|
تغير جذري ...
السلام عليكم ورحمة الله وبركاته ... كيفكم شحولآكم شعلآمكم .... انشآلله زينين .... والله يتقبل صيآمنا وصيآمكم ..... نرجع للموضوع .... بصرآحه حال المنتدى متراجع كتير .... لآزم نعمل شي ازا هالمنتدى بعني شي النا .... ما بدنا نجيب مواضيع ونسخ من المنتديآت او الواقع .... بدنا نطلع الافكار الي جوا ... بدنا نبلش نعمل تغير جذري ما بدنا نركن ع مواضيع ئديمه ونحيهآ .... بدنا كل واحد بطلع الافكار الي جوا بطلع فكره حصريه مش موجوده .... مسابقات مش موجوده غير عنا لآن احنا عملناها .... مواضيع نقآش مش موجوده غير هون .... .... وعالمسابقات بنعمل جوائر قيمه بشآن يصير تفآعل .... بس المهم تكون مواضيع احنا عملناها ..... مواضيع طلعنا المواهب والافكار الي جوانا .... نطور حالنا نبني حالنا .... كل شخص لو ضل ساكت وما بعمل الي جوا وبطور الي جوا ... ما رح يوصل حتى بحياتو للشي الي بدويآ ... خلونا نبلش من هون نطور بالافكآر ...... ما بدي تقرو وتحكولي موضوع حلو وبس .... ويروح هيك كانو ولآ شي { سمعنآ من هون وطلعنا من هون ْ} .... بدنا تغير جذري .... بدنا افكار احنا بنعملها مع تطوير ذاتي .... مثلاً ... في افكار احنا الي عملناها بالمنتدى ممكن نطورها مثلاً المسابقات الادبيه ما شآء الله انتبهت الي هون كلهم قادرين على الكتابه والمدونات خير دليل ..... بتمنى نبلش .... بصرآحه انا لآن كمان شهر ورح يقل تفآعلي كثير ... لآن انا طالب وحاب نعمل شي قبل ما يقل تفآعلي .... بكفي حكيت كتير .... :2222[1]: :160: |
رد: تغير جذري ...
ان شاءالله كلنا رح نتفاعل اخي
بس لاتحسبا هلئ انو وافقت ع رايك معناتا صرت معكن هههه معليش بدي نوه ع شغلة بعد ازنكن هلئ قصة الثورة والادارة طالعوها من المواضيع التانية لحتى كل موضوع ياخد حقو ويكون الرد ع الثورة والادارة بالموضوع المخصص الو وكمان بالاحاسيس المبعثرة لانو قسم كل واحد يحكي شو مابدو وبقسم الالعاب ان بدكن بس عدا عن هيك بليز بتمنى كل قسم ياخد حقو بالرد وكل الشكر الكن والك حمودة ع الفكرة الرائعة يلي طرحت هون |
رد: تغير جذري ...
هههههههه ....
شغله الثوره شغله مزحه من زمان بلشت فيهآ .... وهلئ رجعتها ... هي فكره تغير .... وفكره تفآعل .... الثوره ما الها خص بهالموضوع ههههههه ..... انو هاد موضوع بصرآحه لكل شخص ازا بحب المنتدى ... او يعتبر انو المنتدى شي بالنسبه الو .... انا هالمنتدى من سنيييين وانا في .... وقطعت فتره منيحه .... هالمنتدى بعني كتير الي ولغيري وانا متآكد ... مش حآب هالمنتدى اخرتو بكون صفحه طويت و عليهآ كميه من الترآب في عالم الانترنت ..... لآنو هالمنتدى مش مجرد صفحه عالانترنت .... بهالمنتدى تعلمنا كتير شغلات ... وزي ما هالمنتدى وئف معنا وعلمنا شغلات ... لآزم نوئف معو ونوئفو زي ما كان وآئف ... بعرف الظروف اثرت كثير الظروف السوريه والمصريه والفلسطينيه كلها بكل الدول كلها اثرت .... الناس تغيرت ... والفيس بوك و والتويتر وغيرو خلى الناس ما تفوت على منتديآت .... بس هالمنتدى بشوفو احلى بكثير من الفيس .... المنتدى هاد زكريآتو بتضل في بكل صفحه وحيطه .... ما بتروح زي الفيس لسنييين لورآ وما رح تئدري تطلعيها .... انا بصرآحه تعلمت الرسم هون بالمنتدى وفزت بالمسآبقه ... تعلمت اكتب هون بهالمنتدى .... تعلمت اناقش هون ... تئريباً 4 سنين انا هون مش ئليله عشره عمر هي ... والناس الي هون حقيقه وواقع مش بس عالم انترنت .... هي عيلتنا التانيه الي هون .... ف مستحيل اي حدآ بحب بيتو بتركو بنهد .... الفكره هيك من الموضوع وما خصهآ ثوره واداره ........ الفكره انو المنتدى ما رح ينهد ورح ينبنى وبصير احلى ..... بس ينبنى بآفكارنا احنآ مش افكار غيرنا ... الوهم عمرو ما بنى |
رد: تغير جذري ...
