|
نصيب
في حدى نصيبه زوج صالح .. وحدى نصيبه أب حنون وحدى نصيبه اهل رائعين واحد صحبه حلوة والتاني جاه ومال وواحد اخوة وسند ويمكن البعض نصيبن يكون شهادة وتميز كل واحد فينا عنده نصيب بشئ ما وماله نصيب بشي تاني لكن انت مابتعرف غيرك شو شاف بحياته وشو ظروفه وكم معاناة مرت عليه بهالحياة ورب العالمين كيف هيك عوضه وجبر خاطره مابتعرف ربنا شو اخد منه وشو اعطاه والي عينك ممكن تكون على هالنعمة الي انعمها الله عليه لا حد يتخيل انه في حدى حياته كاملة بلا فقد نحنا منشوف الظاهر اغلب الاحيان الدنيا مو مستاهلة حسد ولا حقد افرح للناس وتمنى الهم الخير واحمد ربنا على نعمه الي مابتنعد والله بكرا رح يكرمك ويعطيك متل ما اعطاهم واكتر ... الحياة ابدا مابتوقف عند شي نحنا فاقدينه ويمكن الي منتمناه يكون شر علينا لهيك الله برحمته الكبيرة بيبعده عنا ( مو ضروري الي عند غيرك وبتتمناه يكون وجع لالك اذا ما حصلت عليه الحياة قسمة ونصيب وماحد بياخد غير نصيبه ) من الئلب بتمنى للكل الخير ... |
رد: نصيب
هالكلام كبير سحاابة ياريت كل واحد بيعرفوو وبيحطو قاعدة لحياتو
بس عبث ... الناس عدها اكلت بعض عينيهم فارغة .. الله المستعاان تشكراتي ع الموضوع سحووبة ما ننحرم روعاتك وابداعك ورودي لك... |
رد: نصيب
بتعرفي انا اؤمن جدا بهذا الكلام
وربي قد ما اخذ منك قد ما بيعطيك وتعرفي بجد داخله اليوم وحاسه بنقص بس موضوعك اعطاني تفاؤل ما اعرف وين كان عقلي قبل لاشوف كلامك. وبجد محتاجين لنسمع هالامور من وقت للثاني شكررا حبيبتي اه واسمحيلي اقتبس موضوعك بموضوع نقاش :) |
رد: نصيب
كل شخص فينا الو نصيب أفضل من التاني بهالدنيا
بس يقتنع انو هاد نصيبو وباقي الناس نصيبن بهالعمر مختلف يمكن ربنا يحرمنا مال بس يكون نصيبنا صحة يمكن ربنا مايعطينا ولاد بس نصيبنا حب وبالاخرة حتما موعودين بكل شي وبيتعوض كل شي مجرد الاقتناع بالنصيب والرضى بالقسمة هوة احسان في الدين وتسليم لامر الله ليش الحسد ليش ديئة العين لييييش التفكير بنصيب الناس التانيين فكر بحالك وبنعم الله عليك ومن عبر أيام زمان ان قوما مروا على رجل مريض اعمى ابرص مشلول مات كل اهله يسبح ويشكر الله على نعمه فقالو له متعجبين على ماذا تشكر وتثني وقد أُخِذَ منك كل شيئ فقال ويحكم اعطاني لسانا اسبح به وادعوه ليل نهار واعطاني قلبا اشعر به واحن ولايحن قلبي الا للقاء ربي ................ كلام عالوجع وعالجرح سحابة صيف جعل الله نصيبك في الدنيا كما تتمنين |
رد: نصيب
راحة نفسية لا متناهية في هذا الركن
كلام من ذهب سحابة انا دايماً بشوف الناس من الجانب الآخر وبقول الحمدلله قد ماكان بحياتي مشاكل ومتاعب وآلام واحزان ربنا عوضني باشياء ثانية بعتبر الصحة اكبر نعمة من ربي وناس كتير تتمناها في ناس تفتح عيونها بمشفى غسيل الكلى ناس تحط بطارية لتنظيم القلب ناس عم تحط شبكة للقلب او قسطرة ناس تتمنى تملك البصر لتشوف الدنيا وناس تاخد جرعة كيماوي ويمكن هالناس كلها الي ذكرتها عندها مال كتير وعز وجاه هالمال شو بفيد المال مقابل الصحة الحمدلله دائماً وابداً الله لا يجعلنا من الحاقدين والحاسدين ويبعد هيك ناس عنا كل الشكر الك سحوبة راق لي مانثرتي وزاد الامل والتفاؤل في داخلي لا عدمنا روعة تواجدك وجمال كلماتك كل الود والمحبة لك |
رد: نصيب
سررتُ بكلِّ كلمة وُجدَت هُناا و دخلت أعمَااقِي
كل إنسَاان و لهُ نصيبه مِن الدّنياا و الإنساان الذي يُدركك أنّ كلَّ شيءٍ في يدِ الله الواحد الأحد يُؤمن بهذا الشّيء ولا يحمل في قلبِه غِلّا ويرضى بِنصِيبِه مهمَاا كاان لأنّ أقدَارنا و نصيبناا مكتوباان و الخِيرة فِيما اختااره اللهُ لناا أسعدنِي جدًّا موضووعكك سحاابة صيف وربناا يكتبللك و الجميع النّصيب الحلو من كل إشي كلّ الشّكر لكِ ماا نِنحرم تألق قلمكك ^^ |
رد: نصيب
النصيب هو ما يأتي بمشيئة الله او كما يقال عبارة دارجة (النصيب لمن ينصبه ) وصدقا لا اعرف اشعر ان هذه الجملة فيها شئ من الحرام ؟؟؟؟ ( مو ضروري الي عند غيرك وبتتمناه يكون وجع لالك اذا ما حصلت عليه الحياة قسمة ونصيب وماحد بياخد غير نصيبه ) هيدا الكلام وراه كلام وكلام .... انت مابتعرف غيرك شو شاف بحياته وشو ظروفه وكم معاناة مرت عليه بهالحياة ورب العالمين كيف هيك عوضه وجبر خاطره مابتعرف ربنا شو اخد منه وشو اعطاه والي عينك ممكن تكون على هالنعمة الي انعمها الله عليه ياترى شئد بتحمل كلمة النصيب معاني ... النصيب قدر من الله والاقتناع انه الي بئيد غيرك مو الك لربما وعالاكيد الله مخبيلك اشياء احلا بكتير لقمة غيرك مو اطيب من لقمتك يمكن هو عم ياكلها وبقلبه الف غصة لاتحاول تحسد ولا تسرق من لقمته وتقول نصيبي الله ابعدو عن هالمكان لاكل انا من صحنه هي اسما سرقا ... هي ابدا مانا نصيب كتير قصص بتصير وبتتعلق على شماعة النصيب .... فليش تحارب يا انسان ؟؟؟ تسرق ضحكتك وضحكة الحواليك ؟؟؟ تحت مسمى نصيب السؤال الي بيخطر ببالي هل كلمة النصيب والقدر ذات مدلول واحد ؟؟؟ (هذا نصيبه من الدنيا ) (هذا ماقدره الله له ) ايه رايكم يامتعلمين :m17: :):) |
| الساعة الآن 11:22 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
