|
الســــــــلام عليــــــــــــــكم
مرحبا جميعا ............ ولا تآخذوني كنت بظرف ما كنت اقدر أدخل ........ وهلأ بعد إذنكم جميعا .......... رح أنزّل سؤال .....؟؟؟؟؟؟؟!!!! وبدي الصراحه منكم جميعا ....... وكل الشكر سلف وهالشكر مميز لان تشكرتكم قبل ما أسألكم ..!! كيفني معكم ............ والله حيكم جميعا ..... ونبدأ ................ ليه الشباب يحبّوا بنت وتنين وتلاته أو بيحبوا بنت ويحكوا مع بنتين وتلاته ...!!!!! وإذا عرف الشاب إنه البنت تحكي مع غيره بيجن وبيعمل عنتر ..............!!!!؟؟؟؟؟؟ وكمان البنت كذلك الأمر أو تكون تحب شب وتكون معجبه بغيروا وغيراته (( يعني تعجب بشباب آخرين )) وأيضا بتنقهر وتزعل وتجن إذا عرفت حبيبها معجب بغيرها ..........!!!!؟؟؟؟ ولا حدا يسألني ما بيصير هالحكي ......... لأن صاير وصاير وصاير ...... عفوا بس مهنتي يللي أعمل بها ألتمست هذا الشيء ............... والكلام غير معمم أنتبهوا غييييييييير معممممممممم ....... والآن أنت يا غير مسجل ماذا تحكم على هذه الأصناف وبماذا تنصح القارئ بهذه القضيه .....؟؟؟؟ وشكرا جميعا لكم وتقبلوا مروري وأسألتي اللتي ربما غليزه بعض الشيء ........!!!! ولكنها صدقوني موجوده ............. وسلامي عليكم جميعا أخوكم ليــــش لا ء |
صباح الخير ليش لاء
بحكم انو انت قلت التمست هالشي بمهنتك معناها انتو اصدقاء ( شباب وبنات ) وفرضا البنت او الشب حبوا بعض ما معقول ما يحكوا مع البقية لانو هدول التنين قرورا الحب مو مقبوله بالمرة لانكم اصحاب عمل وبدائرة واحدة بعدين الحب شغلة كبيرة كتير برأيي ومو كل من هب ودب قال انا حبيت وتلاقيه بيحب كذا وحده هالشي برأيي مستحيل ،، لانو اللي بيحب فعلا مستحيل يحب كذا وحده ويجرح مشاعر اللي بحبها ويقلل من احترامها ورح تكون مشاعرو مشتته ومتناقضه وبعقلو الباطني بيعمل تميز بين الاخريات وبرجع لكلامي هون انو هاد مو حب هاد لعب بالمشاعر ورغبات وغرور وحب الانا للظهور امام اصاحبه انو هو عندو كم من المعجبات ،، طبعا انا بحكي هالكلام وجوابي بيشمل الشب او الصبية بالنسبة للغيرة طبعا ما في حدا ما بغار بس طول ما في ثقة ومتأكد من مشاعر الشخص الي بحبك مستحيل تغار وخاصة اذا بدي احكي بمجال العمل وانت اساسا بتعرف انكم كلكم اصدقاء وأكيد أي واحد منهم لما بيختار التاني رح يختار الاسلوب والادب وووو اللي لفت انتباهو لحتى فرضا يحب ليش مثلا هون يغار او تغار مادام اختار بنت بين الشلة وشاف اخلاقها الحب مشاعر انسانية عظيمة ومو استهتار وقلنا قبل هالمرة انو بيطرق القلب بدون استئذان فكيف بدنا نجمع اكتر من حب وكيف بدنا نعجب بأكتر من شخص الحب برأيي لازم ينعطى حقو وأن يحترم بجد ونعرف كيف نتعامل مع اللي منحبه بكل أدب والا ضاع الحب وتكررت التجارب الفاشلة هذه الاسئلة أخي الكريم واقعية كما قلت لكنها غير مقبوله ولا تدخل بالعقل نهائيا والله يهدي جميع بنات وشباب المسلمين وتردهم الى دينك ردا جميلا احترامي لشخصك الكريم وبانتظار تعقيبك على اجابتي وبانتظار اسئلة جديدة منك دائما ربي يحفظك |
بالنسبة للصحة كيف
هلااااااا حبيبي ليش لاء باينتك فايت على الخفيف باسئلتك يالله رح اعتبرها بداية ؟؟؟ المهم سؤالك سهل ممتنع بس هاد الواقع؟؟؟؟؟ اول شي بدي قلك انو نحنا شرقيين يعني فينا حب التملك والغيرة العنيفة يعني انو صح تماما الشب او البنت نضرب على قلبو ويحب هو مو حب بس بفكر انو هيك يعني بيحكي مع كذا وحدة بنفس الوقت وهون الانا هي الظاهرة ونعم عم ياثبت انو عنتر زمانو وهي عم تاثبت انو النجمة تحت الاضواء والمرغوبة كتير ووقت اللي بيجي حدا منن وبشوف انو الطرف التاني خانو او حكا مع غيرو بجن وبطير عقلو وقال بصير يقول انو انخان وانجرح وانعمى واكل هوا ومن هالحكي الفاضي يعني هو اي والتاني لاء........ انت هلاء بدك حل اخي بصراحة كلنا هيك ومافي حل .... ليش..... لالك ليش لانو هي عادة غريزية فينا وانخلئت على اجيال متعاقبة لا انا والانت فينا نغير وهاد واقعنا وهي نفسيتنا الشرقة وانا بختلف مع نسمة بشوي امور ..... وللنقاش بقية .......................................... |
يعطيك الف عافية مشكور اخي على الموضوع الرائع تقبل مروري
|
وبدي الصراحه منكم جميعا ....... وكل الشكر سلف وهالشكر مميز لان تشكرتكم قبل ما أسألكم ..!! كيفني معكم ............ والله حيكم جميعا .....