وانا معكم بهالشي بالعكس نحنا سبب اختيارنا للمنتدى واستمرارنا فيه هالشي انو المشاركات والردود منا روتينيه ومن تبعين النسخ والللصق
بس بعض الاقسام صحيح يمكن ما فينا نحطها كليا غير منقوله ك الاسلامي بس العضو هون لازم يبين براعتو ويحط بصمتو فيها ينعني باسلوب الشخصي ،،وان شاء الله الكل يتفاعل بهالموضوع بالنقطه اللي حكتها انين وجهه نظر صحيحه بنعرف انو موضوع الثوره وهيك مزحه وفرفشيه وبالعكس حبيناها كتير وعملت تفاعل وتحديد حلوو بالمنتدى بس لازم ماتكون بكل الموواضيع مشان ما نتجهه للملل والروتين وننفر الاعضاء وهااد مابدنا اياها يصير ويعطيك الف عافيه ع الافكار الحلوو والخطنطيره ^_^ وان شاء الله لللافضل للمنتدى |
رد: تغير جذري ...
انا زلمة معارض
|
رد: تغير جذري ...
بوركت اخي محمد وكلامك يوزن بماء من ذهب
يجب على كل عضو ان يبدا يثمر من ابداعه ونبتعد عن اي شيء ممكن ان يكون نقل دخلنا الى هنا وتقريبا لانعرف معنى الرد او صندوق المحادثات او تثبيت او تقييم او او او التواقيع الفلاشية مثلا يوم دخلت هنا لم اكن اعرف ماهوة البرنامج الذي يصنع التواقيع ولا حتى اسمه .... واليوم أرى الاعضاء ولنقل الجدد مثلا سحاب وانين وكوايت كيف تطور اسلوبهم وبشكل سريع حتى الردود على المواضيع بدات تاخذ لديهم فعالية اكبر وكانهم عاشوا الموضوع فعلا وليس مجرد مرور او تسجيل مشاركة وباتو شيئا فشيئا يدخلون مع صاحب الموضوع بنقاش الموضوع نفسه وايضاح الاعجاب وعدم الاعجاب ولماذا وكانهم يصححون اخطاء بعض ويبحثون عن الأفضل ان عدنا للوراء اذكر بان اغلب الاعضاء الجدد كنت اوجه لهم ملاحظات يومية ليتقدموا كما كان نضال يوجهني عندما دخلت هنا الموجودين الحاليين لم اقدم لهم ولا اي ملاحظة على ما اذكر فقط استشارات وتثبيت وحذف بقي لديهم خطوة واحدة او خطوتين وينتقلون الى الاحتراف قد يقراون مشاركتي الآن ويقولون (احتراف) ؟؟؟ بتنا نعرف كل شيئ ماذا بقي لا مازال المشوار طويل وعليكم الانتقال وبسرعة لمرحلة الأحتراف بكل شيئ مثلا من بوادر الاحتراف اعجبني رد سحابة صيف على موضوع كوايت السجن واعجبني في هذا الموضوع رد انين واقتراحها بموضوع الثورة والادارة وانا معهم تماما بكل ماقالوه وهذا دليل دخول حس المسؤولية بقوة اليهم اعجبني ايضا هنا ماقالته كوايت عن عدم وجود النسخ واللصق هنا اي يهمها فعلا الشيئ الحقيقي والواقعي وليس الروتيني والتقليدي وسأكون وحمودة معكم بكل خطوة لتصبحو افضل وأفضل ان شاء الله هكذا نكون ببيت واحد ويد واحدة ونرتقي بتيرا للأفضل وانتم الآن جيد ولكن اريد ان اركم ممتاااز واكثر كلامي ليس مدحا ولا انتقاد اتكلم من منطلق الصالح العام وبوضوح |
رد: تغير جذري ...
