|
اذا مابتقدر توفي لا توعد
[عزيزي الزائر يتوجب عليك التسجيل للمشاهدة الرابطللتسجيل اضغط هنا] قاعدة بغرفتا وسرحانة عم تتذكر أيامن سوى أحلامن وكل ذكرياتن ... عم تفكر ليش هيك تفرقوا ... ؟؟؟ فجأة رن موبايلا يالله هاد رقمو هاد حبيبي .... استغربت ... تلبكت ... فكرت معقول يكون بطل ورجعلي ... قامت بسرعة سكرت باب غرفتا وردت ... ألو كيفك ... تمام منيحة كيفك انت منيح خير صاير معك شي لا بس حبيت اطمن عليكي (بعقلا عرفت انو مارح يرجع ) اي منيحة كلو تمام كلشي منيح الحمد لله طمنتيني وسكت ..... لك شبك سكتت وين رحت ؟؟؟؟ لا لا بعدني معك سامحيني .... سامحيني لك عشو ؟؟؟؟ على اني خليتك تحبيني علقتك فيني وما كنت قد الوعد لا عادي .... بعرفك مخبية دموع وغاصة كالعادة بتكتمي هه لك لاء عادي ..... (غصة بقلبا رح تخنقا ) عادي عادي لا تهتم [عزيزي الزائر يتوجب عليك التسجيل للمشاهدة الرابطللتسجيل اضغط هنا] طيب بدي قلك شغلة حاسي بتمك في حكي وناطرتك لتحكي ( معقول يكون بدو يقلا لساتني بحبك ورح اعمل المستحيل لتكوني معي ) بكرا عيد ميلادك ههه مجنون اي .... بس كمان في شي تاني شوفي بسرررعة قول ... امممم بصراحة بكرة بكرى ....... يتبع |
رد: اذا مابتقدر توفي لا توعد
ننتظر .................
|
رد: اذا مابتقدر توفي لا توعد
بكرة بكرة خطبتي .... ههههه لك الف مبروك وليش هيك عم تحكيها الي بيسمعك بيفكر ميتلك حدى عم تضحكي ؟؟؟ ههههه لك اي اي اي انبسط ولو ... هههه .. والله وصرت عريس مبرووووك مبروووك الله يبارك فيكي بس عشو اني اخدت بنت ما بحبا ؟؟؟ اي اي بتحبا مع الايام لك قلبي وعقلي .... معي مو ههههه ؟؟؟ خلص خلص ولا يهمك ببقى برجعلك اياهن .... حاج تتمسخري ... غصت بدمعتا .... اختنقت ... ليك ليك في حدى عم يناديني يالا منحكي بعدين .. اطلع عالساعة عرفا عم تكذب لانو مو وقت يكون حدى فايق ويناديها ماشي بنحكي بعدين لا لا مافي داعي سلام واتسكر الخط ..... وغرقت خدودا بدموعا وعيونا عم تتطلع بالسما وقلبا عم يحكي ويتمنى [عزيزي الزائر يتوجب عليك التسجيل للمشاهدة الرابطللتسجيل اضغط هنا] يتبع |
رد: اذا مابتقدر توفي لا توعد
ومازلنا ننتظر .......
|
رد: اذا مابتقدر توفي لا توعد
زتت موبايلا .... ..غرقت بدموعا ... لك ليش ؟؟؟ ليش هيك ؟؟؟ ياربي .... والله ماعملت شي ... حبيتو وبس ياربي صبرني ... كيف رح اتحمل مجرد تخيل أنو معا رح يموتني ... كيف اذا صار حقيقة ؟؟؟؟ فتحت محادثتن وسرحت مع الي مكتوب فيا كيفا ئطئوتي مياو مياو ههه هي منيحة بلغة الئطئوطات دخيلو انا الي بتعرف لغة الئطئوطات ولغة قلبي بحبك ... دخيل قلبك وجنوناتك ههه اي بيكفي انتي العاقل اي خليني انا العاقل وانتي جني بحب جنوناتك بموت فيكي بحبك ياروحي انتي هون زتت موبايلا كذاب ... كذاب ... بس بحبك ياربي شو اعمل ؟؟؟ رجعت فتحت على صوروا وهداياه تعليم ... حذف .... تأكيد الحذف ... والله ماعم يجي من قلبي امسحن كل صورة الها ذكرى عندي كل وردة فتحت عيوني عليها الصبح عطتني فرح ماحسيت متلو كل .... وكل .... وكل ..... كلو كان امل وفرح وحب وسعادة لقلبي والله ماعم احسن احذفن هدول عوض عن عمري الي راح وفرح عمري معو ويمكن هدول الي رح يصبروني ببعدو . وهي عم تفلب بالصور وصلتا رسالة فتحتا .... [عزيزي الزائر يتوجب عليك التسجيل للمشاهدة الرابطللتسجيل اضغط هنا] يتبع |
رد: اذا مابتقدر توفي لا توعد
واقع أليم ... متابعون ...