ونبدأ ................ ليه الشباب يحبّوا بنت وتنين وتلاته أو بيحبوا بنت ويحكوا مع بنتين وتلاته ...!!!!! لان الشب قلبو مجزء اربع اجزاء طبعا انا من كلام علمي بحكيك والبنت كمان اربع اجزاء لكن للزوج والاولاد والعاطفة وللاهل وإذا عرف الشاب إنه البنت تحكي مع غيره بيجن وبيعمل عنتر ..............!!!!؟؟؟؟؟؟ اكيد رح يسوي عنتر لان الغيرة بدمنا والغيرة محبة والبنت نفس الشي تغار وكمان البنت كذلك الأمر أو تكون تحب شب وتكون معجبه بغيروا وغيراته (( يعني تعجب بشباب آخرين )) وأيضا بتنقهر وتزعل وتجن إذا عرفت حبيبها معجب بغيرها ..........!!!!؟؟؟؟ بتنقهر وتجن لما حبيبها يلاقي انها مقصرة معو فبروح يدور عاطفة وحنان اكتر يعني البنت هيه لازم تحافظ على الحبيب لا يطير ويروح عش تاني هههههه ولا حدا يسألني ما بيصير هالحكي ......... لأن صاير وصاير وصاير ...... عفوا بس مهنتي يللي أعمل بها ألتمست هذا الشيء ............... ماراح نسالك ومنعرف انو صاير ولا يهمك والكلام غير معمم أنتبهوا غييييييييير معممممممممم ....... والآن أنت يا القلب الجريح ماذا تحكم على هذه الأصناف وبماذا تنصح القارئ بهذه القضيه .....؟؟؟؟ وشكرا جميعا لكم وتقبلوا مروري وأسألتي اللتي ربما غليزه بعض الشيء ........!!!! ولكنها صدقوني موجوده ............. حبيبي اسئلة مش غليظة الغليظ اللي يحكي انها غليظة انا رايي بالموضوع انو اللي يصادف حب حقيقي ما يتخلا عنو شب كان او بنتط وتاني شي البنت الي تلاقي حبيب وبحبها تحاول تخلي دائما مليء بالحب والحنان مشان لا يفكر بالهروب ويروح لبنت تانية وثالثا بتشكرك انتا ولورد وبسمة على النقاش الجميل والواقعي وبتمنى من بيسو تاني مرة لما تدخل مو ضوع نقاش تناقش ودمتم بخير بانتظار ردك على اجوبتنا واسئلة تانية يا حبي انتا |
على شو النقاط اللي بتختلف فيها معي ؟؟
انا بجاوب على اساس انو هالشي موجود بمحيط العمل والشرقي هون والمتعصب من الاساس ما يحب وحده من المجموعه حتى ما يغار أو تبطل من الشغل ويريح راسو بانتظارك لورد |
ولو اني ما جربت الحب ولا غيره ولا الحب لسه ما مر من جنبي
بس بقلك ااحس انه قلب الرجل بيحمل اكثر من وحده وبيقدر لهالشي رغم انه يتورط اذا كان متزوج ده من خلال الي بنشوفه اما الغيره بالنسبه للطرفين فهذا شي طبيعي والي ما بيغار هو الي مش طبيعي افكر لو حبيت اقتل حبيبي لو فكر يطالع في غيري هذا من قبل لاعرفه عشان كذا لازم كلا الطرفين يحترم نفسه قدام الثاني او من وراه ويبطلوا لعب بعد الزواج وقبله كمان عشان ما يشوفوا المشاكل المنتشره الي بنشوفها من خلال الناس |
اخي كلامك منطقي جدا بالنسبة للغيرة
الغيرة ضرورية وانا قلت هالاشي بس الغيرة اذا زادت عن حدها غلط وبتشكر ردودكم بالنسبة للاخت بسمة انا ناطر اجابتك لورد |
الســــــــــــلام عليــــــــــــكم