على فكرة يا اعضاء لاتسمعوا من هدول
الي بيحتاج معلومة يسئلني انا انا احسن واحد بالعالم لاتردو عليهن وردوا علي باخدكن لفوق فوق فوق |
رد: تغير جذري ...
موضوع كتير حلو كأنك عم تقرأ افكاري حمودة كلامك صح 100% وهاد اللي بنفضل انه يصير لااااا للنسخ واللصق واهلا وسهلا للافكار الجديدة ياللا رح نعصر مخنا ونبلش بداية جديدة باذن الله تكون مكملة لكل شئ كان بالمنتدى |
رد: تغير جذري ...
بالعودة لموضوع اخي محمد فعلا لازم تغير جذري
وبلش من كام يوم هالتغير والكلام ملاحظ وان شاء الله الكل يكون مبسوط بهالشي بالنسبة لمواضيع المنتدى بعد النقاش بهالموضوع وموضوع كوايت السجن تقريبا توضحت افكار كتير وبلشت المواضيع تترتب لحالها بالردود حصرنا ردود الثورة بالمواضيع المخصصة ئلها والألعاب اما مواضيع الحوار والمسابقات عم تاخد حقها ومابيخلو الامور من شوية مزحات وهالشي ضروري بالنسبة للردود صايرة افضل واقوى واطول بدل ماكانت مرور عادي وشكر صار حكي وجمل معبرة وبحث عن اداء لغوي رائع في ردود لسحابة صيف بصراحة عجزت امامها وبتستفز القلم للكتابة فورا وايضا انين لديها اسلوب فريد فيك تشبه اسلوب هالكتابة بالحلم وبتعيش معو ومع الرد استمري انين وخدي راحتك اكتر كوايت كمان تطور اسلوبها ولسة لازم تزيد وتعيش الموضوع اكتر كوايت كبري خطك الله يوفقك نحولت دريم مممم بتشارك ومجتهدة بس كانت اقوى حاسس انو فيها شي زاعجها او شي شاغل بالها بتمنالها كل خير وترجع وتصير احسن الكل دريم نحنا اخواتك واي شي منقدر نساعد في تكرمي خيتي ....... ورغم هالشي لسة لسة لازم اكتر لاتوقفو عند هالمرحلة ابدا بالنسبة لطرح المواضيع مثلا عجبت اي حدى فيكن فكرة من خارج المنتدى او حتى شعر حطو الفكرة براسكن وعملوها بطريقة تطابق تفكيركن وخلو البصمة تبعكن عليها بهيك بتكونو تفردتو بموضوع حصري باسمكن وللمنتدى لانو مستحيل الافكار تتطابق مية بالمية تاني شي بما انكن اصدقاء مقربين بلشو فكرو بمواضيع ثنائية يعني فكرو بموضوع مشترك وصيرو مشو بيناتكن وتناقشو في وعدلو عليه وقدمو بمشاركتين وصيرو انتو ديرو الموضوع بشكل ثنائي هون في كذا مضوع ثنائي وكمان في موضوع ثلاثي .. وملاحظتي اخي محمد انو ما نتشتت بين المواضيع حاليا القصد انو نركز على موضوع او تنين نقاش وحوار بدل ما نفتح اربع خمس مواضيع نقاش ونضيع خلونا كلنا بكرة نفوت لقسم النقاش ونشوف وين وقفنا ونبلش بجدية من جديد مواضيع الحوار اهم شي وبتنمى مواهبكن بدون ما تشعرو هاد الموضوع مثلا ترتب من خلالو كتير شغلات واتفقنا جميعا على اغلب الامور وبتمنى كلامي يكون فاد اي حدى فيكن وانا استفاد منكن |
رد: تغير جذري ...