|
رد: اذا مابتقدر توفي لا توعد
عبير .... لورد ... عاشق الياسمين اشكر لكم متابعتكم ودي لكم |
رد: اذا مابتقدر توفي لا توعد
مسحي دموعك ... مافي شي مستاهل ... انسيني اكرهيني ... ادعي علي خليني موت ... لك اييه خليني موت شونفع الدني من دون عيونك ... ديري بالك على حالك يامجنونتي ... ماني كذاب والله ماني كذاب ... بس شو اعمل لامي اذا خدتك بغضبا وان ما اخدتك بكسر قلبي وقلبك لك ااااخ من هالموقف الصعب ماهان عليها يحس انو عم تبكي كرمال كبريائا وكرامتا بعتتلو ههههه ليش لابكي .... عم حط عشا ... حول ياعريس لك انبسط وروق ولا تبالي بشي واهتم ب****تك ودير بالك عليها واذا مافهمت عليها دقلي انا بعلمك عقلية البنات ... وانتي مانك كذاب ... اطمن ... يالا سلام ياعريسنا ...... ....... مسحت دموعا بدي ناااااام ... بدي انسىىىىى هو هلاء عريس ومبسوط ... ليش لأبكي انا ؟؟؟؟ مرت ساعة وتنتين وتلاتة وماكانت تقدر تنام لك اخ ياربي شو اعمل ؟؟؟ ياربي موت قبل بكرة ... رسالة عالواتس .... فكرت رفيقتا قالت يالا بتسلى شوي فتحت وهي موشايفة بعيونا يالله هاد هوة ليش فتحت ردت .. انا تمامو ماتنام انتي وتريحني لسة كل شوي بتفيقني من نومتي نام انتي بكرة عيونك مابيزبطو عالصور لك حاااااج بيكفيكي هيك حاج قساوة هههه طيب طيب بدك شي لويييين الله يخليكي خلينا نحكي مو انا طلعت قاسي خلص رح ريحك مني لك مو هاد قصدي عادي عادي ولا يهمك طيب شو اعمل لاتحمليني ذنب لك قلتلك عادي عادي طيب لاخر مرة خليني خبرك شي والله امي خيرتني بينك وبينا هي وحدة ... والتاني الظروف تغيرت ...... مستقبلي ... الناس ... المجتع ... لك عمو انا ماعاتبتك ... ولا لمتك خلص روح الله يسرلك كذاااابة ... لوسمحت لاتحكي معي بهي الطريقة لك نسيتي اني بحس فيكي ونسيتي انو لمن بتتوجعي بتوجع انا ( بقلبا عم تقول ... انا ما نسيت بس يمكن انت نسيت ) لك خلص بيكفي بقا عمو انا بكررررهك بس انا بحبك ومابدي غيرك هه لك حاااااج كذب بكرة انت رح تكون مع غيري وانا الله اعلم بحالي والله اعلم فيني لك وانا حاسس فيكي ... رح دقلك بدي اسمع صوتك |
رد: اذا مابتقدر توفي لا توعد
دقلا صوتا مبحوح ومو مسموع صوت حدى مقهور شو ليش ساكت احكي بحبك ... بحبك كذاب لك بحبييييك والله لاتتجوز ... لا تتجوز ... وبلشت تبكي كرمالي لا تبكي دمعاتك غالين علي حرام ضحكتك تروح لاتتجوز أنا مابقدر اتخيلك معا او قلك لشو الحكي اتجوز وانبسط وانا بتمنالك كل السعادة طيب وهلاء من بعد اذنك انا نعست وبدي نام ضمت دبدوبو وعم تستنى بكرة [عزيزي الزائر يتوجب عليك التسجيل للمشاهدة الرابطللتسجيل اضغط هنا] |
رد: اذا مابتقدر توفي لا توعد
للأسف هي الواقع تبعنا
الواقع مو مؤلم الواقع ناقصوا الرجولة الرجولة الي بتخلي شب يدافع عن حبيبتو متابع اختي |
رد: اذا مابتقدر توفي لا توعد
تسرني متابعتك اخي اسعدك الرحمن |
رد: اذا مابتقدر توفي لا توعد
متابعتك سحابه
|
| الساعة الآن 06:45 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