يعطيكم العافيه جميعا ......... وأنا سبق وتشكرتكم ورح رد اتشكركم لانكم تستاهلوا أكتر .... وهلأ شو رأيكم أنو الحب أكبر كذبه ..............!!!!!!!!!! وكــــذبـــك حلــــــــــو .... بما أنو الأمر واقعي وأنا مع هالشي هاد يعني الحب كذبه وأكبرها ..... ووقت قلت إني ملتمس هالشي ما أقصد بأصدقاء بتاتا .... يعني مو معي بالعمل ، وإنما مهنتي هي التعامل مع الجنس اللطيف (( أكسسوارات و........... إلخ وأيضا مع الشباب ... لهذا قلت ملتمس هذا الأمر ....... أما بالنسبه للغيره فموضوع آخر ......... فأنا غايتي من الموضوع .... إن الشاب أو الفتاة عندما يحبوا يجب عليهم أن يحسبوا حساب هذا الأمر ........ إن يرى أغلاطه قبل أن يعلق على أغلاط حبيبه ..... وهذا شبه مستحيل لكنه موجود .. وجملة الحب أكبر كذبه لا تفهموني بمعنى الكذب المعروف ...... وإنما وصف من أوصاف الحب الكبيره ويحمل الكذب النصيب الأكبر بأوصاف الحب .......!!!!! ودمتم بحب ................ وتقبلوا ردودي .... وهذه وجهات نظر ليس إلاّ ........ ولا حدا يوجهلي أية عبارات قاسيه منشان ما أزعل والله بزعل منكم ها .... وببطل حبكم ....ههههه والله حيكم جميعا ................. |
فعلا ليش لاء أن نرى اغلاطنا قبل أن نحاسب الطرف الآخر
وضحكتني على كلمة كذبك حلو ههههههههههه صدقت والله كذبة كبيرة اخدت اكبر من حجمها وما رح نفهمك غلط وكنا مرة بناقش هذه القضية الا وهي الحب بشكل عام وانو أغلب قصص الحب كانت حزينة ومؤسفه طبعا ان كانت قصص عالمية أو عربية مشهورة دايما كنا بالآخر نرى منهم صورة مظلمة لا اريد أن اظلم هنا الحب والمحبين لكن اتمنى ان اسمع عن حب حقيقي استمر بنفس الوتيرة من بدايته لنهايته ،، لكن متأكدة بأنه محال أو كما يقولون احلام وردية منتشكرك كتير ليش لاء وبانتظار منك عيار أخف هذه المرة هههههههههه تحياااتي لك |
اقتباس:
اقتباس:
طيب بسمة رح خبرك شو النقاط اللي شفت فية وجهة نظر تانية انت قلتي انو هالقصص واقعية صح بس قلتي غير مقبولة ولاتدخل العقل ماهون المشكلة انو الغير خلاها عادية وسهلة للبعض بعدين انت قلتي انو اللي بحب او بيحكي مع اكتر من وحدة بصير مشتت وعقلو الباطني في تمييز ........ هون انا بعترض على نوعية هاد الشب يعني ..... هالنوع التافه من الشباب ابدا مو مشتت وبعقلو الباطن في تجسيد رهيب ومكتسب للمراوغة واول المراوغة على نفسه هو ........... سدئيني انا بعرف كتير منن وبعرف شلون بيتعامل بكل برود مع كل اللي بيعرفن وكيف بعيش كل وحدة بجو مختلف عن غيرا وبكون فنان باللعب بالمشاعر استغفر الله ربما نقاط خلافنا قليلة ولكن ما نتفق عليه هو الاهم بان هذا الشيئ امر مرفوض جملة وتفصيلا ..... نحن اصحاب مجتمعات رغم تنوعها الا انها محافظة والاسلام ديننا ومن لا يعي ذلك فهو من الخاسرين وكما قلتي هدا الله شباب هذه الامة يتبع ............................. |
اقتباس:
صحي الغيرة ضرورية وكتير كمان والغيرة عند حدا الاعلى اسمها غيرة وبتضل مقبولة بس زيادة الغيرة الي بيحكو عنا هون تعدت الغيرة وخرجت عن تسميتها وصارت قلة ثقة وشك فوقت بتتحول الغيرة لمرض فهون الشك هو القاتل وما عاد للغيرة دور بالموضوع ......... هيك راي خبرني عصام انت شو رايك ؟؟؟ معي ولا لاء |
| الساعة الآن 04:39 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
