|
لهجات ....
بسم الله الرحمن الرحيم
اليوم اجت براسي فكره حبيت طبقها ........ لهجات ؟؟ اللغه العربيه فيها كثير لهجات وكتير كلمات ولاد البلد نفسها ما بعرفوها .... غير لهجات الدول المختلفه عن بعض في لهجات الدوله نفسها ....... يعني انو اللغه العربيه يمكن من اكثر اللغه الي فيها كلمات ما حدا بعرف معناها ويمكن كلمات بدها تنقرض كمان ...... ف حبيت نحكي لبعض كلمات والاشخاص يحاولو يحزرو معناها ..... بس بشرط عدم اللجوء للنت ومعرفه الكلمه ..... خلونا نعملها زي لعبه وبنفس الوقت نتعلم كلمات ونضحك ع هبلنا واحنا بنحزر الكلمات ...... وبعد ما نعرف كل الكلمات بيجي شخص تاني بكتب بلهجتو او لهجه بلد تاني وهكذا ....... بدي بلش انا بدي اكتب كلمات فلسطينيه وفي كلمات سهله بدي اكتبها وكلمات ما بعرف ازا حتنعرف او لا ..... مش ( وحرف الشين بصوره عامه بنهايه الكلمه شو معناتو باللهجه الفلسطينيه ؟ ) على بلاطة حَكُورَة .... الحركات عشان تسهل طريقه اللفظ ملغوص .... خُرَاف.... ابصر ...... مِسَرْمِج....... |
رد: لهجات ....
فكره حلووه منها بنستفاد ونتسلى
لجرب احزر 😀 مش ( وحرف الشين بصوره عامه بنهايه الكلمه شو معناتو باللهجه الفلسطينيه ؟ ) مش يعني مافي ..الشين بظن لفظ للنهي على بلاطة مثل ع جثتي ههه يعني مستحيل يصير حَكُورَة .... الحركات عشان تسهل طريقه اللفظ اممم اسم آله حفر 😕 ملغوص .... اممم مستعجل خُرَاف.... ماعرفت ابصر ...... يعني مثل الله العالم مِسَرْمِج....... اممم مسطول |
رد: لهجات ....
اقتباس:
هههههه عندك تنين صح بس ...... لنشوف الباقي ..... شعشعتي ..... ( يعني انرتي ) |
رد: لهجات ....
مش ( وحرف الشين بصوره عامه بنهايه الكلمه شو معناتو باللهجه الفلسطينيه ؟ ) مش يعني ماهيك يعني النفي على بلاطة يعني احكي الشغلة بشكل واضح يعني دج حَكُورَة .... الحركات عشان تسهل طريقه اللفظ الارض الي ورا البيت بيزرعوا فيها اشياء ملغوص .... اذا ع شخص يعني صغير مو واعي واذا اشياء يعني مانا زابطا معفسة او منظرا مو حلو خُرَاف.... كذب اوتخاريف او خواريف ماااع ههه ابصر ...... مدري كيف مِسَرْمِج.. مابعرفا |
رد: لهجات ....
اقتباس:
صدمتيني ما شا الله عنك عرفتي شغلات منيحه |
رد: لهجات ....
مبدع انت يا ابني والفكرة خطيييرة
أي من زمان طالع هالمواهب المدفونة اقتباس:
|
رد: لهجات ....
اقتباس:
على بلاطه زي ما حكيت معناها من الاخير انو زي اخر الكلام وهكذا بس انا ما شفت حدا بستخدمها بالمفاصله بالسعر وهيك بس بتنحكا بالكلام ضل كلمه وحده بس ما انعرفت ما شا الله كل الكلمات انعرفت الا هالكلمه مين الشاطر الي بدو يعرفها ؟ خُرَاف.... ع فكره ما اللها خص بالخرفان والحيوانات للتبسيط بدي حطها بجمله .... لورد تعا اخرفك هالخراف |
رد: لهجات ....
حبيييت كتير الموضوع
يسسعدك ع روعتو حمودة ~ بما انو انعرفت المعاني كلا رح حاول احزر كلمة خراف بصراحة فكرت معناتا شي من الخرف بس مع هالمثال ممم يمكن المعنى تعا لاحكيلك هالحكاية او هالقصة والله اعلم ههه |
رد: لهجات ....
ههههههه اه هيك صحيح ....
معناها تعا احكيلك هالشغله خراف يعني حديث او حكايه او كلام انو تعا احكيلك هالشغله وهيك اشي ..... يلا حدا فيكم ينطلق ببعض الكلمات |
رد: لهجات ....
اقتباس:
|
رد: لهجات ....
هاتو لشوف
تئبشني تشكل آسي تزهرم زمهرير مافي الدومري لــز تفضلو ورجوني ابداعكن باللهجة الشامية |
رد: لهجات ....
سبقتني لورد خيوو ههه
مممم رح اترك مجال لرفئاتنا بما اني بعرفن يلا يارفاق تشكلو آسي :) m8 |
| الساعة الآن 09:43 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