كلامك مزبووك ومعك باللي قلتو وفعلا صار تغير ملحوظ ،،
كوايت كمان تطور اسلوبها ولسة لازم تزيد وتعيش الموضوع اكتر كوايت كبري خطك الله يوفقك نحولت ههههه ولا يهمك بنكبرواا بالنسبه لردودي ومشاركاتي ان شاء الله باخذ بوجهه نظرك ونتحسن بس أوقات هالنيت المجحشن معي ماعم يساعد بجي بكتب جريده رد وبعمل اعتماد مشاركه بنسى اعمل نسخ لردي بيطير المنتدى والرد والنيت ولبين ما يرجع يشتغل تلت ارباع ردي بيكون عليه العوض هف بالهواء من عئلاتي ههههه بس ان شاء الله بحاول ما انسى انسخ الرد قبل الاعتماد وبزكر انينو ودريمو يزكروني انسخ ههههه (وملاحظتي اخي محمد انو ما نتشتت بين المواضيع حاليا القصد انو نركز على موضوع او تنين نقاش وحوار بدل ما نفتح اربع خمس مواضيع نقاش ونضيع خلونا كلنا بكرة نفوت لقسم النقاش ونشوف وين وقفنا ونبلش بجدية من جديد مواضيع الحوار اهم شي وبتنمى مواهبكن بدون ما تشعرو هاد الموضوع مثلا ) فكره حلوه انو نركز ع شي معين ومانتشتت هلاء انا كان بيدور ببالي كمان موضوع بنفس اليوم اللي حكيت عن السجن بس فكرتو تختلف تماماا مانزلتو لانو لسى عم مخمخو ببالي اسمو ( رحاله تيرا الحب) فكرتو بشكل عام يجتمع كل الاعضاء ونتفق نختار قسم معين ومع ساعات معينه بنفوت عليه كلنا وبنكثف المشاركات والردود عليه بشكل روحي حلو لانو ان اخترنا يكون يوم كامل راح يضيع حق الاقسام التانيه ،، وبالنسبه لموضوع السجن بشوف انبلش فيه بعد رمضان لياخذ حقو وكمان بيكونو الاعضاء اقل انشغالا ،،، وكمان فكره المواضيع الثنائيه حلووه راح ندرسهاا ,,, يعطيك العافيه خيوو ^_^ |
رد: تغير جذري ...
بسم الله ونعود لهذا الموضوع
حتى نبقى محافظين على رتم عالي بالاداء ونشر اكبر للتعاون ونشر الثقافة جميع الاعضاء الحاضرين حاليا باتو مخضرمين ومحترفين لكن مؤخرا الاحظ تراجع بمستوى الردود وفعلا شاهدت ردود سطيحة جدا يقوم العضو بالتعب على موضوع وكتابته ليأتي الرد من الاعضاء (المحترفين) نحن هنا ...او متابعين...او شكرا لك ...او ممرت من هنا... وكثير من هذه الردود السطحية لذلك وبما انكم بتم من عداد المحترفين وتقدرون تماما عواقب مثل هكذا اساليب وردود فساقوم بتنبيه اي عضو يكرر ذلك وان استمر ساقوم باعطاء انذار لكل مشاركة سحطية والانذار يؤدي الى خفض تقييم العضو بدل الايجاب الى السلب وسيتم حذف المشاركة فورا لست هنا في موقف الناصح او الموجه للافضل كما سبق لانكم لم تعودو مبتدئين موقفي هنا هوَّ موقف عقابي ارجو منكم احياء المواضيع بشكل افضل وتقدير تعب المواضيع المطروحة الكلام يشمل الجميع دون استثناء لدينا مواضيع قوية ولايوجد مثلها في اي منتدى آخر التفتو اليها بارك الله بكم ارجو ان لا اضطر لاعطاء اي احد فيكم مخالفة تقصير الجميع تحت المتابعة دمتم |
رد: تغير جذري ...
ان شاء الله
علم اخي |
| الساعة الآن 09:22 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
