجع الراس لنشوف الي بعدي شو رئيه |
مين سمير .......!
|
ههههههههه تضرب
من وجهة نظري لازم تخبري رفيقتك دون تردد وتحطي عند حدو وتربي اذا فيكي للشب وكلام رامز صح هاد حبيب وقلبو بيساع كتير يعني واحد فارغ ومابيستاهل ينذكر عنو اي شي بعدين شلون رفيقتك حابة هيك واحد احلى شي يكون في ثقة بيناتن كمان هههه لو محلك بقطع العرق وبسيح دمو |
ال بحبك وبحها ال لك يضرب بشكلو منظرو شو وسخ لو محلك بحط صرماية عتيئة بتمو وخليه يعض عليها وبزئ عليه ليصحصح لانو يمكن نايم او فاقد وعيو ليحكي هيك والي بيحكي هيك كلام لا بحب ولا شي كزاب ابن كزاب ومفكر بنات الناس لعبة فورلي دمي الحيوان لو كنت مكاني شو بتعمل |
هلأ انا لو مكانك اكيد مارح خبر رفيئتي دغري
يعني بستدرجو شوي لشب وباخدلي كم دليل هههههههههههه شغل مخابرات لانو بيجوز صاحبتي من ئد ما بتحبو ما تسدئني وتفكرني من غيرتي عم اعمل هيك يعني بعطيها كم دليل وبحطها بئمر الواقع ومكسرلو ئلبو انا وياها سوا يعني نتفئ عليه ونحسب انو الله ما خلئو يعني نشحرو تشحيييييييير |
احكيلكم شو عملت اول شي ترددت انه احكي لرفيئتي
بس بمجرد اني فاتحه اله مجال يحكي معي بهيك موضوع اعتبرتها خيانه لرفيئتي طلبت منه رقم موبايله وحكيت مع رفيئتيانه رقم احمد معي حكتلي اول شي لا بيمزح معكمو رقمه حكيتلها الي بيمزح ما بيعطي رقم موبايله من شان باقرب فرصه احكي معه والصدمه لما ضربت عليه وهيه حكت معه وتركت الها البائي ما ئصرت فيه اكل نصيبه وحكتلي صار يتأسفلها و انه كان غلطان ومابيعرف كيف هيك صار المهم تركته وهوه بعده بحاول يحكي معها وبس |
هموس ليكى انا انحطيت بنفس موقفكـ
انو كان الشب بيحب رفيئتى ورفيئتى حكتلي هاد الشئ كمان وئبلها حكى انو بيحب رفيئتنا التالتة المهم بعديها بفترة حكالي انو بيحبنى وهيك شئ طبعا انا كنت منصدمة لما حكا هيكـ وفار دمى كتير لئنو بيعررف اد اييش انا بحب رفيئتى وعنجد انقهرت من تصرفو الاهبل هاد بوقتها ئلت بدى استدرجو لحتى اكشف خبثة واسترسلت معو ب الكلام لما اتاكدت انو بكامل قواه العقلية بيحكى معى انو بيحبنى ئلتلو اوك رح رد عليك بس اعطينى فرصة فككر ما اعطيت حالي فرصة لحتى ففكر لئنى ما باخد بقايا صيد الذيب واساسا شب متل هيك ما بيستحق انو حدن يعطية اهتمام فما بالك تعطية حب او قلب ب المختتصر ما بتئمنوو حتى ع اسسمكـ من وئتهاا حكيت لرفيئتى هاد الششئ يلي صار وكل حرف وكل كلمة صارت بيننا هي ب البداية انصدمت من خباثتو لئنو كنا مفكيرنو شب مافي مننو وانو مستحيل يعمل متل هيك شئ بيضر البنت يلي بحبها وبيضر رفئاتها رفئاتها يلي كانوو بيفكروو متل خييهم واكتر كمان لما تواجهنا ضلو ينككر وبيحكى حكى ما بيدخل المخ شرشحنااه ودئ ب الحكى الين عاف حالوو نحنا مرئنا الموضوع ع اساس انو نحنا مصدقين كزباتو مو لشئ بس رئفاة بحالو وما تبقئ من كرامة ئلو لو كنتو بمكانى شو رح تعملو |
بسم الله الرحمن الرحيم [
اخي رامز انا عضو جديد ارجوا ان تسمح لي بهذة المناقشة الجميلة ليس كل صديق صديق واصبحت الصداقة المخلصة والوفية نادرة في هذة الايام اكثرها مصالحح وانانية اما مشكلتك مع صديقكم هذا خائن الزاد والملح يجب مقاطعتة والابتعاد عنة حتى لايتطاول على الاخرين الى ان يرجع الى طريق الصواب تحياتي حزين للابد [/color][/size] |
اهلا وسهلا فيك اخي واكيد اسعدني تواجدك
والموضوع للكل يحكي فيه |
عدنا شو وين المناقشات ولا خلصت الئضايا الي عنكم ؟؟؟ |
| الساعة الآن 09:20 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
